Vignetta per la Slovenia

Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Vignetta per la Slovenia

Messaggio da Nona Picia »

Scuseme l'ignoranza, xe una vita che no vado a Capodistria o Isola, no conosso le nove strade, ma no ga importanza. Adesso xe la storia dele "Vignette" che da primo luglio sarà obligatorie. La domanda xe: se voio andar a Capodistria o a Isola o altro posto dopo el primo de luglio senza passar per autostrade e superstrade e partindo de Skofie de dove posso passar? O da Skofie no se va a Capodistria altro che per autostrade o superstrade?
Spero che qualche anima pia me ilumini!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Da quel che go capido funziona solo per le autostrade, come in Austria.
Quel che non capisso xe che pareria reperibili solo "vignette" da 6 o 12 mesi :? mentre per i vacanzieri saria logico alcune da 1 settimana o 1 mese :?


Mal no far, paura no gaver.
Avatar utente
1382-1918
citadin
citadin
Messaggi: 829
Iscritto il: ven 18 apr 2008, 6:24
Località: Trieste

Messaggio da 1382-1918 »

Xe stade tante proteste anche in Parlamento a Lubiana per sta storia dele vignette de soli 6 o 12 mesi.

Comunque se te vol andar a Capodistria, xe facilissimo, ghe xe una superstrada che se ciapa za in Italia, subito dopo la Galeria de Muja, e dopo no te se quasi inacorzi de gaver passa el confin. Da Muggia a Capodistria se ghe impiega circa 7-8 minuti, e no se passa più per nissun paesetto.
In più gavè visto che cocola che i la sta fazendo a Capodistria? I ga ripuli el centro, tanti palazzi messi a novo, ripavimenta la zona verso el mar e messe palme e bei lampioni moderni, fatto un novo molo, e i sta per finir le nove rive vizin al giardin che xe nato da una zona paludosa deso bonificada.
Se ghe andè, ve consiglio una zena proprio drio sto giardin, xe dei posti tipo bar dove se pol magnar, costa poco e xe sai bon, specialmente i cevapcici.
Inveze prima del centro pena che se lasa la superstrada una volta che se riva, svoltando a destra se pol andar a un bel centro commerciale. Nel negozio de eletronica go trova dei articoli della stessa marca a meno dela metà del prezo che xe de noi.

Per andar a Isola basta continuar dritti lungo la costa inveze che uscir a Capodistria.
Xe in lavor la superstrada Capodistria-Isola, e quando la esisterà la sarà a pagamento, ma solo in quel tratto, no in quel fin a Capodistria.
Ma sarà comunque disponibile la vecia strada, dopotutto xe due posti vizini un a l'altro.


Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Messaggio da Zigolo »

1382-1918 ha scritto:Xe in lavor la superstrada Capodistria-Isola, e quando la esisterà la sarà a pagamento, ma solo in quel tratto, no in quel fin a Capodistria.
Ma sarà comunque disponibile la vecia strada, dopotutto xe due posti vizini un a l'altro.
De quel che go leto, i ga ancora de comunicar detagliatamente quale che sarà le strade a pagamento e quale no.

A rigor de logica dovessi esser gratis quele che no ga alternative, come apunto el trato fra el quadrivio de Ancaran e Capodistria e quindi dovessi esser giusto quel che te ga dito.


potter
vilegiante
vilegiante
Messaggi: 49
Iscritto il: mar 3 mar 2009, 21:00
Località: trieste

vignetta

Messaggio da potter »

Per no pagar la vignetta andando fora per Rabuiese se pol far due robe:
1) Andar fora de la superstrada e ciapar el vecio bloco picio de Plavie
quel che se pasava co' la pr0pusniza. se riva a Albaro Vescova' se va 'vanti fin al quadrivio de Risan e se segui la direzion de Bertochi , se
riva a una rotatoria con indicazion Capodistria e se riva drio del cimitero de San Canzian e dopo xe tuto libero
2) Andar fora per Rabuiese e tinirse tuto a destra ,pasar drio de la pompa
de Benzina se ciapa la salitina , n zima se gira a sinistra e se riva su la vecia strada che porta a Albaro Vescova e po' 'vanti come che go scrito sora. Ciao John Paul Potter


...guera jera ,poco se magnava, Francesco Giuseppe Imperator e dopo de lu solo pajazi !
(Manlio Malabotta)
Avatar utente
Zigolo
Citadin
Citadin
Messaggi: 1073
Iscritto il: lun 31 mar 2008, 23:22
Località: Muggia

Re: Vignetta per la Slovenia

Messaggio da Zigolo »



Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Vignetta per la Slovenia

Messaggio da Ciancele »

La vigneta xe un problema anca qua. Tuti pensa de farlo, ma dopo i ga paura che tuti vadi sule strade traversando paeseti. De domenica xe un co.....da (situazione aggravata) nei paeseti che no ve conto. De quando che xe el pedagio pai camion, te li trovi anca fora de l'autostrada, specialmente se la statale xe paralela o squasi a l'autostrada. Par via dei 130 centimetri i me ga dito che se podaria o scarigar l'aria dei pneumatici o cior goma piena. Cusì se xe soto i 130 centimetri! A mali estremi, estremi rimedi. ;--D


Torna a “Friul, Slovenia, Croazia, Dalmazia, ...”