Una poesia de Tullio Sartori....Bellissima!

[Nona Picia]

BONASERA TRIESTE!

Go verto i oci a l'ombra de San Giusto
e fra le tue contrade son cressù.
Ma go dovù lassarte tropo presto,
podevo aver venti ani, o poco più

Go i cavei bianchi, e DIO la mia preghiera
stasera finalmente ga esaudì:
un treno cori sora la costiera
e a l'improviso son vizin de ti.

Bona sera Trieste!
El tuo mar se avicina,
vedo zà la marina
e me par de sognar,
Vedo tante fiamemele
che nel'aqua le trema;
xe el brilante diadema
che incorona el tuo mar.

Chi sa se podarò trovar la casa mia
nel picio prà
e tuti quei loghi che me ga insegnà
volerghe ben a questa mia cità?

In un gropo de pianto
che la gola me sera,
no so altro che, a stento,
sospirar "bonasera".

Bonasera Trieste!
Bonasera Trieste!

Di: TULLIO SARTORI

[AdlerTS]

Bela: me ricorda i anni co' lavoravo come pendolare, e me se verzeva el cuor a tornar indrio col treno sora la costiera

[Nona Picia]

Lo savevi che giorni fa xe morto Tullio Sartori?

[babatriestina]

confesso che no go mai savudo gnanca chi che el iera..

[mandi_]

Viveva a Rapallo, con la figlia, da quel che so . Ma neanch'io so niente della sua vita. Ho letto alcune poesie molto belle, ma non le ricordo...
Mandi

[Nona Picia]

El iera un poeta triestin abastanza famoso. L'abitava una strada più su de mi, mi lo go conossù per caso alla fermata dell'autobus, quando parlavo con una signora de una recita al ricreatorio Padova che gaveva fato Stefania e che iera a base de poesie in dialetto e altre robe sue.Lui me ga sentì dato che le iera vizin de mi e el se ga presentà semplicemete.
"Le sue composizioni poetiche, di alto valore sociale e morale nonché di sano umorismo, testimoniano il suo magistero poetico rivolto soprattutto ai giovani per la promozione e la conservazione degli «etimi» propri della parlata triestina".Preso dal Piccolo del 24 gennaio 2011