Venezia Giulia, la regione inventata

[AdlerTS]

ma esattamente quali xe le implicazioni pratiche dela presenza o meno del trattin?? xe qualcossa che se pol far se ghe xe el trattin e no se pol far se nol ghe xe o viceversa? se no, me par tempo perso...

Tempo perso ? spero de no, visto che qualchidun zo a roma ga speso tempo e soldi publici per far sta legge dell'abolizion del "trattino."

[babatriestina]

Tempo perso ? spero de no, visto che qualchidun zo a Roma ga speso tempo e soldi publici per far sta legge dell'abolizion del "trattino."

a mi me sa che i lo ga fatto su pression de qualchedun quassù ma speto che i me spieghi perchè. Ti te sa? ,

[babatriestina]

sui nomi delle Alpi ai tempi romani, me devo corregger, ghe iera za molti dei nomi attuali, ovviamente no go una carta del epoca ma al solito atlantin storico Putzgers 1908 (o l'edizion precedente? ghe ne go due a casa..) ve riposto la cartina

Alpes Venetae, Euganei, Alpes Carnicae, Alpis Iulia, Ocrum mons... e un Carueddius (?) Mons che paressi el Carso..

[1382-1918]

che po anche i francobolli del TLT , una parte iera AMG FTT ma altri ier a AMG VG e quel VG stava per Venezia Giulia, e lo doprava i Aleati angloamericani nel secondo dopoguerra

Ma ghe xe una spiegazion per questo.
I francoboli che ga sù scrito "AMG VG" non xe i francobolli per il TLT, ma xe quei che se usava dal giugno del 1945 al settembre 1947, cioè nel periodo in cui le robe iera provvisorie, per cui i francoboli iera sovrastampadi AMG VG, e usadi nell'area de territorio conteso aministrada dai anglo-americani. El nome VG iera solamente una riproposizion passiva de quela falsa denominazion che i ne ga affibbia ingiustamente e orribilmente dopo el 1918, e che combatterò sempre perchè vol dir falsar la storia, e con un ben preciso scopo, non a caso sta denominazion la ghe xe cara a tuti i nazionalisti italiani, de qualunque parte politica. Povero Ascoli, se el podesi saver, no'l saria contento nianca lu.
Cosa te vol che savesi i inglesi e americani vignudi qua subito dopo finida la guera, i ga passivamente accetta el nome come qualcosa de assodà, no penso che i se gabi nianca posto el problema, no per questo vol dir che el nome gabi asunto un valor magiore.

Il 15 settembre 1947 xe entrà in vigor el Trattato di Pace (tra l'Italia e le potenze vincitrici), per cui el giorno dopo xe stado proclamà uficialmente el TLT, e da quel giorno in'vanti i francoboli gaveva la sovrastampa "AMG FTT".
Però le forze de polizia del TLT ga continua a ciamarse VGPF.

[babatriestina]

I francoboli che ga sù scrito "AMG VG" non xe i francobolli per il TLT, ma xe quei che se usava dal giugno del 1945 al settembre 1947, cioè nel periodo in cui le robe iera provvisorie, per cui i francoboli iera sovrastampadi AMG VG, e usadi nell'area de territorio conteso aministrada dai anglo-americani. .

tuto vero, son stada mi tropo breve e podeva far confusion., Xe ovvio che fin che no iera el TLT no podeva gnanche esser i francobolli AMG FTT Alllied Military Govern (giusto?) Free Trieste Territory - o simile . Go a casa la collezion quasi completa...
Mi volevo solo che dir che, ben o mal, la VG xe passada nel uso burocratico ufficial e quindi la ga un passato (prossimo) legal e storico.

Se po no la te piasi moralmente xe un altro per de manighe. Mi no la me entusiasma, ma trovo che la impignissi un svodo per quel che xe al confin nordest italian e no xe Friul, una specie de definizion per sottrazion, e la preferisso presempio ala variante Litorale , che xe anche una creazion politica del Ottocento e che xe stada doprada de troppa gente, inclusi i nazi .
resta po che l'Italia xe legalmente divisa in Regioni , a differenza tanto per dir dela Francia, che cola Rivoluzion francese ga abolido le regioni e ga creado i Dipartimenti, e ale nostre zone un nome bisognava pur darghe.

[1382-1918]

Sì, quasi giusto, vol infatti dir "Allied Military Government - Free Territory of Trieste".

El svodo de cui te parli e che no xe Friul se ciama semplicemente Trieste.
Litorale no va ben nianca, no pol eser el nome de una region, ma infati in quel che se ciamava "Litorale" le diete regionali le iera tre: quela de Gorizia (Contea de Goriza-Gradisca, comunemente ciamada anche Friuli austriaco), quela de Trieste (Trieste e territorio) e quela de Rovigno (Istria), per cui tornemo ale solite 3 vere regioni: Friuli, Trieste ed Istria. Trieste rapresenta anzi proprio el legame, la via intermedia tra el Friul e l'Istria, una strica de tera che no xe nè un nè l'altro.

L'Italia xe divisa in regioni, ma le xe prima de tuto regioni politiche, no le corispondi sempre per intero a regioni storico-geografiche. Ad esempio quella che se ciama "Regione Lombardia" includi anche tochi oltre Ticino che in realtà no xe Lombardia. La "Regione del Veneto" includi el mandamento de Portogruaro, che però faria parte del Friul storico, fin al Livenza.

