La version che te ga trovado xe un fiadin riassuntiva e riduttiva.
esisti libri dedicai a Cecchelin, e testi completi delle sue commedie.
vera la famiglia, padre venezian e mare montenegrina, tanto xe vero che el iera de religion ortodossa e el xe sepolto al cimitero dei ortodossi.
te ga riassunto un poco tanto, el iera efetivamente sul mazzinian, ma la sua politica, anche se nelle sue memorie el se ne fa un poco de vanto, iera forsi secondaria alla sua vis comica, un poco ordinaria, indubbiamente, anzi tanto, ma mi che go visto una volta la sua compagnia ( lu no recitava più) devo dir che creava veramente un ambiente triestin patoco.
In genere la sua satira andava contro tuti quei che iera al poter, per cui se el ga cominciado a remenar el Austria ( per quel nol te piasi?
) xe noto che arivada el Italia el xe comparso vestido de Franz Josef col comento Lo volessi adesso??. Le sue remenade del fascismo ghe fazeva spesso aver problemi ( gavevo un disco che sfotteva la tassa sui matrimoni infecondi), ma come che el diseva in
La vita xe tuto un bidon
Quei che iera prima- go sempre detestà
perchè la ditatura- xe roba che no va
ma se ogi esprimo un'opinion
i me tira drio col canon
che gran disillusion
xe stado un gran bidon
(sula musica de Lilì Marlene)
La storia de d'Artena xe stada poco bela, e xe quela che lo ga portado via de Trieste per un processo del dopoguerra, xe de dir che la roba no iera cominciada tanto per politica ma per questioni sindacali, e efetivamente d'Artena iera un fasciston . No per quel , almeno secondo mi, xe ragion per infoibar, ma forsi co Cechelin lo ga denunciado nol saveva del tuto le conseguenze.
Suo fio ( legittimo) dela prima moglie xe musicista e lavora a Trieste, la seconda moglie xe stada la sua compagna de scena Jole Silvani, che in realtà iera nome d'arte e adesso no me vien el nome vero.
Ghe iera un lungo thread su triestemia su Cecchelin, e in quela ocasion gavevo riportado parecchio de una sua biografia che gavevo letto, prestadame de un'amica quela volta.
