Licenide dei gerani

[Zigolo]

Farfalla africana che se sta espandendo in Europa. Chi che tien gerani no xe tanto contento (figuremose quei che li coltiva per mestier)

http://it.wikipedia.org/wiki/Cacyreus_marshalli

Un mese fa la xe stada segnalada in provincia de Gorizia, ogi a Udine.

[babatriestina]

finora sui gerani in terrazza no la go vista, ma xe ben altre larve che magna le foie, soprattutto dele mie rose

[Nona Picia]

Finora mi go visto solo vermeti verdi che magna tute le foie de rose e gerani, ma ogni tanto ghe schizzo el DDt e risolvo.

[serlilian]

La go vista ogi in pergolo e la go scazada via prima de pensar de fotografarla.

Me seca butarghe el flit perchè stago in aquedoto e sui alberi xe, in questo periodo, useleti de passagio. No voio invelenarli anche lori.

[serlilian]

La go conossuda per via dei "corneti" sule ale.

[Zigolo]

Primo articolo uficiale in regione su sta bestia:

http://www.ersa.fvg.it/informativa/noti ... zia-giulia

[sono piccolo ma crescero]

Questa no me par che sia la stessa, però la se stava papando i gerani de mia moglie con tuto el fredo.

[babatriestina]

questi xe i vermi verdi, come che li ciamo mi, i comincia pici pici, e po magnando le foie i se ingrassa bene ben, anche mi un per de giorni fa ghe ne go butai via un pochi, Co no i magna i gerani, no i disdegna le foie delle rose..

[rofizal]

Miga li mazerè?

Un giorno go visto un bruco che vagava incerto fra le sedie dove ierimo sentadi. El me ga fato pena, lo go racolto e meso su l'albero più vizin...

Ridada general!!!!

Iera chi zercava disperatamente de elimnarli dai alberi che iera rimasto senza parole! (i se la conta ancora ogi )

[babatriestina]

Miga li mazerè?

no, me fazessi senso farghe del mal.. li stacco e li buto sul pavè.. se i vol, che i se rifazzi la strada e che i vadi a magnar altre foie meno importanti, e se no che i se trasformi in farfalla.

[Nona Picia]

Mi inveze son cativa! Anche de mi nonostante l'inverno, che in quei giorni però iera mite, i me magnava le foie dei gerani e alora ghe go dà de ex ddt per eliminarli! Mi no li magno lori e che lori no me magni le piante!

[Zigolo]

e alora ghe go dà de ex ddt

Bela sta espression: EX DDT

Praticamente te ghe ga dà col flit!

[Nona Picia]

Praticamente te ghe ga dà col flit!

Esatto!

[sum culex]

Saria sta adato a 'Mio nono me contava che', ma dato l'argomento me taco qua.
Co iero picio, mia zia ingrumava ciche (quela volta no iera el filtro), no la fumava per gnente, ma la le fazeva macerar in acqua, se ben me ricordo. Vigniva fora un liquido maron con un odor pestilenziale che serviva magnificamente come inseticida per le piante senza rovinarle. Le dosi no le so e no go più a chi domandarghele, in ogni caso penso che le sigarete de quela volta le gaveva meno aditivi chimici de quele de ogi: disemo che iera un rimedio natural contro i inseti, de no usar però in orto su piante che se magna.
ciao
sum culex