Vigili urbani

[babatriestina]

vedo che più de un usa la parola vigili, ma mi in triestin go sempre dito tubi. Anche se no i ga più el capel de una volta. Al massimo, guardia dopra Cecchelin ( due e venti, sul codice della strada) Oddio, col fa la parodia : I vigili vigila vigilando che tuto vada bene.. alora torna fora i vigili..
Ai tempi del TLT, iera i cerini col casco come i pici fiammiferi de cera ( esisti ancora cerini? mi dopro sempre i fiammiferi di sicurezza, vulgo i Spetimeunpoco per impizzar el gas sul fogoler)

[AdlerTS]

Mi uso anche Tubi ...in genere sento che in triestin moderno se usa più semplicemente "i urbani"

[sono piccolo ma crescero]

E la frase storica

Siora guardia la me da un cerin che no vedo un tubo

quando che la contavo in classe dovevo tradurla

E invece de urbani go sentì urbi; "Se rivai i urbi", "ocio che no te bechi i urbi", ecc.

[Nona Picia]

Anche mi uso spesso, no sempre, tubi, e qualche volta e a seconda de chi che me scolta, anche urbi, naturalmente parola imparada dai miei fioi co i iera ancora a casa.

[babatriestina]

Urbi mai sentido, se vedi che son vecia, per mi xe solo la benedizion Urbi et orbi

[rofizal]

Dal vecio forum de Trieste Mia. El topic cominciava con la foto de Andy, spero che ghe vadi ben se la ripropongo qua.

-------------------

Da Andy on Sun, 11 Jan 2004 18:13

Foto trovada nei cassetini dei mii, non so chi sia questi, penso che sia un cerin e un altro signor fora i cancei de Miramar dopo le galeria, de drio scrivi anno '52 .....buuuuhhhh....

-------------------

[rofizal]

--------------

Da Kasteliz on Sun, 11 Jan 2004 18:32

...più precisamente dentro del cancel fra le galerie...

Interesante el cerin col tiro a sinistra a pindolon. Normalmente el doveva star in vita a destra.

Sempre bele ste foto, bravo Andy.

--------------

Da Desert RAT on Sun, 11 Jan 2004 18:47

No me ricordo che i cerini gaveva un cappel come quel, de solito i lo gaveva come i poliziotti inglesi.

--------------

Da Kasteliz on Sun, 11 Jan 2004 22:26

Si, i gaveva anche quel co' l'ongia, a seconda del servizio.

--------------

[rofizal]

--------------

Da Desert RAT on Sun, 01 Feb 2004 15:07

Gave' ragion, gave' ragion. Adesso me ricordo che anche mio fradel che iera nelle vedette el gaveva un capel come questi. Cosa vole', xe la vecciaia e xe passà piu de mezzo secolo.

---------------

[sono piccolo ma crescero]

Parlando con un tubo che el me spiegava perché che no i vol la pistola, el me ga dito, ala fine de un ragionamento longo e che condivido, "insoma, noi semo e volemo restar la guardia del radicio".

[babatriestina]

non ricordo bene l'episodio che diede luogo alla definizione, ma ricordo che in un caso l'epiteto guardia del radicio è stato considerato dalla magistratura come un insulto e chi lo ha proferito è stato condannato.

[Nona Picia]

Urbi mai sentido, se vedi che son vecia, per mi xe solo la benedizion Urbi et orbi

Urbi,nel linguaggio della muleria al'epoca che i mii fioi iera ancora muli, stava per "vigili urbani", ma iera tropo longo e alora xe diventàUrbi. Iera cominciada la moda de ridur le parole a poche lettere.....

[serlilian]

Urbi no go mai sentì. Conosso guardia del radicio, tubi e più recentemente urbani.
Ocio che i se rabia anche se te li ciami tubi. "No Te capissi un tubo"... spiega perchè.

[Bilbo]

noi li ciamavimo ancas "bucai"

[Zigolo]

non ricordo bene l'episodio che diede luogo alla definizione

Penso perché i gaveva (e forsi i ga ancora) compiti de vigilanza al mercato (guardia annonaria).

[Nona Picia]

No solo al mercato centrale o quel de via Carducci, anche in piazza a Roian, ai bei tempi che la iera piena de bacarele e in Ponterosso e xe che ne iera altre anche là. Mi me ricordo del tubo che girava a Roian, che dopo trenta anni el xe diventà un mio vicino de casa.....

[AdlerTS]

Go visto in giro foto de vigili urbani in divisa bianca a Trieste: qualchidun saveria definir el periodo ?

[Zigolo]

Go visto in giro foto de vigili urbani in divisa bianca a Trieste: qualchidun saveria definir el periodo ?

Estate!

[Nona Picia]

Una volta i vigile in estate gaveva sempre la divisa bianca, ma no me ricordo se iera fina ai anni 60 o anche qualche anno dopo.

[potter]

I tubi in divisa bianca jera con el GMA durante el TLT, che i se ciamava Polizia Amministrativa e credo che jera un reparto autonomo dela Polizia Civile e i gaveva le auto e le moto con targa bianca "Amm.a "e dopo el numero se me ricordo ben . I cambiava la divisa me par el 1 giugno , credo che i xe 'ndai avanti fin a esaurimento de le scorte e a una specie de acordo europeo che sia le auto che le divise doveva 'ver un aspeto simile o qualcossa del gener, purtropo no me ricordo ben, ma credo che i Tubi o qualche uficio comunal dovessi saver risponder ! Ciao a tuti, John Paul Potter

[babatriestina]

e ala sera verso le nove, co i gaveva la divisa scura, i ghe meteva sora una specie de incerada bianca per esser più visibili: sì, i iera che i fazeva vigilanza ai incroci e nei casotti trasparenti per vigili anche a quel ora: mia mama me spiegava Ti vedi? le guardie ga el capel bianco, e xe l'ora che i fioi devi andar a dormir.. altro che a nanna dopo Carosello!