a proposito de Opcina...

e anche el Carso triestin che ghe sta intorno
Regole del forum
Collegamenti al regolamento del forum in varie lingue ed alle norme sulla privacy in italiano.
nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

a proposito de Opcina...

Messaggio da nanaia »

mio primo intervento! imbranada de no creder... vivo a Opcina dal 1978 e ancora no go trovà un'informazion:me iutè voi? de mandarve foto no se parla, pel momento, sempre per la famosa imbranadura.
Se trata de questo: subito dopo el bivio per Basoviza (dove che xe l'agraria, per capirse) ghe xe, meza sconta, una specie de vedetta tuta de piera, con tanto de "camminatoi" a chiocciola. Ammesso che da sta descrizion fasula gave capì de cossa che parlo, savè darme qualche notizia?
Scuseme se son cussì grembana, ma ve prometo che me migliorerò, almeno proverò.
Grazie a tuti
Nanaia


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Brava! :-D ghe vol cominciar e po se se fa pratica.
Ma cossa che sia sto monumento me lassa nel più total scuro, anche perchè no me xe del tuto ciaro, visto che mi opcinese no son. El bivio per Basovizza? che saria quel che mi ciamo per Banne? mai inacorta. el primo che passa fazzi una foto.


Per postar le foto, forsi saria de far un topic aposta de spiegazioni, comunque te spiego per cominciar:
ghe xe do modi per postar foto: direttamente sul forum come alegati o con un sito che le ospita.
Metodo n 1, con alegati, però no se pol più che tante foto:
1- ridur le foto a dimensioni no troppo grandi ( suggerito lato max 600- 700)- se fa con programmi de fotoritocco, anche i semplici come acdsee
2 co se posta, fracar el tasto aggiungi alegato ( add an attachment) te frachi su sfoglia e te zerchi la tua imagine. Per veder se vien ben, te pol far l'anteprima
Metodo n 2 che xe quel che in genere dopro mi: te ridusi la foto come sora
1 te va a un sito che ospita foto, noi de solito dopremo imageshack
( www.imageshack.us) dove che el te disi de sfogliar te sfogli come sora, te frachi el tasto host it e se verzi un'altra pagina cola tua imaginetta e una serie de possibilità za pronte per postar, te copiincolli i hotlinkper forum n 1 in alternativa o quel col URL che te meti la foto direttamente ( come quelle de Zoom Culex) o quel col thumbnail se la foto xe grande, in tal caso el meti un imaginetta sul sito che se se la fraca se verzi la foto grande ( fa cussì Macondo cole sue foto grandi- lu po ga un sito suo, dove che el tien foto grandi).
Mi per far comodamente, verzo do volet explorer, una col forum e el mio post, e una con imageshack e le foto de copiancolar- queste se le incolla nel testo del post
Se no son stada ciara ( se pol esser più espliciti, ma se la fa più longa), domandeme o femo una discussion sul argomento, che pol esser bon per tutti.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Finalmente te se ga fato viva, nanaia, iera ora! Spermo de legerte ancora in futuro.
Ciao ciao


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Benvenuta di cuore, Nanaia !! :P

Cussì su due piedi non savessi aiutarte, però spieghine se xe direzion Banne o direzion Monrupin. Chissà che non rivo a far una foto.

Per la tua imbranadura, non aver paura: nissun de noi xe nato forumista.
Semo diventadi ! :-D


nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

secondo intervento! yahoo!

Messaggio da nanaia »

grazie, coccoloni tutti. Babatriestina, te son un tesoro! ogi, se rivo, provo a far la foto (cioè, farla son bona, almeno quel....) e postarla (e qua riva i gropi:VEDEREMO). Sto famoso bivio xe efetivamente verso Banne,no Monrupin.
Qualcossa ve conto anche mi, però: la zona che ga fotografà sum culex se ciama Brdina e la xe tuta intorno a una piazzetta (gnache tanto picia) che fina una cinquantina de ani fa iera un stagno per abbeverar le mucche. No so se savè che i contadini del Carso "costruiva" stagni spalmando argila su aree abbastanza ampie (dopo aver scavado, oviamente) per no far assorbir la piova. Questo perchè el teren carsico fa sbrisar via l'acqua. Ghe ne xe ancora almeno uno (del qual mi so, ma sarà forsi anche altri) proprio sula famosa strada per Banne-Basovizza,con tanto de cartel indicator (andando verso Basoviza, sula sinistra, se ve interessa).
Grazie ancora a tutti dala neo forumista (bona la qualifica, Adler!)

Nanaia


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Re: secondo intervento! yahoo!

Messaggio da babatriestina »

nanaia ha scritto: iera un stagno per abbeverar le mucche. No so se savè che i contadini del Carso "costruiva" stagni spalmando argila su aree abbastanza ampie (dopo aver scavado, oviamente) per no far assorbir la piova. Questo perchè el teren carsico fa sbrisar via l'acqua. Ghe ne xe ancora almeno uno (del qual mi so, ma sarà forsi anche altri) proprio sula famosa strada per Banne-Basovizza,con tanto de cartel indicator
gavemo un topic sui stagni e laghetti del Carso, nella sezion carsolina, e me par che ghe sia propio anche el stagno de Banne, restaurado nei ultimi anni ( ma ogni anno i manutentori in gennaio-febbraio fa la pulizia dei stagni e la manutenzion)


nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

son qua de novo (ve ricordè Druse Mirko????)

