Segnale fisso di mira

[sum culex]

Fazendo una poassegiata sui sentieri tra Monte Grisa e l'Obelisco go visto sta frecia: son andà a veder.



Ve meto la foto del cartelon he disi de cossa che se trata e che spiega tuto, cussì no ocori che fazo altri comenti.



Questo xè el 'monumento'

[sum culex]

El particolar dela zima



Xè stai taiai diversi alberi, i tochi dei tronchi xè ancora per tera. I alberi xè stai taiai forsi perchè se lo vedi ancora e i lo coverzeva? A veder el color dele sezioni dei tronchi, sembra che i fussi stadi sani! A voi cossa ve par?






ciao
sum culex

[babatriestina]

e se guardavi la sezion del Forum sui sentieri del Carso, quela sul te trovavi tuta la spiegazion ( e diria che xe là che se pol metter anche le tue foto..)

[sono piccolo ma crescero]

No so perché che i xe stai taiai, ma xe in atto un sfoltimento dei pini sul carso per darghe spazio a alberi de tipo autoctono, come el carpino e la roverella. In tanti posti i ga taià e, a mi che iero perplesso, i me diseva, per la tranquillità de certi, che questo iera anche el progetto a lungo termine dell'Austria. No so se sia vero.

[babatriestina]

i me diseva, per la tranquillità de certi, che questo iera anche el progetto a lungo termine dell'Austria. No so se sia vero.

sì, come che spiegavo anche nel post sui boschi del Carso, co i ga cominciado a rimboschir i pensava de rifar subito cole piante originali del aboscaglia carsica, altifoglie etc e difatti alcuni dei primi boschi come el Porenta xe de quel tipo. Po i se ga accorto che el terren iera impoverido e che el solo bosoc che podeva ciapar e resister iera el pino nero. Ma con l'intenzion, una volta che se gavessi formado el sottobosco, de eliminar pian pianin i pini neri, che no xe autoctoni, lasando vegnir suso la boscaglia carsica. In più xe vegnudo fora nei ultimi decenni che el pino nero, nele zone meno fredde, verso la costa, xe facilmente preda dela processionaria perchè xe piante più deboli, e i ga smesso de lottar lassando che el pino nero resti nele zone dove che el vivi meio

[sum culex]

e se guardavi la sezion del Forum sui sentieri del Carso, quela sul te trovavi tuta la spiegazion ( e diria che xe là che se pol metter anche le tue foto..)

Mi go a provar a guardar con cerca 'segnale fisso di mira' perchè me pareva de ricordarme de gaver visto qualcossa del genere, ma la risposta xè stada negativa; per tanto go verto un argomento novo.
ciao
sum culex

[AdlerTS]

Anche Franco scriveva qualcossa za nel 2009

[babatriestina]

Anche Franco scriveva qualcossa za nel 2009

e che iera soto un altro titolo