Bona sera,

Xe qualche tempo ormai che zerco alcuni libri, e no rivo trovarli in nisun logo.
Nei ani 90 la Zenit gaveva publicà una serie de libri de cusina:
- La Cucina Istriana N. 1 (1990, Graziella Lazzari)
- La Cucina Istriana N. 2 (1991, Graziella Lazzari)
- La Cucina Istriana N. 3 (199x, ?)
- La Cucina Ungherese (199x, ?)

Dei libri de cusina istriana go rivà brincar el 1 e ‘l 2, ma el 3 no lo go mai visto – e no go mai visto gnanca quel de cusina ungherese.

Sempre de la Zenit, iera aparentemente anche altre do publicazioni:
- Favole Triestine (con tavole a colori e da colorare)
§ La Fata Dolina
§ Rosandra nel Regno degli Uccelli
Gnanca queste no le go mai viste.

Go domandà in biblioteca Stelio Crise se i gaveva ‘ste publicazioni, ma i me ga risposto che solo cusina istriana 1, e che pe’l 2 gavevo de andar a Milan.
Del 3, cusina ungherese e le favole no i saveva gnente.
Go anche ciamà la Zenit, ma no i ga savù darme notizie.

Se qualchidun de voi ga informazioni su queste publicazioni, o su come se podesi contatar l’autrice, ve saria veramente grato se podesi darme una man.
Per facilità de riferimento go zontà un par de foto dei libri che go e de la cartolina d'ordine de la Zenit.
Ve ringrazio in anticipo e spero de ricever vostre notizie.

Ciao,

provado a contatar le librerie dell'usato Achille Misan e Rigatteria? Rigatteria son sicura che è online, Misan non so

Grazie mille. Go da un'ociada, ma no me sembra che sia gnente. Magari ghe dago una ciamada e vedo.
Qualchidun sa come podesi contatar l'autrice, la siora Gabriella Lazzari?
Grazie de novo,