Zigolo

le bestie del Carso, ma anche quele cittadine..
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Zigolo

Messaggio da sono piccolo ma crescero »

[MOD]Va ricordato che, mentre in questo post le foto sono attribuite allo zigolo giallo, alcuni post dopo vengono riclassificate come zigolo nero[MOD}


Iera le cinque de sera del 30 setembre e iero a far una pasegiata là de 'l anel del sincrotrone. E a un certo punto gavemo sentì un useleto che cantava ciciciciciciiiu (qualche libro disi che in realtà xe ziziziziziziii, e un altro ciciciciciciuii :D ). Nol iera un canto sgradevole, ma gnanche sai vario.

Comunque i inglesi, forsi per questo canto ritmico, lo ciama martello giallo yellowhammer e i disi che el suo verso xe "little bit of bread and no cheese". In sloven i lo ciama rumeni strnad, in francese bruant jaune e in tedesco, invece, i torna sul martel Goldammer. Ve lo poso scriver anche in ruso ???????????? ???????.

Ben bon, in italian el se ciama zigolo giallo o anche strillozzo, emberiza citrinella xe el nome scientifico in latin.

Ecolo qua de profilo

Immagine

e qua soto mentre che el canta

Immagine

Rivè a sentirlo? No? Me dispiasi. Colpa mia del resto; me ga dito dopo mio fio che podevo anche registrar el canto co la machina fotografica. Pazienza

I colori xe un poco falsai perché el sol cominciava a eser baso e forsi i buta sul gialo un poco tropo.


Avatar utente
Lugara
ixolan
ixolan
Messaggi: 396
Iscritto il: sab 26 mag 2007, 10:01
Località: Trieste - San Giovanni

Messaggio da Lugara »

Bel colpo!
Caspita, te ga proprio zata nela "cacia fotografica"!


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

mi me domando come te fa a inacorzerte che no xe i soliti passeri o cinciallegre, come che no i scampa via solo che te arrivi nei dintorni, come che te li vedi sui rami.. e questo ancora prima de puntar la macchina fotografica! :-D


Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

I me ga fatto presente che no xe un zigolo giallo, ma un zigolo nero (altro che passeri BT!) La differenza xe, fondamentalmente, che ghe xe un poco de più nero e un poco de meno giallo.

Allora dopo esserme butà la cenere sula testa in segno de penitenza, scrivo i novi nomi: zigolo nero (emberiza cirlus), in francese bruant zizi, in tedesco Zaunammer, in inglese cirl bunting, in sloven plotni strnad.

E bonanotte sonadori.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Caro piccolo, ti che te sa tanto sui useleti, te me saverìa dir se xe possibile che ale 6 e 1/4 de matina, praticamente alba, possi cantar un merlo? Perchè un merlo me sembrava quel che go sentrì l'altra matina in giardin a quel'ora!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

Allora, metemo subito in ciaro le robe: mi dei useleti so sai poco, prova ne sia che go sbaglia a clasificar questo, e un altro, che ne sa sai de più me ga dà per le man (e le me brusa ancora!).

Comunque, quando stavo in via dell'Istria mi vegnivo sistematicamente svaia dai merli la matina presto, e una note, che son tornà a casa tardi, sarà stada l'una, go sentì fra i alberi de via Rossetti tutto un pigolar.

Quindi mi penso che i canti anche alle sei de mattina. Comunque, ieri doporanzo, là del sincrotrone, iera pien de merli che cantava.

E per quanto riguarda la pazienza, credo che iero bastanza paziente, sopratutto col passar dei anni. De giovane un poco meno. Gavevo un vantaggio rispetto alle mie colleghe, che i fioi gaveva più paura dei omini che delle done, anche se qualche mia collega iera veramente tremenda! Mi no, no rivavo a no volerghe ben ai fioi e gaveria volù che a tutti ghe piasessi un poco quel che se studiava e che ghe la fazessi. Go boccià anche mi qualchedun, ma me ga sempre dispiasso e credo de ricordarme de quei che go boccià più che de quei che go promosso.


Avatar utente
sum culex
no montar in scagno
no montar in scagno
Messaggi: 5945
Iscritto il: ven 20 gen 2006, 15:45
Località: Trieste - Rozzol

Messaggio da sum culex »

COMPLIMENTI!!!!!!!
Te xè più unico che raro: mi go avù tanti professori a scola, ma nissun cussì. Forsi a sto livel iera quel de matematica e fisica, el prof. Franca, el xè stà sicuramente el meio de tuti: bravo, umano e comprensivo.
Mi co iera el compito in classe el me fazeva sempre meter el banco sula pedana dela catedra: ti come insegnante te saverà sicuro perhè!
Qua me fermo perchè son za tropo fora tema.
ciao
sum culex


Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

In confidenza Franca iera anche el mio profesor, e el xe sta anche professor de mio suocero. E el me ga fatto piaser la materia al punto che la go studiada avanti all'università.

Me ga sai dispiasso, poi, per la storia de suo fio morto in Grecia no se sa come.

E con questo ricordo doverosissimo de un grande professor, seremo sto fora tema.


Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

Compermesso...

scuseme se me intrometo ma pochi giorni fa go scoperto sto forum e po', co go visto un 3d ciamado "Zigolo" no go resistì, visto che mi, apassionà de usei fin de picio, me iero messo 'sto pseudonimo un vinti ani fa, co dopravo el CB.

Comunque, vignindo ai zigoli veri e propri, intanto complimenti per le foto e anca pei nomi (salvo la capela iniziale che apunto no'l iera un zigolo giallo ma un zigolo nero), ma, a 'sto punto, volemo tirar fora anche i nomi in dialeto?

Podarìa vignir fora robe interessanti...

Intanto, saludoni...


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Benarrivato, useleto novo, e se te sa dirne i nomi in dialetto te ne fa solo che piazer! :-D :-D :-D


"mi credo che i scrivi sta roba per insempiar la gente" ( La Cittadella)
Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

Mi meto i nomi che trovo... No, no proprio tuti, li go anche in svedese e in olandese ma... penso che no brontoli nessun se i manca, anzi devo dir che qualchedun lo meto un poco per rider. Qualche volta li go messi anche in russo e sloven, ma solo se trovo de far un copia e incolla, per via dele pipe e dei caratteri in generale. Un lo go messo anche in furlan :oops: !

Se li savessi in dialetto li metteria, ma a parte un per de lori, purtroppo no li so. Ne gavemo za discusso sule farfale: tuti d'acordo che saria bel, ma me par che no sia nesun che pol contribuir coi nomi, se i ghe xe.

Comunque se te li sa, metili pur, i thread xe de tutti, mi sarò contento e i altri ... ancora de più :-D :wink: .


Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

Alora ecome, vedo de meter qualche nome in dialeto, ma prima go de far due premesse.

La prima xe che una volta che parechi de lori che, regolari o de contrabando, andava a uselar (confesso che anca mi de mulo andavo), i nomi dialetali iera più usadi; adesso che per fortuna sta bruta pratica la xe andada in disuso, penso che xe sai pochi quei che li dopra.

La seconda xe che la stessa specie pol aver a Trieste o in Carso un nome in dialeto completamente diverso de quel che i ghe dà a Muja.

Un esempio de questo xe el Verzellino (Serinus serinus) che a Trieste/Carso se ciama MENEGRIN, ma a Muja i ghe disi FRISELIN (per via del canto che par come che'l frisessi).

Le robe se complica coi fringuei perché a Trieste/Carso il Fringuello (Fringilla coelebs) se ciama semplicemente FRINGUEL, mentre suo cugin la Peppola (Fringilla montifringilla) se ciama MONTAN. El casin vien fora perché a Muja montan xe el fringuel, mentre la Peppola i la ciama PACAGNOSS (perché el xe come pacagnà). Cussì se un te disi montan, te se devi prima informar de dove che el vien per capir de che usel che'l parla.

Ancora più istrutivo xe el caso del Ciuffolotto (Pyrrhula pyrrhula) che a Muja, già dominata dalla Serenissima, se disi SUBIOTO, come anca in Veneto, mentre a Trieste, che dicono appartenesse a un paese ordinato, se ciama GHIMPEL, più o meno come in gnoco.

Ma vignimo ai nostri zigoli, che inveze de aver do nomi per specie, i ga un nome solo per due! Infati, le due specie più comuni in provincia, Zigolo nero (Emberiza cirlus) e Zigolo muciatto (Emberiza cia) in dialeto no le vien distinte e le vien ciamade ZIP. Inveze el Zigolo giallo (Emberiza citrinella), ormai bastanza raro de noi, el ga un suo nome dialetale, che po' xe un solo in tuta la provincia: GIRANDOLO.

Bon, desso me fermo, magari co me vegnarà in mente qualchedun altro, 'ndaremo avanti.

Voi gavè zà sentì sti nomi? O forsi anche qualchedun altro?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

i no son esperta, e sti nomi no li gavevo mai sentidi nominar, e me conferma che per capirse ocori far riferimento al nome scientifico.
E te ringrazio de questi e se te vien in mente altri, perchè se no nissun se ricorderà e cussì invece salvemo el ricordo de sti nomi.
Mi solo de putela acompagnavo papà col andava a caccia in Carso, ma el tornava sempre a man svode, contento istesso de gaver fato una bella passeggiata. E me ricordo, senza averli mai visti, che el me parlava dei gineproni, che go scoperto che saria la cesena... po i parlava de cotorni, ( coturnice?).. ma nol ghe ne ga mai becado un...


"mi credo che i scrivi sta roba per insempiar la gente" ( La Cittadella)
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

Mi inveze gavevo el nono caciator: el xe sta lui a farme conosser e amar la natura ma col tempo go capì che ghe pol esser tanti modi diversi dal copar o caturar le bestie per conosserle e amarle. E sopratuto a considerarle sempre insieme al suo ambiente.

Ad ogni modo ginepron xe proprio la cesena, mentre cotorno xe un nome più venatorio che dialetale, infati penso che se usi un poco dapertuto in Italia; comunque sì, xe la coturnice, che però non penso che ghe ne sia più qua de noi.

