Vocabolarietto Triestin-Italian

[Ciancele]

Go leto quel che disi el Doria e no go capido gnente: busto eretto, gambe incorsade in modo de sbater l'acqua col cul. No rivo a imaginarme come che el posi eser.
Vedo, po', che el Doria (e anche el Kosovitz) dà per Pagnaca, stupidin, sempliciotto. Lo gavè mai sentido? Se ve par metemo un dei due o anche tuti due, ma me dovè dir voi.

1) Come nel mio libro de fisica: Provando e riprovando. Ma no in vasca a casa. Bisognaria 'ndar almeno al pedocin. Ai mii tempi se se butava a culatada par schizar la gente.
2) Anca a mi me par de ricordarme solo cusì.

[sono piccolo ma crescero]

a pagnaca

Lo go zontado. Diseme se va ben cusì. No go meso pagnaca per stupidin, perché me par che nisun lo conosi.

1) Come nel mio libro de fisica: Provando e riprovando.

El moto me par che sia de l'Accademia del Cimento, lo scrivi per primo Dante e riprovar no vol dir provar de novo, ma "manifestare giudizio di riprovazione".

Quel sol che pria d’amor mi scaldò ’l petto,
di bella verità m’avea scoverto,
provando e riprovando, il dolce aspetto;

Co la fisica centra perché l'Accademia del Cimento iera la prima accademia scientifica a meter in pratica el metodo de Galileo, ma col provar de novo no centra gnente; vol dir "verificando quel che xe giusto e butando via quel che xe sbaglià".

Questo giusto per farghe la punta al... perché anche mi lo go doprà nel senso che te disi ti.

[Ciancele]

[quote="sono piccolo ma crescero"]
a pagnaca
Lo go zontado. Diseme se va ben cusì. No go meso pagnaca per stupidin, perché me par che nisun lo conosi.
A mi me par che 70 ani fa in familia se usava. Ma bisogna veder se el triestin de ogi conosi e usa 'sta parola.

[Piereto]

Son un triestin moderno , ma sto termine pagnaca no lo go proprio mai inteso, per mia curiosità ghe domanderò a qualche mio conoscente se el lo ga mai inteso.

[babatriestina]

Co la fisica centra perché l'Accademia del Cimento iera la prima accademia scientifica a meter in pratica el metodo de Galileo, ma col provar de novo no centra gnente; vol dir "verificando quel che xe giusto e butando via quel che xe sbaglià".

Questo giusto per farghe la punta al... perché anche mi lo go doprà nel senso che te disi ti.

perchè el xe stado publicizzado nela famosa strofetta goliardica, ma diria a livelo de ginasioti

El professor de chimica
provando e riprovando
el ga trovà che el stronzio
precipita cagando

[babatriestina]

Son un triestin moderno , ma sto termine pagnaca no lo go proprio mai inteso, per mia curiosità ghe domanderò a qualche mio conoscente se el lo ga mai inteso.

diseva papà mio, ma se el fussi vivo el gavessi ben oltre zento anni.
Za el tuffo a bomba, che dopravimo noi mularia, adesso xe superado dele clanfe che xe citade dapertuto. E che mi no so se se fazeva alora o per lo meno no con quel nome.

[sono piccolo ma crescero]

a pagnaca
Lo go zontado. Diseme se va ben cusì. No go meso pagnaca per stupidin, perché me par che nisun lo conosi.
A mi me par che 70 ani fa in familia se usava. Ma bisogna veder se el triestin de ogi conosi e usa 'sta parola.

Come tuffo o come sempliciotto, ingenuo?

[Ciancele]

Lo go zontado. Diseme se va ben cusì. No go meso pagnaca per stupidin, perché me par che nisun lo conosi.
A mi me par che 70 ani fa in familia se usava. Ma bisogna veder se el triestin de ogi conosi e usa 'sta parola.
Come tuffo o come sempliciotto, ingenuo?

Pagnaca come sempliciotto. Ingenuo sicuramente no. Te dago la traduzion in triestin negron. Forsi te sarà più ciaro. El termine xe: monisin.

