Parole de barca

[sono piccolo ma crescero]

El vocabolarieto xe un poco scarso de parole de barca e, sopratutto, de come vien ciamadi i vari tipi de barca.

Mi no son esperto; meto qua qualche nome che me xe pasà per la testa e voleria che qualchedun me coregesi e zontasi altro, perché i xe veramente pochi.

Batana: barca a fondo piatto, battana
Batel: barca, battello, nave
Batela: barca a fondo piatto
Batelin: piccolo battello
Maona: chiatta (e persona grassa)
Melàida: rete da pesca
Moscon: pattìno.
Sacaleva: rete da pesca (ma mi pare anche la barca; è così?)
Sandalin: piccola barca a remi, stretta e lunga

[babatriestina]

qualcosa qua https://www.atrieste.eu/Forum3/viewtopic ... 46&p=87904
Io però dicevo sandolin

[Nini Naridola]

Anche mi disevo "Sandolin": sandolino, parola che go sentì su tante spiage de tuta Italia.
De un'altra parte parlavimo de "Mocador" e "Libo". Penso che Libo derivi da "Allibo" che xe l'operazion de alleggerimento dela stiva (tramaco a riva, o su betoline o pontoni) per permeter la manovra su bassi fondai. Operazion spesso provvisoria; mentre il "libo" dei facchini iera un alleggerimento definitivo.

[Zigolo]

Ghe xe un modo in dialeto per dir i scalmi, quei che se poza i remi e dove che i fa fulcro, ma no me vien in amente in nissun modo.

[Nini Naridola]

Penso che se disi scalmo come in italian.
Prima che qualche professor de fisica -sempre cussì atenti!- te meti picon, gentilmente te fazo notar che el remo xe una leva de 2° genere: la potenza xe el brazo, la resistenza xe el scalmo e la pala in acqua xe el fulcro. Xe facile sbagliarse.

[Zigolo]

Penso che se disi scalmo come in italian.
Prima che qualche professor de fisica -sempre cussì atenti!- te meti picon, gentilmente te fazo notar che el remo xe una leva de 2° genere: la potenza xe el brazo, la resistenza xe el scalmo e la pala in acqua xe el fulcro. Xe facile sbagliarse.

Ma mi no intendevo che el toci in acqua pozà cussì xe una leva de I genere

Professor de fisica (uno a caso ), la go refada?

Però son convinto che xe un modo de dir scalmo in dialeto: prima o poi me tornarà in amente.

[Zigolo]

Me xe vignù: le maschete!

[Nini Naridola]

Sì, go za sentì parlar de maschete, me pareva che iera quele mensole o rinforzi sull'albero dove poggia la coffa o l'antenna sora l'albero. Ma pol esser che te gabi ragion!

[Nini Naridola]

Mascheta me ga fato vegnir in mente "mascon". Gaverà la stessa etimologia? El mascon xe la parte laterale de prua. Co xe mar mosso xe mejo no ciapar le onde de prua, ma de trequarti, de mascon-

[sono piccolo ma crescero]

Penso che se disi scalmo come in italian.
Prima che qualche professor de fisica -sempre cussì atenti!- te meti picon, gentilmente te fazo notar che el remo xe una leva de 2° genere: la potenza xe el brazo, la resistenza xe el scalmo e la pala in acqua xe el fulcro. Xe facile sbagliarse.

Ma mi no intendevo che el toci in acqua pozà cussì xe una leva de I genere

Professor de fisica (uno a caso ), la go refada?

Però son convinto che xe un modo de dir scalmo in dialeto: prima o poi me tornarà in amente.

Se te se riferisi a mi, no go insegnà fisica quasi mai, però, te la ga refadissima. Infatti, come diseva Einstein, e Galileo prima de lu, tuto xe relativo.

Se el mio sistema de riferimento xe la barca, el scalmo xe el fulcro e quindi gavemo una leva del I tipo, perché rispeto ala barca, el scalmo sta fermo.

Se el mio punto de riferimento xe l'acqua de mar (e suponemo che el remo no la sposti e el remo resti fermo dove che te lo toci), l'acqua diventa el fulcro. In realtà, però, essendo l'acqua un fluido, proprio fisso fisso sto fulcro no'l xe.

Quindi mi ve scolto, ve dago ragion a tuti due e me domando: "Ma cambia qualcosa se xe una leva de primo o secondo tipo? Mi so solo che a remar, se no se ga pratica xe una fadiga bestia... "

[sono piccolo ma crescero]

Batana, batela e passera: trovo per tute tre la definizion "barca a fondo piatto". Sa qualchedun dirme la diferenza?

Caicio: come lo definiso? el xe a fondo piatto o no?

[Nini Naridola]

Batana e batela ga el fondo piatto. El caicio ga la carena e xe una scialuppa.
El vecio diretor del Talassografico el diseva sempre, intendendo che'l andava a dormir:- Vado in cajcio!

[sum culex]

El vecio diretor del Talassografico

Te parli del dotor Polli? Mi lo gavevo conossù tramite un mio amico e una volta el ne ga portà in una grota, vizin grota gigante, (grota San Marco???) serada de una botola con drento tuti i strumenti del talassografico per misurar temperature e umidità. La iera serada al publico prprio perchè la presenza de persone influiva sula esateza dele misurazioni. Se andava drento in zò fin in fondo per una serie de scalete come quele de bordo, probabilmente ricuperade de qualche nave in demolizion.
ciao
sum culex

[Nini Naridola]

No, parlavo de Davide Bregant, un chimico che xe sta diretor subito dopo de Silvio Polli, papà del noto Elio Polli

[babatriestina]

Sandalin: piccola barca a remi, stretta e lunga

comincio con wikipedia
http://it.wikipedia.org/wiki/Sandolo
"Il sandolo o sandalo è una delle più famose e più diffuse imbarcazioni della Laguna Veneta"
"A seconda degli usi, delle forme e della zona di utilizzo questo ha assunto nomi diversi: sandolo pupparino, sandolo s'ciopon, sampierota o sandolo di sampiero, mascareta, sandolo buranello, sandolo da barcariol, saltafossi."
e ne ho trovato un modellino ad una mostra


adesso provo a pensare al "sandolin" che si noleggiava al bagno, ad esempio a Grignano I, io ricordo una barchetta che si spingeva tramite una pagaia.

[danilo43]

Batana e batela ga el fondo piatto. El caicio ga la carena e xe una scialuppa.
El vecio diretor del Talassografico el diseva sempre, intendendo che'l andava a dormir:- Vado in cajcio!

Un nostro diretor de machina, de Piano de Sorento, quando che'l ndava a calarse in branda el diseva: vado a far ginastica napoletana!

[Nini Naridola]

El vecio diretor del Talassografico

Te parli del dotor Polli? Mi lo gavevo conossù tramite un mio amico e una volta el ne ga portà in una grota, vizin grota gigante, (grota San Marco???) serada de una botola con drento tuti i strumenti del talassografico per misurar temperature e umidità. La iera serada al publico prprio perchè la presenza de persone influiva sula esateza dele misurazioni. Se andava drento in zò fin in fondo per una serie de scalete come quele de bordo, probabilmente ricuperade de qualche nave in demolizion.
ciao
sum culex

Caro Sum, la grota coi strumenti del Talassografico xe intitolada a Costantino Doria. Grotta Doria, vizin la caserma de Borgo Grotta. El prof. Silvio Polli iera talmente apassionà che el gà ciamà el fio Elio (sole) e la fia Talassia (mare).