Messaggio da nanaia »

go deciso de butarme: go fato la foto della vedetta misteriosa e tento de mandarla. Compatime se fazo cilecca. go visto che la qualità xe proprio un schifo


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

la foto se vedi ben, quindi no te ga sbagliado a postarla :-D
Ma dove e cossa che la sia, brancolo nel buio, no la me ricorda gnente. E no arivo a imaginar in che punto che la sia.


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Se juta, son passado anche mi de là

Immagine

Xe veramente tacado all'agraria, ex banca, e diria che casca all'interno de una proprietà privata :roll:


nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

vedetta

Messaggio da nanaia »

son contenta che se vedi ben: nel preview pareva orrenda. Comunque, no, no la casca in proprietà private diria (go ficà el naso proprio come una maleducata de prima categoria). per questo iero curiosa. Se vedi che xe destin che resti un mistero.
Grazie per el sostegno!


Avatar utente
pastafasoi
vilegiante
vilegiante
Messaggi: 73
Iscritto il: lun 2 gen 2006, 15:47
Località: trieste

Messaggio da pastafasoi »

Podessi esser la vedetta Ortensia, costruida nel 1890 dall'ing.Gairinger, allora presidente de la società alpina delle giulie. La xe stada gravemente danneggiada nel corso de l'ultimo conflitto. I ruderi de questa vedetta i se trova nel Bosco Bertoloni, che mi non so dove che xe questo posto ma chi che xe del logo forsi sa. Azzardo questa ipotesi, purtroppo, non go nè foto nè altro material al riguardo.


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

pastafasoi ha scritto:Podessi esser la vedetta Ortensia, costruida nel 1890 dall'ing.Gairinger, allora presidente de la società alpina delle giulie. La xe stada gravemente danneggiada nel corso de l'ultimo conflitto. I ruderi de questa vedetta i se trova nel Bosco Bertoloni, che mi non so dove che xe questo posto ma chi che xe del logo forsi sa. Azzardo questa ipotesi, purtroppo, non go nè foto nè altro material al riguardo.
per la vedetta Ortensia, vedi el post
https://www.atrieste.eu/Forum3/viewtopic.php?p=8961#8961
verso el fondo , dove che go postado foto de sta vedetta. El bosco Bertoloni xe el bosco drio del Obelisco, se trovo te posto el cippo.
Dela vedetta no resta più gnente, ghe xe una targa dela stazion de pompa dele acque. La xe andando drio del Obelisco, sul primo cocuzzolo
Questa inveze xe dentro de Opcina, sul bivio per Banne, anche se mi no me iero mai inacorta de ela.


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Ecco el cippo del bosco Bertoloni, se vedi che el xe in zona in vista che i ga taiado l'erba drio
Immagine
e ecco el particolar del nome
Immagine
e ecco la targa vizin de dove che iera la Vedetta Ortensia ( che te la ga ricordada giustamente perchè la iera anche dita Vedetta de Opcina) e che xe dedicato a Bidischini Burgstaller, che me par che sia anche dedicado a sto sior el bosco
Immagine


Avatar utente
pastafasoi
vilegiante
vilegiante
Messaggi: 73
Iscritto il: lun 2 gen 2006, 15:47
Località: trieste

Messaggio da pastafasoi »

grazie baba, allora quella vedetta (foto Adler e nanaia) chissà coss'che xe? bisognerà far indagini :-) :-) che sia i resti de questa:

Immagine

che sarìa la vedetta de opicina?


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

pastafasoi ha scritto:grazie baba, allora quella vedetta (foto Adler e nanaia) chissà coss'che xe? bisognerà far indagini :-) :-) che sia i resti de questa[/URL]che sarìa la vedetta de opicina?
quela volessi saver anca mi :?: , e la vedetta de Opcina xe la stessa che la vedetta Ortensia.
Me domando anche se la vedetta Opcina/Ortensia gaveva una scala de do parti o se una dele do foto ( quela che te posti ti e che xe nele cartoline e quela che go posta do e ghe xe su mia nona con papà ) xe stada stampada ribaltada specularmente. O se ghe iera un'altra vedetta precisa, ma cola scala de l'altra parte( perchè sula mia foto no iera scritto quala che la iera- lo gavevo dedotto dela somiglianza). Ma no so se 100 anni fa i le fazeva in serie.


Avatar utente
babatriestina
senator
senator
Messaggi: 41257
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Un amico esperto de robe triestine, che ga leto el thread, ne manda a dir che quel "nuraghe" no xe una vedetta, che là el posto no xe panoramico, ma una costruzion finta romantica de una villa privata ottocentesca.
resta de apurar de chi che iera la villa.


nanaia
ixolan
ixolan
Messaggi: 468
Iscritto il: dom 6 ago 2006, 7:39
Località: trieste

vedette carsiche

Messaggio da nanaia »

grazie a tutti per la collaborazion: vedemo se fra tutti risolvemo l'arcano. de sicuro la vedetta "mia" no xe all'obelisco.
alla prossima!


Torna a “I paesi carsici”