Vocabolarietto Triestin-Italian

[Nini Naridola]

Mah, per mi scaturir me sona come parola abastanza recente nel linguagio deilla muleria. Per dir andar fora de testa, me par che se usava dir el xe s'ciopà! El xe 'ndà fora dei copi! El ga bacoli in testa! I ghe gira le carozete!
Anche per l'acqua no go mai sentì:- La scaturisi ... la vien fora, semplicemente.

[babatriestina]

per l'acqua, xe italian, ma scaturì nel senso de spaventado me par che doprava mama mia

[sono piccolo ma crescero]

[FUORI TEMA]

In questi giorni un anziano signore (che no sa el todesco)me ga contà de suo papà che faseva l'aisenponi. El signore me ga spiegà che voleva dir "lavoratore delle ferrovie, che metteva le scine(rotaie)". Eisenponer xe la parola giusta, derivada da altro e deventada aisenponi en dialet.

Mi ricordi un bel canto trentino

Alla mattina all'alba
si senton le trombe suonare, lerà,
son gli aizimponeri che vanno via
ciao bella mora mia, se vuoi tu venir.

Mi si che vegniria
ma dove mi condurrai, lerà?
Ti condurrei al di là del mare
là nella bella casa dell'aizimponà.

Quel al di là del mare
l'è tanto lontano da casa, lerà,
ma non ti lascio solo andar via
che dalla nostalgia mi sento morir.

[/FUORI TEMA]

[mandi_]

[/FUORI TEMA]
Sto imparando el me dialet da voi
Come s'ititola sta canzone? Mai sentida...

[/FUORI TEMA]

[sono piccolo ma crescero]

Eccolo su youtube cantato dal coro della SAT.

[mandi_]

Grazie, me slagrima i oci...ancora grazie ale persone gentili de Trieste!

[Nini Naridola]

Mi la go nella version del coro Edelweiss e, in do parole de comento i disi che vien dal gnoco "Eisenbhanner" , ma mi no so el tedesco. Bela la canzon e anche bastanza conossuda!

[mandi_]

Eisenbahn vol dir ferrovia, questo el ricordo. Da Eisenbahn xe rivà Aizimponeri, perchè en gnoco ei se pronunzia ai. Mi conosevo sta parola come eisenponeri. Come riflesion penso che l dialet xe come le onde che porta e riporta suoni, che a volte i resta a volte i se trasforma, un poco ala volta.

[sono piccolo ma crescero]

De un'altra parte Adler ga proposto rochetada; da rochetada son passà a rocheta, el razzo, po' me xe vegnu "partir come una rocheta" e, quando che se parti come una rocheta per andar de qualchedun "se se fionda" a casa sua. Fiondarse deriva da fionda. El Kosovitz, el più vecio vocabolario che go, meti la parola Fionda (mi no la go mesa perché la xe compagna de l'italian). El Doria, invece meti Flonda. Mi confesso che flonda no go mai sentì. E voi?

Se me disè de sì, la zonto.

[Nini Naridola]

Noi, muleti de Scorcola disevimo "Flonda". E flondin l'elastico tondo , passà tra pollice e indice, per tirar le "fissette" (rodolini de carta piegadi in due.

[molighe el fil]

Anca mi che iero de Rozol (scala Bonghi) disevimo flonda, e le fisete de carta gaveva sto nome perchè le iera come i ciodi a do ponte che se doprava per fisar la remada per far caponere

[babatriestina]

papà mio diseva flonda

[molighe el fil]

Go scrito disevimo per sbaglio ma forsi xe giusto perchè tuti i muli del rion la ciamava flonda.
Go sbaglià de dir REMADA al posto de RAMADA (ciamavimo cusì la rede de galine)

[nonna ivana]

chissà se avete:
l'e scapèe com'òuna sfrombla! é scappato come...vorrà significare qualcosa tra un razzo e un folletto...

[Nona Picia]

Noi, muleti de Scorcola disevimo "Flonda". E flondin l'elastico tondo , passà tra pollice e indice, per tirar le "fissette" (rodolini de carta piegadi in due.

noi mulewti de Roian, disevimo fionda....

[sono piccolo ma crescero]

chissà se avete:
l'e scapèe com'òuna sfrombla! é scappato come...vorrà significare qualcosa tra un razzo e un folletto...

Che io sappia no.

Anca mi che iero de Rozol (scala Bonghi) disevimo flonda, e le fisete de carta gaveva sto nome perchè le iera come i ciodi a do ponte che se doprava per fisar la ramada per far caponere

Aggiunta la "ramada che mancava, anche se non credo che una ramada abbia mai visto il rame

Comunque el Doria disi che va ben anche remada.

[Nini Naridola]

Confermo che a Roian (go parlà con un de la mia età) se diseva fionda. Pensandoghe ben forsi che no centrava i rioni ma una trasformazion temporale,

[Nona Picia]

Però anche mio marì che no iera de Roian ma de San Luigi, che mi sapio el ga sempre dito fionda....

[babatriestina]

ma mio papà che iera del centro, iera del Ottocento!

[Piereto]

Confermo che anche in Greta ghe diseimo fionda, ma più speso giogavimo co le cerbotane e se tiravimo i scartozeti.