El sistema dei dipartimenti no me piasi, ma se el ghe fusi in Italia, no ghe saria confusion con le regioni storiche. Anzi, proprio i nomi che xe stadi inventadi sa sai de nomi del sistema dei dipartimenti, che de solito usa nomi de fiumi inveze che de terre, ad esempio Alto Adige, nome che infati origina proprio dal periodo napoleonico, e adottà dopo el 1918, ma tuti sa che quela tera se ciama Tirolo.
La Valle d'Aosta xe stada elevada a region politica, e va ben cusì, ma saria in realtà Piemonte, inveze la Region Friuli Venezia Giulia xe el Friul + Trieste (e per pignoleria includi anche un toco de Istria, cioè Muggia e S.Dorligo, un toco de Carinzia, cioè Tarvisio, Malborghetto, e Camporosso, e un minuscolo toco de Carniola, cioè i laghi de Fusine, le cui acque va ala fine a finir nel Danubio e quindi nel Mar Nero). Basta anche guardar una qualsiasi carta dela region FVG, se vedi ciaramente sto apendice che xe Trieste, tacada al compatto corpo furlan.

[babatriestina]

Basta anche guardar una qualsiasi carta dela region FVG, se vedi ciaramente sto apendice che xe Trieste, tacada al compatto corpo furlan.

sula compattezza del corpo friulan.. le lagune ga una storia diferente del Friul, perchè no le iera longobarde ma bizantine, le Vallid e Natisone ga una formazion un poco diferente, giustamente te ricordi la Val Canale alta, a est del Fella no me par più Friul. No so con certezza, ma anche sula furlanità de Gorizia no saria propio sicura al 100%.

per el resto, concordo in pien col tuo precedente intervento.

[AdlerTS]

a mi me sa che i lo ga fatto su pression de qualchedun quassù ma speto che i me spieghi perchè. Ti te sa? ,

El libro riporta che la paternità della legge xe stada rivendicada da Antonio Bisceglie, nel nome "dell'unitarietà regionale". Non el xe nato qua, ma el xe stado eletto nella IX circoscrizion - FVG.

[AdlerTS]

Leggevo l'ennesimo articolo sul 150enario, dove si scriveva che in questi giorni dalle nostre parti si sono vendute molte bandiere, italiane,europee, triestine, friulane, ex AU, ma nemmeno una del FVG .... ho realizzato che non ho mai visto nessuno sventolare la bandiera regionale, tranne forse in qualche cerimonia istituzionale: e voi ? qualcuno la possiede ? si ricorda di averla vista "al vento" ?

[sono piccolo ma crescero]

Secondo me è il concetto di regione che è abbastanza estraneo alla nostra cultura (non solo triestina). Si parla tanto di abolire le province. Io abolirei le regioni, dando, invece, più autonomia alle province, simili come concetto a quello di comune e/o signoria, e, in definitiva, anche al cantone svizzero, tanto decantato dai federalisti nostrani.

[AdlerTS]

ho realizzato che non ho mai visto nessuno sventolare la bandiera regionale, tranne forse in qualche cerimonia istituzionale: e voi ? qualcuno la possiede ? si ricorda di averla vista "al vento" ?

Go notado la prima: la sventola nel parcheggio dell'ospedal de Cattinara !

[Rawa Ruska]

Pur i sloveni parla tarnquili de Litorale, Primorska. Se un poco diverso de quel che pensemo come "asburgici" ma se bel. Val più per un paese che no ga mar, o che ga saolo el litorale, apunto. L'Italia se tuta un Litorale! Ara ti, gavemo vinto la guera e no se gaveo acorto!

Rawa Ruska

[babatriestina]

Di ritorno da un viaggio in Albania, leggendo un pacco di libri ( principalmente inglesi, ma non solo) comprati a Tirana, mi ritrovo la conferma di un fatto già letto precedentemente, cioè che i geografi dell'Ottocento hanno inventato tanti nomi: perfino la Penisola Balcanica e i Balcani in generale ( in origine, Balkan era una parola turca per montagna, giogo, passo, applicato ad una piccola catena locale, l'antico Mons Haemus nell'attuale Bulgaria). Precedentemente qualche geografo tedesco suggeriva di chiamarla Penisola greca..

[mula del Küstenland]

Per la storia del trattin del nome de la region, no xè che stadi spesi soldi publici aposta: semplicemente, quando i gà riformà el titolo V de la parte seconda de la costituzion (che ga fato tante modifiche), el tratin xè sparì! http://www.governo.it/Governo/Costituzi ... tolo5.html No so se per dimenticanza, per praticità o per altri motivi.
però el Statuto regionale, che per esser modificà necessita de legge costituzionale (se ben me ricordo), no xè ancora stado cambiado: i gaveva fato varie proposte, ma no xè mai rivade forsi gnanca a Roma... e quindi, in sostanza gavemo uno Statuto che no xè in linea con la Costituzion, tanto che a un certo punto gnanca i ufici regionali no saveva se lassar o cavar el tratin. In linea de masima, no se lo usa più, essendo la costituzion la prima fonte de lege, ma qua e là penso che ancora salti fora..

Me se da da tuta sta ridiscusion de le province saltassi fora due province autonome: Friuli (UD+PN) e Venezia Giulia (TS+GO), con struttura analoga a Bolzano e Trento, a mi no me pararia mal... cossa disè?certo, i pordenonesi no se senti furlani - da quel che me disi amici mii -, ma alora lori dovessi andar in Veneto...