Londra - Shaftebury Avenue

[macondo]

Una bella foto del 1949. Ciapada in Picadilly Circus inquadrando una panoramica de Shaftebury Avenue...

[macondo]

E qua se una foto ciapada nel stesso punto un par de giorni fa...

E no xe cambiado tanto, me par

[babatriestina]

el fanal xe sempre quel, bel! e anca i autobus rossi e ( me par) le cabine telefoniche rosse no cambia ( ma i le dopra?). In meo, le facciate dele case xe molto meno nere : lavade o sbianchizzade? e nela nova in fondo, drio, cuca un grataciel che nela vecia no iera.

[Nona Picia]

Te sa una roba? Quasi quasi me piasi de più la foto del'49 che no quela più moderna, ma no saverìa dir un vero perchè.
Ciao ciao

[macondo]

Te sa una roba? Quasi quasi me piasi de più la foto del'49 che no quela più moderna, ma no saverìa dir un vero perchè.
Ciao ciao

Anca mi!!! E notaré i risultadi dela globalizazion...La publicitá dei spagnoleti inglesi Goldflake, Craven A, e dele bibite Schweppes le xe stade sostituide per TDK, SANYO e GAP!

I autobus rossi de due piani i xe assai diferenti (quel picio senza porte i lo ga cavado l'anno scorso, el 9 de dicembre 2005 e i ga lassado solamente due linee per i turisti) e le cabine telefoni rosse assai pochi le usa (anca quele i le ga lassade per i turisti che se vol ciapar una foto...)

Eco el ultimo viagio del Roadmaster

[AdlerTS]

le cabine telefoni rosse assai pochi le usa (anca quele i le ga lassade per i turisti che se vol ciapar una foto...)

Con l'avvento dei telefonini anche in italia le xe andade in remengo, però go un ricordo particolare de quando iero a Londra nel 1999. Tutte le cabine iera tapezzade internamente de quei annunci erotici CHIAMAMI con tanto de foto de donnina nuda

[ranny84]

i annunci erotici xe ancora...e le cabine rosse no le usa più tanto perche xe diventade dei cessi pubblici per muli imbriaghi...

cmq anche a mi me piasi de più la foto del '49!