Lavoretti di casa

[babatriestina]

Una dona de casa devi saver disbratar la casa ( e in particolar disbratar la tovaia dopo magnado), e oltre che cusir botoni, la devi saver cusir sustine (bottoni a pressione) e asole ( gancetti), oltre che cusir un tacon ( pezo el tacon che el buso) o bieco ( nona tegniva un cassettin dei biechi), ma, se el buso xe picio, basta saver straponzer.
El tuto doprando più de una vetta de fil , mi che lo tegnivo longo per no zontar nona la ciamava la vetta del diavolo. Che po se taiava cole forfe ( da cui forfecola o forficula= forbicana, el insetto "forbicina")

[granzo]

Ma te sa anche far sorafili, gaxi, piete, impuntar i aghi de pomola?

[babatriestina]

Ma te sa anche far sorafili, gaxi, piete, impuntar i aghi de pomola?

Mi fazevo veramente sorapunto!
e per no sponzerme coi aghi de pomola, zercavo sempre de doprar i aghi de sicurezza. La pieta, po i me la fazeva sui vestiti de picia, i li comprava in cresser, e i vardava che ghe fussi la pieta, cussì l'anno dopo i slongava e andava ben per do ani

[pastafasoi]

...te sa anche guciar? Mi de guciar no capisso niente, mia mama tanto brava de far maie e mi nisba. L'altro inverno go provà a farme una maia, no ve digo coss'che xe vignù fora - collo stretto, manighe lunghe- cussì go disfà tuto e messo via aghi e lana. Però a ucineto me va meio, rivo farme qualche bel centrin!!

[babatriestina]

sempre per i lavori de casa, spolverare xe far la polvere, anche se in realtà la polvere se la cava.

[sum culex]

BabaTS ha scritto:

Una dona de casa devi saver disbratar la casa ( e in particolar disbratar la tovaia dopo magnado)

Dopo che te ga 'disbratà la tola'. te lavi i crepi, i pironi e tuto el resto? E dopo te se senti (da sentarse e no da sentirse) sula carega rente la tola a far un bel pisoloto ? O te va deboto a smanetar sul PC in atrieste?
Ciao
sum culex

[babatriestina]

i crepi a casa mia no se ga mai dito, i pironi ne spiegava el nostro professor de grego che vien del grego peirào, attraversar. Credo che sia simile in grego moderno. ma lavo le tece, le fersore, no son bastanza ordinaria per dir farsore cola a.. anche careghe a casa mia no se doprava, e deboto lo conosso solo dele comedie venete de Goldoni.
Però papuzzo per la casa in zavate.

[sum culex]

Però papuzzo per la casa in zavate.

Te ga anche le capel de paia come nela famosa conzoneta?

ciao
sum culex

[Nona Picia]

Pironi sarà anche derivà dal grego, però se diseva e tanti disi ancora. Però mio papà voleva che disessimoforchette, cucchiai, piatti, sedia, anzi seggiola,piatti ecc. ecc.No ghe pareva bele le parole in triestin patoco e cussì mi le go imprade solo molto dopo fora de casa.

[Elisa]

Il dialetto trentino è stato"raffinato"...ah sì! ma prima, en dialet patoc, ben che diseven anca noi:
piron alla forchetta
carega alla sedia...
Non ci sarà da vergognarsi se si crede che queste parole sono "montagnare" o "contadine"... perchè il dialetto è un patrimonio culturale, pittoresco, simpatico, e grazie agli studiosi sarà valorizzato e conservato nella storia.

[Zigolo]

E minestra de piròn, gavè inteso?

Sarìa pasta, riso, etc, cioè un primo che no se magna col cuciar, ma col piron.

[Nona Picia]

No gavevo mai sentì de mula, ma avendo conossù dei amici italiani, go imparà che esisti anche "la minestra in past(asciutta)".

[serlilian]

Si, una mia zia diseva "minestra de piròn" e mi, de picia, no capivo ben cossa che iera.

[serlilian]

Per quel che riguarda i lavori de casa:

"Ciòla, ciòla Pepi
che la xe carina
la scova la cusina,
la frega el fogolèr"

A casa mia iera ancora un vecio fogolèr. Iera una costruzion in muratura con in mezerìa un buso quadrato, con una gradela de sora. I me contàva che una volta se fazeva fogo là dentro e se cusinava sule bronze, ma mi no go mai visto.

[serlilian]

A casa mia se diseva: piròn, cuciàr, cortèl, piato, piàdina, tecia, pignata, bronzìn (pignata più streta soto e sora e più larga in mezo), strucapatate, passabrodo o scolabrodo, cuciàr de legno e lavar i piati o più raramente lavar i crepi.

Per tirar la pasta se usava el vàler o tisc'làifer = matterello.

[babatriestina]

tisc'làifer = matterello.

per mi, Tischlaufer, che saria el termine tedesco che se pronuncia ( soprattutto cola pronuncia averta triestina del tedesco) come che te scrivi ti, xe una passatoia, cioè una strica de tessuto decorada che se metti in mezzo della tavola o a casa mia se metteva anche sulla credenza co ghe iera ospiti.
No gavemo mai trovado el termine per el mattarello, chi usa Rodolo per la pasta, e mi go sentido un termine, immagino onomatopeico, Didl-Dodl

[babatriestina]

Per quel che riguarda i lavori de casa:

"Ciòla, ciòla Pepi

de moi:
" E Ciòla, ciòla Pepi
che la xe carina
la scova la cusina,
e altro no la sa far

[sum culex]

A casa mia iera ancora un vecio fogolèr. Iera una costruzion in muratura con in mezerìa un buso quadrato, con una gradela de sora. I me contàva che una volta se fazeva fogo là dentro e se cusinava sule bronze, ma mi no go mai visto.

Sul fogler che gavevimo noi a casa davanti iera la portela per i legni, de soto la portela per la zenere e in fianco el forno. De sora no iera una gradela ma una piastra de fero con uno o due busi tondi coverti con tanti cerci concentrici che se cavava a seconda dela misura dela pignata e de lato ghe iera in un buso retangolare una (no me sovien el nome) spece de tanica de rame col covercio che restava incassada per tignir l'acqua calda.
ciao
sum culex

[Elisa]

Noi ghe diseven semplizemente così: la vasca.

[babatriestina]

Ma te sa anche far sorafili, gaxi, piete, impuntar i aghi de pomola?

eco gaxo cussì no scrivo, ma far un gaso sì e no lo trovo ancora nel nostro vocabolario.. una cucitura, un orlo... anche gasio dice il Doria Zeper