[Ciancele]

..... perchè el xe stado publicizzado nela famosa strofetta goliardica, ma diria a livelo de ginasioti
El professor de chimica
provando e riprovando
el ga trovà che el stronzio
precipita cagando

A livelo aviamento cantaimo: La baba de tedesco seduta sopra un banco gridava a squarciagola la vendo per un franco.

[sono piccolo ma crescero]

Ogi go trovà una parola che no xe nel nostro vocabolario ma che me la ricordo mi e la xe anche nel Doria. E alora la go zontada: NAPOLETAN, di solito doprà al plurale NAPOLETANI, che no saria i abitanti de Napoli, ma i wafer.

[babatriestina]

confermo,no pensavo che fussi solo che un uso nostro

[sono piccolo ma crescero]

confermo,no pensavo che fussi solo che un uso nostro

Anche mi, ma sui Devoto Oli e sul Garzanti no lo trovo. E gnanche qua http://www.treccani.it/vocabolario/napoletano/

Se ga insospetido mia moglie quando sula confezion dei wafer Loaker la ga leto la scrita Napolitaner che però no trovo sui mii vocabolari de tedesco. Qualchedun disi che i li ciama cusì perché la crema originale prevedeva de doprar nosele napoletane https://it.answers.yahoo.com/question/i ... 517AAx93K0 ma yahoo answers no xe una fonte attendibile.

Anche in sto blog https://angeloxg1.wordpress.com/2011/05 ... politaner/ i dà la stesa risposta, probabilmente la sarà vera, ma savemo che su internet se se copia un co l'altro.

Comunque anche in ste pagine no i disi che i wafer i li ciama napoletani, quindi penso che sia un nome local.

[Nona Picia]

inAustria i ga sempre ciamà i wafer ripieni de crema nocciola Neapolitaner zà, se no ancora prima, co mi iero picia

[babatriestina]

Scorrevo el dizionario: i volti de Cioza va ben, ma el volto per mia nona iera anche la maschera de carneval " te se vesti anca col volto"?

[sono piccolo ma crescero]

Trovado anche sul Doria. Messo, anche se no lo gavevo mai sentido.

[babatriestina]

La canzon " maschereta che ti giri" a un certo punto parla de un " soto el volto de bebè" o simile. Ricordo vago...

[babatriestina]

compagno

vocabolo italianissimo per indicare un amico, un po' inflazionato dal comunismo " compagni!" ma in dialetto significa anche simile, uguale: " go fato compagno" per dire ho fatto lo stesso. O " iera compagno" per dire era uguale. Mai che trovo i calzeti compagni!

[babatriestina]

La canzon " maschereta che ti giri" a un certo punto parla de un " soto el volto de bebè" o simile. Ricordo vago...

ecco qua

Parole di G. Piazza
Musica di Ernesto Luzzatto

Maschereta, che ti giri
nele piazze e nei cafè,
vedo i oci che ti impiri
soto ‘l volto de “Bebè”.
Quela vose fina fina
li fa tuti bazilar,
ti xe brava birichina,
de no farte indovinar.

[sono piccolo ma crescero]

compagno

vocabolo italianissimo per indicare un amico, un po' inflazionato dal comunismo " compagni!" ma in dialetto significa anche simile, uguale: " go fato compagno" per dire ho fatto lo stesso. O " iera compagno" per dire era uguale. Mai che trovo i calzeti compagni!

Però mi penso che sia italian

ma le bionde ciaveveno l'amante
e le more ciaveveno l'amico;
vojantri me direte: E le castagne?
Eh! puro quele lì... Tutte compagne!

E infatti anche el Devoto Oli riporta "Pari per qualità e valore".

Comunque se ve par che se lo dopri de più in dialeto, se pol meterlo.

Invece me xe vegnuda in testa un'altra parola che xe anche in italian, ma che me par che se la dopri con altri significati: insieme.

ANDAR INSIEME: 1. andare con; 2. svenire; 3. il coagularsi del latte.

[Nona Picia]

Esatto la conosso anche mi cussì