Villaggio del Pescatore

[rofizal]

Girando per el Carso (zona Villaggio del Pescatore, ma me par anche più vicin a Duino)) go trovado per tera ste incisioni (vedi foto). Le me par recenti, ma no rivo a capir che significato le pol gaver. Qualchedun ghe ne sa qualcosa?

[rofizal]

Zercavo el castel del Pucinum (i resti) che no son rivà, per el momento, a trovar. Ma iera molto interesanti questi strati rociosi che forma un picolo dirupo verso la pianura sotostante. Credo sia l'ultimo prima de Monfalcon.

[cenerentola82]

Girando per el Carso (zona Villaggio del Pescatore, ma me par anche più vicin a Duino)) go trovado per tera ste incisioni (vedi foto). Le me par recenti, ma no rivo a capir che significato le pol gaver. Qualchedun ghe ne sa qualcosa?

La soto xe sconto el tesoro dei gnomi del bosco.

[rofizal]

Magari!!

[duralex]

Dis Manibus con la crose? Nol me piasie, nol me piase per niente. Me da anda de monade esoteriche, ma preferiria esser in eror.

[rofizal]

Dis Manibus

Ah, eco cosa xe! Grazie!
Se fosi de epoca romana (go leto, dopo la tua spiegazion, che i usava molto ste iscrizioni) saria interesante, ma me sa che xe de epoca nostra: le incisioni xe molto nete, e quel buso in mezo a cosa servi? a meter dei fiori? un vaseto?
El posto xe comunqua bastanza vicin a dele case, ma anche a loghi storici e a trincee dela prima guera.

No so, se xe solo zogheti scemi no vedo alcun interese per la roba (no voio pensar a sete strane, saria caminar tropo con la fantasia), ma se fusi roba de un lontano pasato, magari rimesa "a novo" da studiosi... proverò a chieder.

[babatriestina]

Mi go visto una volta una piera con un buso quadrato in mezzo, e i me gaveva contado che iera una piera de altar de qualche cappella, e quel iera un posto per tegnirghe reliquie. Comunque, se xe dis manibus, xe una scritta pagana, e la contrasta con una crose cristiana, semprechè appunto no sia qualchedun de quei che fa sti trapolezzi.

[duralex]

Ora che ghe penso, se la xe una piera tonda, la pol esser una macina da mulin. E magari DM più la crose vol dir "Che Dio bendissi el lavor de Dino Martinich mugnaio".

[Austriacante]

- Formule. Da ricordare in particolar modo la dedica Dis Manibus, "agli dei degli Inferi", una formula frequentemente abbreviata D M che ricorda come il sepolcro sia divenuto proprietà degli Dei Mani e da loro sia protetto da eventuali profanazioni. Questa protezione sacrale tuttavia non doveva essere sufficiente se in molte iscrizioni sepolcrali gli eventuali trasgressori venivano, più prosaicamente, minacciati di multa.

DM xe la formula abbreviada de "Dis Manibus" appunto, una iscrizion sepolcrale usada dai Romani, a quando risali le incisioni de sta foto no saverìa proprio dir.

[AdlerTS]

[mod] Austriacante, go messo a posto un "quote" fora posto, spero de aver intivado le tue intenzioni [mod]

[rofizal]

Questa foto me par che la sia stada presa al Vilagio del Pescatore (a vardar el monte o la cava de drio, ma no me ricordo come xe el porticiolo). La xe datada 1969.
Se xe sbaiado (el logo) caso mai spostela.

[babatriestina]

Castel Pucino devo trovar anca mi, ma go una piantina..
intanto ve mostro questa curiosità del Villaggio, ameno per mi xe nova:
pieno centro del paese, una galleria fra case

ghe xe tanti tombini come questo

e po ghe xe questo, senza alcuna marca



se lo alza..
e...

[babatriestina]

.. xe la Grotta del Villaggio del Pescatore!!

[Ciancele]

Go visto le foto de Baba Triestina del Vilagio del Pescatore. Dal 1968 andavo a Sistiana, de Castelregio, a magnar coze gratinate. Po i ga serà e no so come che son capità al vilagio del pescatore e co’ son a Trieste vado sempre a magnar là almeno do volte. Xe pasà qualche tempo, ma no tanto, de l’ultima volta, ma no me ricordo de ‘ver visto galerie o grote. Vado in auto e me fermo davanti el porton del ristorante e se vado a far do pasi, vado in spiagia e fazo el giro senza traversar el paese. De quando xe ‘sta grota e la galeria?

[babatriestina]

xe la grotta n 545 del catasto regionale o 5842VG accatastada nel 1994 e detta Grotta nuova nel Villaggio del Pescatore
http://catastogrotte.fvg.it/?TYPE=raw&T ... 45&Slide=1
Coem ta ga visto dele foto, per un normale tombin per strada. Se no ne mostrava el prof Dolce..