Qualche altro nome in dialeto de useleti? El Verdone (Carduelis chloris) xe ZARANTO a Trieste e SERENTO a Muja (entrambi accento sulla prima sillaba); il Fanello (Carduelis cannabina) xe FAGANEL...


Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

Mai senti nessun de sti nomi o quasi (anche se mio nono andava a uselar e ... meio che no conto cosa che el ghe fazeva prima de andar a venderli in ponterosso :( ). Comunque, giusto perché che no se pensi che la cesena xe una cità dela Romagna :-D , meto la foto fata a Padola, e che quindi no go messo qua tra la fauna de Trieste.

Immagine


Avatar utente
sono piccolo ma crescero
cavalier del forum
cavalier del forum
Messaggi: 8685
Iscritto il: ven 11 mag 2007, 14:08
Località: Trieste

Messaggio da sono piccolo ma crescero »

Partindo dai nomi de zigolo, go vardà sul vocabolario del dialeto de Isola, de dove vegniva i mii e go trovà che i nomi ghe somigliava assai a quei de Mugia:

Frisolin -> Verzellino
Montan -> Fringuello
Pacagnoso -> Peppola (probabile)

I altri nomi no li go trovai.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Zigolo ha scritto:Mi inveze gavevo el nono caciator: el xe sta lui a farme conosser e amar la natura ma col tempo go capì che ghe pol esser tanti modi diversi dal copar o caturar le bestie per conosserle e amarle. E sopratuto a considerarle sempre insieme al suo ambiente.
.
difatti.. mi parlavo tante volte con papà dela caccia, ala fin el me diseva "Son pentido, povere bestie che go copado, no gavessi voludo, ma fazeva cussì i mii amici, me piaseva la natura.. me dispiasi tanto :( :( :( :oops: :oops: :oops: "
prima però ghe gavevo domandavo Ma ti cossa te piasi del andar a caccia e lu me diseva come che te disi ti: andar nel bosco, veder le bestie nel ambiente, e co ghe disevo ma che gusto te provi a coparle? el me diseva Nissun, el piazer xe ciaparle bene de mira! quela volta no iera ancora le macchine fotografiche col zoom che i ga fato dopo ( ierimo nei anni 50, i primi anni 60..) e son sicura che, visto che el iera mato de fotografia, che se el fossi andado avanti el saria passado alla caccia fotografica e inveze de aver una collezion de corni a sta ora gavessi una collezion de fotografie come quela de SonoPiccolo!


"mi credo che i scrivi sta roba per insempiar la gente" ( La Cittadella)
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

sono piccolo ma crescero ha scritto:go vardà sul vocabolario del dialeto de Isola
Vara ti! Te me ga fato vignir in amente che go anca mi un vocabolario cussì, oltretutto fato da un che ga el mio stesso cognome (ma no semo parenti). Lo go tirà fora e ghe go dado un'ociada: aprofondirò.


Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

babatriestina ha scritto: e lu me diseva come che te disi ti: andar nel bosco, veder le bestie nel ambiente,
Eh, anche mio nono iera cussì.


zippole
naufrago
naufrago
Messaggi: 5
Iscritto il: ven 25 apr 2008, 1:12

Messaggio da zippole »

ciau a tutti, son novo del forum.
Legevo ste storie sui usei e me son ciapa'.
Per capirse.. no son un esperto, ma el mio vecio gaveva sta pasion tramandada del suo vecio.. e cusi' de sbris de fiol go senti' tanti nomi e tocca' con man tante robe.

Volevo puntualizar una roba:
Zigolo ha scritto:el Verzellino (Serinus serinus) che a Trieste/Carso se ciama MENEGRIN, ma a Muja i ghe disi FRISELIN
Premetto che vivo sul carso (e ormai go derivado troppi -on (belon figon) da coleghi de lavor che xe de monfalcon)
ma un nome tanto sentido ai tempi iera ZVARZELIN.. sisi proprio ZVA (venisi de scriverlo ala tedesca ZWA :p)
immagino che il nome se riferissi al Verzellino in questione.

Confermo per el FRINGUEL, che resta cusi', ammesso che sia la bestia de cui parlemo (el masc'io ga la testa rossiccia, la femmina xe inveze tuta grigiolina tenindo solo le striature sull'ala)

El ciufoloto lo go senti' sempre ciamar cusi'.. pur no avendolo mai visto de persona, mio papa' co caminavimo per sentier me fermava e me fazeva notar certi richiami. Per certi, come el ciufoloto, rivava anche a risponderghe con un fisc'io tale e quale.

El zigolo lo go senti' solo nominar.. ne' visto ne' mai identificado el suono.

Vabbe' poi xe i soliti gardei, faganei, BECCHINCROSE (un usel grigio, privo de canto interessante, bastanza piu grande del merlo, diria *quasi* una ghiandaia, con l'aspetto interessante dele punte del becco invece de aderir dritte le se storzi una per su una per zo.. incrosandose appunto)

Cusi al volo no me vien altri :)


Torna a “La fauna”