Trieste 1918-1922

[macondo]

1 via Madonnina, l'importanza de sta via, che gaveva le Sedi riunite operaie.. ma dove? de là partiva i cortei operai e filobolscevichi, là arivava le repressioni.. una via de collegamento fra san Giacomo e Piazza Garibaldi

Me imagino che le Sedi riunite operaie le fossi in via Pondares (parte alta de via Madonnina), dove fin ai anni 80 iera la sede del PCI e de altre organizasioni o circoli vicini ideologicamente.

[Nona Picia]

Adesso xe la CGIL

[babatriestina]

Via Pondares xe parallela a via Madonnina, ma no le xe una la continuazion de l'altra... sì, xe roba in via Pondares ma el libro parla sempre de via Madonnina. Xe quel che me lassa un poco in dubbio.
Mi le percorro spessissimo, perchè no le xe lontane de casa mia.
Magari ve farò un servizio fotografico, co finissi de piover..

[macondo]

Sicuramente i le gaverá serade tute durante el ventenio e destinadi i ufici/edifici a altri usi. Se vedi che nel 1945 i ga preferido cominciar de novo in via Pondares...
Saria forsi el caso de trovar qualche publicazion de quei anni e veder i indirizi...Mi son sicuro che qualche amico esterno che ne leggi dovessi aver la risposta.

[babatriestina]

adesso consulto Zubini San Giacomo e trovo " A seguito della distruzione della Camera del Lavoro di via della Madonnina 15 da parte dei fascisti" e semo nel 1921.
Sempre sul Zubini ( cussì incrosemo le notizie) el 6 agosto 1921 i Arditi del popolo ( comunisti) se scontrava coi fascisti in via Madonnina.
Devo andar a veder come che xe adesso el n 15
http://maps.google.it/maps?f=q&source=s ... 04823&z=18

[macondo]

Dovessi esser sul canton de via Pondares, secondo la mapa....

[babatriestina]

Dovessi esser sul canton de via Pondares, secondo la mapa....

via Molino a Vapore, per la precision, che collega appunto le due vie
e savè, anche la "distruzion" pol voler dir tante robe, anche el Balkan i lo ga "distrutto" ma el palazzo xe ancora là,, magari senza le vetrate originali.. per cui no xe dito che no sia sparido senza lassar traccia.