Ve devo dir che sempre meno me capita de sentir finto italian tradotto del triestin e sempre più invece , nei neo-cultori del triestin, triestinizzazioni de parole italiane, perchè no i sa più la vecia parola triestina che andassi ben.
( es Lo go portà a riparar inveze che a governar, ma ghe ne xe de più vistosi.. co i me passa per le man ve li segnalerò)

ecco, qua me impegno a riportar frasi che legio de "cultori dela lingua triestina" che dopra parole italiane perchè no i trova più la parola triestina (de solito i la ga col italian, anche..)
Questa la go letta stamattina sula pagina Facebook del Piccolo:

Penso che farò una pagina in FB co sto nome e scarigherò tuti i strafalcioni de gramatica e de sintassi che te fa. E dopo magari li raccolgo in un libro e li fazo publicar.

za go i mii dubbi sula esistenza in triestin de strafalcioni ma sicuro in triestin no raccogli, ma ingruma!
E strafalcioni, come li scrivemo? falope? capele?

diria capele no?

Nona Picia ha scritto:diria capele no?

Doria Zeper: Falopa Errore grossolano, sproposito; Capela Grosso errore, grosso guaio più altri significati..

babatriestina ha scritto:

Nona Picia ha scritto:diria capele no?

Doria Zeper: Falopa Errore grossolano, sproposito; Capela Grosso errore, grosso guaio più altri significati..

Alora pol andar capele.....

sempre de facebook:

adesso me compiacio de raccoglier qualche frasetta de questo articolo

raccoglier
e poco più sotto

solo dopo el uscirà

uscirà? anderà fora!

dime dove che xe che ghe scrivo....

xe commenti su facebook ai articoli del Piccolo-

eco un altro:

ma quando i la smeti?

smeter??
Quando i la finissi?

smeti go sempre usado anca mi, per mi xe sinonimi

Bilbo ha scritto:smeti go sempre usado anca mi, per mi xe sinonimi

anche per mi i xe sinonimi, ma in italian.. par che el sia diffuso, ma son sicura che mia nona no diseva, co la parlava triestin..
qualchedun ga sotoman un dizionario?
vedessi semai un Quando i la pianta?

babatriestina ha scritto:eco un altro:

ma quando i la smeti?

smeter??
Quando i la finissi?

A casa mia se diseva "Ma quando i la pianta co sta tiritera?" "Piantila!" ecc.

Questa la leggo adesso e mi spiazza ( solito facebook)

I triestini dovessi ricordar che quando che iera i patriarchi a Cividal, l'esercito de Cividal e Gorizia xe corù a liberar Trieste assediada dai veneziani.

italiano è corso, è accorso, io avrei detto "ga corso" con altro ausiliare e soprattutto mai visto corù!! o è una variante locale?
ps non so a che anno faccia riferimento la nota e a che assedio..

questa la trovo su un sito cultural-politico ( si dice il peccato ma non il peccatore)
No ste chieder in cossa…
chieder? mi gavessi dito domandar..

anche per noi in dialetto chiedere non è proprio contemplato..solo "dmander"!

adesso leggo ( facebook, pagine del Piccolo) un "Saria de imporr " triestinizzazione di un " sarebbe da imporre" ma sto imporr e anche con due erre me fa assai de rider..

anche a mi...ma forsi ghe xe solo scampà una fracada in più.....

cava pur una erre, ma impor no esisti in triestin..
mi no criticassi, se no fussi che de solito questi xe quei che de solito se presenta come veri difensori del triestin contro el "parlar in lingua"

Me par che saria più giusto imponer.
ciao
sum culex

sum culex ha scritto:Me par che saria più giusto imponer.
ciao
sum culex

O anche saria giusto obligàr

Sempre la pagina del Piccbolo si facebook:
mio cugin Miha Malz, famoso pitor de pena e de penel, per sparagnar sui acquareli, el dipingeva i sui quadri co' l'acquaragia

dipingeva??? piturava!!! e l'acquaragia in triestin xe aquarasa ( diseva papà mio..)

( qualche volte me vegnissi de parodiar Carosone:
Tu vuo' far el triestino? triestino? triestino?
tu se' nato in Italì !!)