marantega

[babatriestina]

Stamattina me sveio, el mal de gola xe migliorado ma son piena de tosse e cataro ( se va avanti cusì per bon passerò la notte de Capodanno inciodada a casa) e me son dita Che marantega che son!
Ciapo el Carpinteri che stago legendo Processo ale parole: marantega no ghe xe. El significato ve ben, ma l'etimologia?? de dove vien sta parola? no so. Qualchedun che ga un dei dizionari de triestin ( a proposito, Carpinteri li elenca, li riporteremo e vedemo se i ghe xe tuti..) ghe trova l'etimologia?

[AdlerTS]

Persona brontolona, noiosa e stizzosa.
Da ant. ted. mara "incubo" (Prati)

Grande dizionario del dialetto triestino di Mario Doria

[Bilbo]

za co sta parola vedemo quanto ligà xe el dialeto triestin a quel veneto.

infati marantega anche se con significato legermente diverso.-

[babatriestina]

A casa mia ( sopratuto casa de mama- dialetto triestin de origine istro veneta) el vegniva doprado soprattutto nela variante Vecia marantega e applicado ale vece catarrose, come che me sento mi in sti giorni.
Per personaggi poco simpatici come che xe nei dizionari, mio nono istrian li definiva crodighe, senso traslato da "cotenna".

[AdlerTS]

Iera anche la definizion "tosse stizzosa, raucedine", es: "Cos'te ga la marantiga?"
Da "Rantega", cioè "rantolo".

Stessa fonte

[ffdt]

Anche el Rosamani cita "rantolo" come significato ... ma no soto marantega ma soto marantiga.

[pastafasoi]

dal vocabolario del Pinguentini:
maràntiga - in origine befana,fata, ora donna vecchia,rinsecchita,grinzosa."aver la maràntiga",raschiamento in gola connesso a "ràntega" - rantolo.

[potter]

In un libro sora la "Mitologia Gemanica " xe scrito : Il Vischio sembrava un miracolo perche' prodotto senza semi e cresceva sulla sacra quercia,quando trovato veniva colto il sesto giorno dopo il plenilunio,il sacerdote in veste bianca(par de leger Asterix)saliva sulla pianta e la tagliava con una falce d'oro. Nel Holstein il vischio e'detto "MARANTAGEN",ramo di strega";e marantega nell'Istria ed in molte localita' del veneto,significa precisamente"brutta vecchiaccia,strega.
Ciao.John Paul Potter

[Coce]

Mi me ricordo che el termine "Marantigo-Marantiga" vegniva usado in maniera general per robe de cose o de persone che iera mal andai, o che no funzionava o anche spiacevoli, e no gaveva gnente de far con done o omini veci. Ciao Coce

[serlilian]

A casa mia se usava "(vecia) marantiga", per dir una baba che no ghe andava ben niente, che la brontolava, che la se lamentava e "marantiga" anche per spiza in gola.

[potter]

Bon giorno ! Gave' tuti ragion, anche a casa mia se dopra "marantiga" per
raucedine e/o per strofal de baba con bruto caratere. Ma visto che se zercava l'etimologia , me ga parso cocola l'origine che ghe da spiegazion a la mutuazion in senso lato dada dal nostro dialeto al significato originale.
Ciaooo . John Paul Potter