Per sta volta fazo una ecezion: meto mi i comenenti, cussì ghe dimostro a chi, fora dei nostri amici, de lontan spara critiche a vanvera, senza saver quai che xè i acordi fra de noi.
In ogni caso ringrazio quela poersona che ghe fà, sepur per sbaglio e con intenzioni oposte, publicità al nostro forum, perchè chi che legi, magari solo per curiosità, va a guardar.
Scuseme sto inserto OT, che se no fussi per ffdt, no saria mai vignù a saver de sta storia.
Ben, bon, vignimo al'argomento 'di cui trattasi': la cesa de San Bartolomeo a Opcina.
Un fià de storia: La prima piera dela cesa odierna xè stada posta nel magio del 1805 e la xè stada consacrada (la cesa, no la piera) el 28 novemnre 1823 dal alora vescovo Antonio Leonardis.
Se ga comunque notizia de una picia costruzion religiosa che sorgeva in sto stesso posto za nel XIV secolo.
Nel '600 la xè stada ampliada per poi esser abatuda e sostituida dala cesa atuale.
Sora la porta de ingresso ghe xè un'iscrizion in latin che tradota disi cussì: Sta cesa xè stada riedificada dale fondamenta a spese publiche e per la generosità de alcuni devoti soto l'imperator Francesco II e el governator de Trieste Sigismondo conte de Lovasz nel ano 1805.
El progeto del architeto Giuseppe Colnhuber prevedi un edificio con una sola navata che ga ale estremità oposte el presbiterio a pianta retangolare che sporgi e l'atrio che sostien la cantoria col organo.
De particolare interesse xè la faciata in cui se missia diversi stili: dal caratere neoclassico essenziale e nitido delle lesene e dela cornise che separa i piani al gusto un poco baroco del campanil e dele linie curve che lo racorda ala faciata. Soto la cela campanaria xè un orologio del 1819.
Gusteve un per de foto del esterno
), ma prima o dopo provederò (qualchedun dirà: purtropo 
).
