ritornei

[Nona Picia]

Noi butavimo la bala sul muro e la dovevimo riciapar fazendo quel che diseva la poesia e senza perderla. E ecco un'altra:

Palla pallina
stella stellina
dove sei stata?
Dalla nonnina.
Cosa t'ha dato?
Una pallina.
Falla vedere
eccola qua!

No la xe in dialeto, ma a quei tempi la iera assai usada de noi fioi e mi la go assai usada co le mie nipotine (insieme all'altra,naturalmente.).
Ciao ciao

[vecioinsempià]

ciau mule
a baba triestina ghe confermo che anche noi come nona picia la bala la butavimo in alto sul muro e co' la rimbalzava se doveva ciaparla dopo gaver fato quel che se recitava.grazie nona picia quela de palla pallina no la conosevo però la go salvada in archivio e 'pena che go bastanza material masterizo un CD.'deso ,do picie corezioni è giusto andandesti le man le pesti ecc. ecc. no come che go scrito sbaglià: andandasti.questa se doperava co' se fazeva la conta a chi ghe tocava star soto nei zoghi che fazevimo.po' per
domani xè domenica
la festa de la meniga
la meniga va in piaza
A VENDER la salata..............
eco parchè i sbiri la ciapa,de domenica no iera comerci!
bon 'sta setimana no go rivado vegnir nel forum prima però me xè vignude inamente altre do.

ie ie cavalo
la mama vien del balo
co le tetine piene
per darghe a le putele
putele no le vol
butemole in scovazon
in scovazon le pianzi
butemole in mar
in mar le se nega
e no le pianzi più.

cordon ,cordon
de san francesco
la bela stela in mezo
la peta un salto
la peta un altro
la fa la riverenza
la fa la penitenza
la sera i oci
la basa chi
che la vol.


ciau tuti

[babatriestina]

la prima no la conossevo, ma cordon cordon de san Francesco la xe conossudissima, se no altro l'espression "la bela stela in mezzo" .

[Nona Picia]

O issa issa issa
le gambe no pol più,
si allargano le braccia e poi si cade giù!

La prossima xxe italiana:

Questa è la danza del serpente
che vien giù dal monte
per ritrovare la sua coda
persa un dì.
Trallallalà
sei proprio tu
quel pezzettin
del mio codin?
Sì!

Ciao ciao

[vecioinsempià]

brava nona picia
'deso me ricordo 'sai ben de la seconda ma credo che no la me saria mai tornada inamente.la cantilenava le mulete più pice tignindose per man corendo de qua e de la drio de quela che iera la prima de la fila.po le pasava sempre de corsa soto i brazi che vegniva alzadi.quela che rompeva la fila la pasava drio de tute a far el codin del serpente..............

altra:

go perso la cavalina
gingina gingela
go perso la cavalina
gingina cavalier.
andove te la ga persa
gingina gingela
andove te la ga persa
gingina cavalier.
la go persa su nel bosco
gingina gingela
la go persa su nel bosco
gingina cavalier.
che nome la gaveva
gingina gingela
che nome la gaveva
gingina cavalier.
la se ciamava pina
gingina gingela
la se ciamava pina
gingina cavalier.
che oci la gaveva
gingina gingela
che oci la gaveva
gingina cavalier.
che boca la gaveva
gingina gingela
che boca la gaveva
gingina cavalier.
che naso la gaveva
gingina gingela
che naso la gaveva
gingina cavalier.
go trovà la cavalina
gingina gingela
go trovà la cavalina
gingina cavalier.

ben bon,cussì me la ricordo.credo de no gaver dimenticà qualcosa almeno spero.ciau a tuti.

[pastafasoi]

se ricordè de questa:

ne le partide de zogar
no se devi dismentigar:
che la prima xe dei putei
che la seconda xe dei bei
che la terza xe dei bravi
che la quarta xe dei savi
che la quinta xe dei boni
che la sesta xe dei mincioni!

[sum culex]

Ogi me xè vignù in mente, no so perchè, un altro vecio ritornel

E se magnando el pes
un spin ne va per tres
faremo gargarismi col petes!

ciao
sum culex

[babatriestina]

E se magnando el pes
un spin ne va per tres
faremo gargarismi col petes!

mi questo lo go imparado, perchè prima no lo conossevo, sentindo el famoso disco de Pilat cole canzoni triestine. El le gaveva messe in sequenza in modo tal che ormai la gente le canta ancora nel ordine che le xe in quel disco!

[Zigolo]

Ogi me xè vignù in mente, no so perchè, un altro vecio ritornel

E se magnando el pes
un spin ne va per tres
faremo gargarismi col petes!

ciao
sum culex

Prima ghe sarìa altri do versi:

'ndaremo a San Giovani col calès
faremo una magnada de bon pes

[Nona Picia]

Prima ghe sarìa altri do versi:

'ndaremo a San Giovani col calès
faremo una magnada de bon pes

Se sum me domandava, ghe li gavessi diti mi....