Fabio Zubini i libri sui rioni de Trieste

[babatriestina]

Xe in giro diversi libri sui rioni de Trieste, de Fabio Zubini.
Mi ghe ne co comprado qualchedun, altri li go leti in prestito: no i te li tira drio , ma se ariva a sparagnar un poco, se se li trova de seconda man..
Ben, i xe una miniera de dati e de informazioni, i ga dele bellissime foto, molto complete, semai.. no xe molto colegamento fra foto e testo ( a diferenza presempio dei libri de Rutteri ), e anche el testo a mi me par un poco frammentario, ogni tanto el salta de un argomento al altro. Però informazion dentro ghe ne xe molta.
Stago legendo el Borgo Giuseppin e ghe xe tanta roba dentro.. insoma val la pena!

[ffdt]

Zubini el gaveva cominciado co' un raconto de titolo "Roiano" (60 pagine) indove che 'l contava de la sua infanzia ... dopo i ghe ga domandado de far cualcosa altro e cusi`, penxiona' che 'l iera, al ga tacado a documentarse e 'l ga fato la serie de libroni che xe in giro adeso.

El primo libro el xe exaurido e no i lo ristampa perche` el ghe ne ga fato un novo (sempre con titolo "Roiano") che 'l ga un 400 pagine e in fondo i ga zontado anche el raconto. Pero` el spirito che iera in te 'l raconto no 'l ga gnente cosa spartir con cuel che xe in te i sui altri libri.

Mi go cominciado a leger Zubini c'o "Roiano" (el primo) el iera za exaurido e cusi` go trovado solo i libri piu` descritivi. Li go aprezadi tantisimo e proprio perche` "Roiano" el me mancava e 'l iera in perene ristampa, son andado a zercarmelo in biblioteca civica e go scoperto el raconto.

C'o i lo ga ristampado lo go comprado subito ma el fato de trovarme el raconto in fondo de un libro che per paragon el xe tecnico, me ga fato una sensazion de robe fora de posto ... son tornado a farmelo prestar a la civica e me lo son fotocopiado, copertina comprexa ... a colori.

So che xe scrite le stese parole, ma cuel che xe in fondo de la nova version de "Roaino" no lo go mai leto ... go vardado le foto ma no go leto le parole. I libri i ga un'anima, e c'o me ciapa cuela de legermelo de novo vado a cior la fotocopia ... me piaxesi gaver el primo ... per confronto cuei dopo i me par senza anima.

No xe che i sia senza ... xe che in te 'l primo ghe ne xe talmente tanta de l'anima de 'l autor che no fusi posibile trovarghene altretanta altrove.

Bei e interesanti i libri de 'l "dopo" ma a mi me ga tocado tantisimo el primo. Sara` che iero in t'un periodo che za me se moveva cualcosa dentro ... se gave` ocaxion legelo ...


Ciau

Franco

[AdlerTS]

Ben, i xe una miniera de dati e de informazioni, i ga dele bellissime foto, molto complete, semai.. no xe molto colegamento fra foto e testo ( a diferenza presempio dei libri de Rutteri ), e anche el testo a mi me par un poco frammentario, ogni tanto el salta de un argomento al altro. Però informazion dentro ghe ne xe molta.

Concordo 100% sulle lodi e sulle critiche.

[rofizal]

Mi ghe ne go ciolti finora 6, tra i altri me manca proprio quel de Roian. Penso che completerò la racolta prima che i sparisi dale librerie.

No me par libri da leger, ma da consultar. Xe un lavoro pesante che Zubini ga fato che pol tornar molto utile per ulteriori ricerche. Le foto xe simpatiche ma poco utili, per via del copyright, al masimo, se xe citada la fonte, se sa dove poder trovar l'originale se servi.

Vedo che in questi ultimi anni diverse case editrici triestine se ga dado de far a publicar opere meritorie, come mai credo in pasato. L'unica roba xe che dopo un poco le sparisi e dificilmente le ristampa. Bisogna ciorle al volo!

[babatriestina]

Mi L'unica roba xe che dopo un poco le sparisi e dificilmente le ristampa. Bisogna ciorle al volo!

Però esisti le librerie del usato , ma ghe vol andar spesso e magari gaver un poco de fortuna..

[Kyeldor]

...la velata possibilità che me ne debba andare via da Trieste per motivi di lavoro ha causato in me una reazione compulsiva, le cui vittime sono state le mie tasche.... ....
così sono andato in libreria e ho comprato "Cittavecchia" di Zubini, che rapidamente mi ha assorbito......



...soprattutto perchè ho iniziato a leggerlo mangiando un panino porcinasenapecren da "Pepi S'ciavo" ....



...potenza dell'"amor per Trieste".....

[sum culex]

soprattutto perchè ho iniziato a leggerlo mangiando un panino porcinasenapecren da "Pepi S'ciavo" ....

So che no taca qua e che xè OT ma ciapo el spunto.
Parlando proprio de 'Pepi S'ciavo' un mio colega e amico, dela minoranza, me fa: dir S'ciavo xè ofensivo! Pensa che più bel che saria se quel local se ciamassi 'Giuseppe lo sloveno'. Al che ghe go risposto: se el se gavessi ciamà cussì el gavessi za falì zento volte! El se ga risentì.
ciao
sum culex

[babatriestina]

El nome ufficial xe Buffet da Pepi.
Che po el Pepi original xe morto ormai de ani anorum...

[babatriestina]

Fabio Zubini è morto in questi giorni, dopo una lunga malattia. C'era oggi il necrologio sul Piccolo. I funerali mi sembra domani.

[sono piccolo ma crescero]

Passando davanti a Nero su Bianco, in via Oriani, ho visto i libri di Zubini nuovi, nel senso di non usati, in offerta. Alcuni erano a 10€ (forse tutti, non ho controllato)

Se a qualcuno interessano...

[Nona Picia]

Non proprio tutti, ma parecchi...