Gavevo un topic sul vecio forum intitolado a Lelio Luttazzi, anche se dopo, come al solito se ga divagado. Go dito "lo accodo a quel esistente"...
Esistente?? No esisti proprio! a parte una citazion fata in altra sezion sul suo ultimo album. Savè che se pigri!
Bon, meto quel che su de lui iera sul vecio forum de Trieste Mia. Ricordo che Lelio Luttazzi el ga un
sito ufficial dove podè trovar anche la sua biografia.
---------------
Da giuliano on Sat, 09 Aug 2003 16:07
Volevo saver se xe ancora vivo Lelio Luttazzi. Me ricordo co iero giovine scoltavo sempre el hit parade, e me sentivo orgoglioso che el iera triestin
l'unico triestin alla radio...
e dopo go impara' che el iera sai un bravo musicista, anzi se no me sbaglio el gaveva el titolo de "maestro".
---------------
Da macondo on Sat, 09 Aug 2003 21:39
Lelio Lutazzi xe ancora vivo e el ga compiudo 80 anni (el xe del 1923). Anca Teddy Reno (classe 1926, 77 anni) xe ancora con noi.
--------------
Da Lucio Coceani on Sun, 10 Aug 2003 02:43
....eco dele bele notizie. Grazie Macondo.
Me ricordo co la radio, no me ricordo se iera un programa nazional o via radio Trieste, che se intitolava "Il motivo in maschera", ed il nostro Lelio jera propio el diretor musical.
Jera un programa, dove i competitori doveva indovinar, dopo domande preliminari, una canzoneta popolar, ma el motivo jera cussì ben sconto drio diversi arangiamenti musicali, che jera dificile sentir el motivo original.
-----------------
Da Desert RAT on Sun, 10 Aug 2003 17:16
Per eser giusti, mi no go mai sentido de Lelio Lutazzi, facilmente mi iero za via de Trieste. Però oggi me son accorto che go un vecio disco che mio cognà me gaveva mandà, credo nel '50 che xe de lui, asai simpatico
"El can de Trieste" e
"L'Ottimista".
Marcello
------------------
Servolo ricorda che "El can de Trieste" doveva eser del 1967-68.
------------------
Da giuliano on Tue, 12 Aug 2003 02:43
Te ga raion servolo, perhé la canzon la iera diventada cusì famosa, che la xe rivada in primo posto nella classifica del "hit parade" appunto presentada da Lelio (himself) e mi gavevo 13 anni nel 68, co la go scoltada.
Nel 50 no iero ancora nato.... (contrario a credenze popolari)
-------------------
Da Lucio Coceani on Wed, 20 Aug 2003 04:37
Foto presa a Roma nel 1959.
-------------