Vocabolarietto Triestin-Italian

[sono piccolo ma crescero]

Ogi go sentido una parola de due parti e quindi la zonto sul vocabolario: intripar.

Una roba me intripa, vol dir che la me piasi assai e la me fa perder la testa; etimologia da l'inglese trip, el viagio che fa i drogai.

Certo no fa parte del triestin dei tempi de Ciancele e, in definitiva, gnanche dei mii, però dovemo riconoser che la lingua cambia.

[babatriestina]

ara ti e mi pensavo che me missia le tripe ossia i budei

[babatriestina]

Sfrusignà o sfrusignado, lo doprè?

[sono piccolo ma crescero]

No, ma el xe anche sul Doria. Lo metemo.

[sono piccolo ma crescero]

Sfrusignà o sfrusignado, lo doprè?

Te me dà una definizion, visto che no lo conoso e la sola roba che poderia far xe copiar quela del Doria?
El Doria dà anche Sfrusignada, Sfrusignon e Sfrusugnar. Te le gà doprade o sentide?

Prima de ste parole, sempre sul Doria, ghe xe, un modo de dir "de sfrozo" che mi me par de ver sentido, anche se no lo go mai doprà. Conosè sto modo de dir? lo gavè doprado? Con che significato?

[babatriestina]

Mi me ricordo l'espression del tipo " un visetto sfrusignado" che credo sia un traslado. No so come che me xe vegnudo in mente pensando che qualcossa iera "sfrusignada". "Te me ga el aria sfrusignada"
I altri termini no i conosso.

[sono piccolo ma crescero]

Mi me ricordo l'espression del tipo " un visetto sfrusignado" che credo sia un traslado. No so come che me xe vegnudo in mente pensando che qualcossa iera "sfrusignada". "Te me ga el aria sfrusignada"

Ma cosa vol dir? El Doria dà "strapazzato, sgualcito". Te confermi?

[babatriestina]

sì penso c he il s ignificato originario sia quello

[Ciancele]

Sfrusignà o sfrusignado, lo doprè?

Trasandato?

[babatriestina]

Sfrusignà o sfrusignado, lo doprè?

Trasandato?

più sul mastruzzado.. spiaccicado..

[sono piccolo ma crescero]

Alora mi meteria el verbo sfrusignar per sgualcire stropicciare o anche insudiciare sporcare?

Poi meteria come vose a sé el participio passato: sfrusigna[do]: sgualcito, stropicciato sudicio e quindi trasandato. Nei esempi meteria la frase "visetto sfrusignado" ma come lo traduso? Visetto imbronciato, patito, sofferente, privo di trucco o belletto, sporco ...?

No xe che voio romper, ma se no conoso la parola me dovè dir ciaro cosa che devo scriver.

[babatriestina]

per come che sentivo doprar mi, più sgualcito stropicciato che sudicio e tradandato. Un musetto sfrusignado lo vedevo più patito.. ma è un termine che non ho più sentito da decenni

[Ciancele]

Sfrusignà o sfrusignado, lo doprè?

Trasandato?[/quote] più sul mastruzzado.. spiaccicado.. [/quote]
Forsi no go intivà ben. Intendevo mastruzado, sgualcito. Insoma vestiti no zozzi, ma no stirai e no propio l'ultima moda.

[Piereto]

Che sfrusignado derivi dall'italico frusto = consumato , logoro, malconcio ?

[sono piccolo ma crescero]

Go zontado sfrusignar e sfrusignado. Diseme se ve par che posi andar.

Su l'etimologia el Doria la fa derivar de frusin, fuliggine in friulano.

[sum culex]

Nel vocabolarieto soto la parola TRAPA xè la traduzion in italian GRAPPA; va benissimo, ma se pòodessi aggiinger anche ACQUAVITE (o anche 'acquavite di vinaccia').
ciao
sum culex

[sono piccolo ma crescero]

Fatto. Go zontà anche "trapeta"

[babatriestina]

quasi tempo de bagno e vedo che nel testo del forum parlando de tuffi gavevo citado el tuffo a pagnaca. Nissun dopra più, me par che diseva papà mio. Qualchedun conossi? Lo trovo nel Doria Zeper, una bomba ma cole gambe incrosade.

[sono piccolo ma crescero]

Go leto quel che disi el Doria e no go capido gnente: busto eretto, gambe incorsade in modo de sbater l'acqua col cul. No rivo a imaginarme come che el posi eser.

Vedo, po', che el Doria (e anche el Kosovitz, dà per Pagnaca, stupidin, semèliciotto. Lo gavè mai sentido? Se ve par metemo un dei due o anche tuti due, ma me dovè dir voi.

[babatriestina]

Go leto quel che disi el Doria e no go capido gnente: busto eretto, gambe incrosade in modo de sbater l'acqua col cul. No rivo a imaginarme come che el posi eser.

sentite per tera cole gambe incrosade ( quasi come che fa quei che fa yoga). Te tochi per tera col popi. E po fa preciso in aria.
Per far la bomba come che disevimo noi, sentite per tera gambe unide davanti de ti e abraza i zenoci. La bomba no xe el spruz, ma la posizion cufolada quasi tonda del tufador.

Per altri significati mi no li go sentidi.