distruzion de alcuni paeseti carsici

[vorwaerts]

Buongiorno,
per le mie ricerche, gavessi bisogno de saver le date esatte de quando i seguenti paesi xe stai distrutti per rappresaglia, durante la seconda guerra mondial:

Mavhinje-Malchina, Čerovlje-Ceroglie, Vižovlje-Visogliano, Medjevaš-Medeazza, Mačkovlje-Caresana, Gročana-Grozzana

grazie in anticipo a chi me saverà jutar

Vorwärts

[babatriestina]

Al de là che alcuni de ste sventurati paesi ga avudo evacuazioni e danni durante tutte due le guerre, perchè per la prima i se ga trovado più o meno sul fornte ( Ceroglie, Malchina, Visogliano e Medeazza), per Ceroglie la distruzion xe stada nel 1944, ghe volessi veder la targa, ma no go la foto.
Credo che le targhe e i monumenti ai caduti che xe in ogni paesin del Carso sia una testimonianza del tributo de sangue che i ga pagado durante la guerra.

[vorwaerts]

ciao, si el periodo dovessi esser i primi 6 mesi del 1944. Se te rivassi a farghe delle foto ale targhe (senza fretta o impegno) saria molto gradito. Mi comunque gavessi proprio bisogno della data (giorno/mese) esatta.
un saluto
VW

[AdlerTS]

..stago cercando

[AdlerTS]

Pensavo de aver qualcossa de più ... per adesso go trovado questo emblematico avviso del 09.09.1944 ... più ciaro de cussì no se pol

[babatriestina]

A Malchina ghe xe la targa, ma la metti solo che el anno 1944 e no el giorno ( o i giorni)

[sbriso]

16 agosto 1944

[rofizal]

Ma i ga veramente distruto l'intero paese? (me par oribile)
Qualchedun sa de più su quei fati?

[carsolin]

Si, ghe ga da un poco de tempo ala gente per ingrumar le straze e le bestie e dopo i ga brusa tuto.

...Mavhinje-Malchina, Čerovlje-Ceroglie, Vižovlje-Visogliano, Medjevaš-Medeazza, Mačkovlje-Caresana, Gročana-Grozzana

Cerovlje e Medjavas, senza cluche.

[babatriestina]

e poco oltre confin i ga distrutto, nel carso de Comeno, sempre in quel periodo, el castel de Rifenberg-Rihenberk Branik
però me stavo confondendo, quel lo ga brusado i partigiani per evitar che lo usi i tedeschi; Brutti tempi..
http://en.wikipedia.org/wiki/Branik_Castle
I lo ga ricostruido parecchi anni dopo la guerra



nella Cappella ghe xe un affresco de danza macabra de tipico gusto nordico
La torretta

[sbriso]

Comeno e Rifenbergo xe stai bruzadi ? fati saltar ? comunque distuti nel febraio '44.

[babatriestina]

Comeno e Rifenbergo xe stai bruzadi ? fati saltar ? comunque distuti nel febraio '44.

el sito citado riportava
On the night of the 22nd/23rd of July 1944, partisans assaulted the castle, blew it up and set it on fire, so as to deny its use as an outpost to the Germans
O xe due attacchi diferenti? magari ga cominciado i crucchi in febbraio e i partigiani ga risposto attaccando el castel in luglio?
gavessi senso...
brutta annata, el '44 de quele parti!!!
Se parlava in famiglia mia de sto castel, perchè alla fin del Ottocento, primi del Novecento i paroni , alora iera i Lantieri, lo affittava e una mia prozia, fanatica de castei, par che ga fatto qualche giorno de villeggiatura in sto castel.

[sbriso]

devi esser due robe diferenti, la mia la go trovada in un libro tedesco che ga un allegato con elencade le operazioni anti-partigiane fate in region (Friul, Carso e Istria).

[babatriestina]

devi esser due robe diferenti, .

me sa anche a mi.

[AdlerTS]

Copio anche qua una testimonianza de Rawa Ruska:

Continuando ve conto che Caresana se sta brusada dei gnochi, quei veri, quasi completamente. Le siore vizin de mi me ga contà diverse storie. Chi che se sta mandada in bosco sconderse, chi che iutava la mama a cior le pignate intanto che el gnoco col s'ciopo le minaciava. La più "bela" se forsi una che riguarda casa mia (che se sta anche brusada). Una siora me ga contà che intanto che la iutava la mama co le pignate, la ga visto un gnoco sentà tra i mii (adeso) moreri che bateva el tempo su de un tamburel ciolto nel deposito de la banda, che iera de l'altra parte de la strada intanto che la casa brusava e le done pianzeva. La casa se sta rifata de le imprese che lavorava pei inglesi nel '47 (go podù parlar con un geometra che quela volta iera la) e anche la iera ruberie, tipo travi del sofito un groso e un fin, e mi li go cusì, tanto che po' l'impresa se stà cambiada. Se tanto de imparar de quela gente! Mi no rivo neanche imaginarme la cativeria che ghe vol per far stè robe. O meio, me imagino ben, benon, ma capir no poso e no voio. E nenache perdonar.
Rawa Ruska

[Rawa Ruska]

A Caresana c'è anche una targa con la data. Verifico e scrivo.

Rawa Ruska

[Lipnc]

Comeno e Rifenbergo xe stai bruzadi ? fati saltar ? comunque distuti nel febraio '44.

Confermo che Komen e Rihemberk adeso Branik xe stai brusai

[babatriestina]

A Caresana c'è anche una targa con la data. Verifico e scrivo.

ecola qua:

2 ottobre 1943
No ga perso tempo, eh i crucchi che xe rivai qua el 8 settembre..

[AdlerTS]

Comeno e Rifenbergo xe stai bruzadi ? fati saltar ? comunque distuti nel febraio '44.

Ghe go chiesto a una anziana signora nata a Comeno (anche se ogi la abita a Basovizza): Komen xe stado brusado per rappresaglia dopo che xe stadi copadi alcuni tedeschi. Molte persone xe stade deportade, ma non tutti nei campi de prigionia: tante donne xe finiede a far le "donne de servizio" presso famiglie tedesche in Germania.

[babatriestina]

Comeno e Rifenbergo xe stai bruzadi ? fati saltar ? comunque distuti nel febraio '44.

Ghe go chiesto a una anziana signora nata a Comeno (anche se ogi la abita a Basovizza): Komen xe stado brusado per rappresaglia dopo che xe stadi copadi alcuni tedeschi. .

Ma la siora parla del febbraio o del luglio 44? perchè se i lo ga brusado in febbraio, come i podeva averlo brusado anche in luglio?
o qualchedun se ga confuso le date?