Val Rosandra

[VetRitter]

molto bel, complimenti, no gò senti i Pink, son in uficio...

[AdlerTS]

Me par ottimo, per soggetto e qualità
L'unica roba xe che te go spostado qua, in coda al topic esistente

[AM]

OK speremo solo che lo vedi tuti,


saluti.

[AM]

quando go pronto l'altro video lo postero qua.

[sum culex]

Mi son più fotgrafo che cineasta: gavevo una volta una telecamera, ma non avendo l'atrezzatura per far i montaggi come che se devi me go stufà e la go dada via.
Adesso che son pensionato go ripreso a far foto.
Le inquadrature xè bele e el montagio anche: devo dir che me ga piasso!
Adesso speto de veder el lavor più grosso che te sta preparando.
Congratulazioni e auguri de bon proseguimento nela costruzion del documentario.
ciao
sum culex

[AM]

grazie dei complimenti

[selvadigo]

ieri son andado a far una caminada sul M.Carso,son partido dall'Antro de Bagnoli e subito una visita
.
Sula parede de fronte se tacada una targa dedicada a un speleosub Sloveno che el se morto nel 2000 nel tentativo de esplorar la cavità

Tornado fora go ciapà el sentiero col segnavie bianco-blu e go cominciado la salita fino ala grotta delle antiche iscrizioni.El se segnalà sai ben,però qualche dun per un eccesso de prudenza el lo ga impinido de ometti

No iero solo sto qua el me ga acompagnà per tutta la salita

Salita bastanza dura perchè el sentier el tira su drito e no drio le curve de livel.Son rivado in zima proprio davanti la grota.

Sta grota iera el confin aministrativo fra i comuni de Bagnoli e Dolina e sora la volta ghe se incisa una crose

Go proseguì verso sinistra e son rivado al Belvedere della Merenda dove che finisi el sentiero del Maestro(dedicado a Carlo Finocchiaro,presidente de gruppo grotte E.Boegan morto durante la tracciatura)

Discesa per sto sentiero fino al bivio col CAI 37 e da qua alla sella della bora

Ancora su fino ala pietraia che se in zima,pensavo de esser solo inveze go trovado compagnia

A sto punto go ciapà el CAI 39

e zo per la conca Slebernik pasando davanti ala sorgente Bukovec fino al rifugio

Meto altre foto che go fato in altre ocasioni
Altari

Monte Carso

La ceseta con davanti el monte Stena

[AM]

bellissime foto e bei posti haaaa come ci andrei volentieri con la mia telecamera e cavalletto ad immortalare il tutto.....




ciao

[babatriestina]

la gita de Selvadigo xe de quele "in verticale" su e zo, che fazevo una volta anche mi per alenarme in riva in su, e in certi punto le xe veramente come un percorso de montagna.

[selvadigo]

si,certi sentieri se bastanza impegnativi,e secondo mi el più duro de tutti se quel che parti dal ponte sul Rosandra e el riva sulla pineta sora la sella del monte Carso.
Naufrago anche mi go la talecamera perchè mia moglie me ga inzinganà de ciorla ma no me trovo a far filmini,infatti la dopro solo per filmar mio nipote,me appassiona sai de più la macchina fotografica,e se te se rampighi su per quei monti magari con giornade soleggiate come che se in questo periodo te ga l'ocasion de far belissimi filmati,per la flora bisogna che te speti ancora un poco,ma per la fauna se le giornade ideali

[babatriestina]

si,certi sentieri se bastanza impegnativi,e secondo mi el più duro de tutti se quel che parti dal ponte sul Rosandra e el riva sulla pineta sora la sella del monte Carso.

in effetti, xe quel che ciapavo mi: su de là, subito dopo el rifugio Premuda xe un segnetto a man destra, che scavalca el aquedotto roman, fin al belvedere col asta, po ancora suso fin alla sella, de là o me calavo per la Bukovec, che sia a arivarghe de sora che de sotto se disi "ma quanto ghe manca? quanto in alto/ in basso la xe"? o fazevo la deviazion per el Cippo Comici. Del qual , se se vol esperimentar el ebbrezza della montagna, podè far la discesa zo pel ghiaion, verso Botazzo, quela al limite del confin.. se gavè boni zenoci, naturalmente!

[selvadigo]

scusa go sbagliado mi de scriver,intendevo el ponte quel dopo la cascata prima de rivar a Botazzo,e de la parti un sentier che me par che no el ga numero che riva sora la sella del monte Carso.

[macondo]

podè far la discesa zo pel ghiaion

Go provado una volta a vegnir zo pel ghiaion in Val Rosandra. Dovessi esser quel che menziona baba - una esperienza che te pensi do volte a ripeter. A parte la pendenza, te ga sempre l'impresion che se te caschi no te se fermi piú

[babatriestina]

selvadigo e mi parlemo del stesso, lu in riva in su e mi in riva in zo.
No xe la discesa pel ghiaion che disi Macondo, se se riferimo al solo Ghiaion dela Valle, quel per antonomasia, che po adesso i raccomanda tanto de no far corse per no smover!
Questo sentiero passa lungo el confin e el collega la sella del Monte Carso col ultimo toco de strada vizin Bottazzo, dove che vien zo un dei do torrenti che forma el Rosandra, lungo la valle che porta a Beka. Sula carta al 25000 dela Transalpina el xe segnado come n 46.

[selvadigo]

Si se gavemo capido se proprio quel che el te spaca le gambe sia in su che in zo.Per quel che riguarda el giaron, co ierimo muleti, che discese a rota de colo,robe che se fa solo co te son picio che te son incosciente.

[sono piccolo ma crescero]

ma se disi "ghiaion" o "giaron"?

Per mi giaron.

[babatriestina]

ma se disi "ghiaion" o "giaron"?

Per mi giaron.

curiosamente, mi go sempre dito "giarina" ma mai "giaron", sempre ghiaion.. ve giuro che giaron me quasi sona strano, come una variante de giarina, cioè come se fussi una giarina piuttosto grossa, ma no necessariamente in pendio.

[1382-1918]

Sta grota iera el confin aministrativo fra i comuni de Bagnoli e Dolina e sora la volta ghe se incisa una crose

Iera? No, xe ancora! Ma no tra comuni "amministrativi", bensì tra comuni "censuari".
E la data del 1819 xe proprio l'anno nel quale xe stado istituido el Catasto Franceschino, tuttora in uso.

[Franco]

A parte la pendenza, te ga sempre l'impresion che se te caschi no te se fermi piú

Secondo mi, no xè solo un impresion...
Comunque: "la fortuna aiuta gli audaci".
Co iero più giovine lo gò fato tante volte...
Certe robe va fate co l'impeto de l'incoscienza, se no xè la volta che te se fa mal sul serio...

[Zigolo]

ve giuro che giaron me quasi sona strano, come una variante de giarina, cioè come se fussi una giarina piuttosto grossa, ma no necessariamente in pendio.

E infati lo go più volte sentì propio col significato de giara grossa.

Ma quel de la val Rosandra per mi resta ghiaiòn