Svizzera: Losanna ( Lausanne)

[babatriestina]

Me par strano che no gabio messo gnente finora, ben metto adesso:
xe una città che me piasi assai,a nche se le xe tuta in riva in su e in zo. I trattati de Losanna no i li ga firmai là, ma sotto sul lago, a Ouchy..
per mi le più bel xe la cattedral, in cima al colle, un bellissimo gotico

[
per la prima volta go trovado averto el portal del transetto, restaurado dopo anni de lavor, che conserva ancora un poco della antica policromia, ste statue nel medioevo iera tutte piturade a colori
[
soggetto: l'incoronazion della Vergine epoca 1230-1235

[babatriestina]

la cattedral xe protestante, ma in segno de ecumenismo ogni tanto i ospita qualche messa cattolica
le statue laterali del portal, profeti

nel 2003 i ga rifatto el organo novo, i fa spesso concerti

vista de notte dalla parte bassa, de un dei ponti ( sotto un de sti ponti par che gabi dormido un poveraccio emigrante che se ciamava Mussolini..)

[babatriestina]

Place de la Palud xe la zona del Municipio, anche qua, alla sera ( el municipio più simile che gabio visto no lontan de Trieste xe.. quel de Lubiana!)

la piazzetta, con una fontana con la Giustizia

vizin, un grattacielo anni trenta, un dei primi della città, che mostra che el stile razional iera diffuso anche là..

[babatriestina]

Un aggiornamento anche su Losanna vistoc he ghe go dormido un per de notti, anche in occasion de alcune mostre de pittura fin Ottocento là e nelle vicinanze, oltre che me trovo meio con la lingua francese:
riprendemo dalla cattedrale:

i ga finalmente finido i restauri,c he xe venti anni che vedo cantieri là..

i doccioni restauradi

[babatriestina]

Col novo zoom, prima che i proibissi, go fatto un per de foto delle vetrate del roson, del due trecento. In particolar le immagini rappresenta soprattutto le stagioni, i mesi, i segni zodiacali

( quel che nelle cattedrali italiane romaniche xe piuttosto statue)

[babatriestina]

Luglio, el mio mese de nascita

La terra


poco sotto, el palazzo dei musei, un pastiche fin Otocento che Zoomy anderia matto coi dettagli

[babatriestina]

la mostra:

da Sorolla a Picasso, pittori spagnoli a caval del secolo. Sorolla poco xe conossudo, e un amico pittor me diseva che nol ga proprio gnente de invidiar ai più famosi impressionisti francesi
Queste mostre xe organizzade de fondazioni private.
Altri punti caratteristici: la chiesa de S Laurent, punto de aggregazion d ella gioventù, anche grazie a un Macdonald vizin

Poco sotto, la mia libreria francese preferita: Payot

rispetto alla francia i libri francesi in Svizzera costa de più.. ma se fa un viaggio più curto..

[babatriestina]

se vedi in giro tanti tipi, ma de un per de anni no vedo più babe islamiche tute coverte de nero in chador: al massimo un per de fazolettoni come de noi, po impiegati, veceti col rucksack, mulette in cotole curte.. e po queste xe le tipiche scarpe dele vecette svizzere:

ed ecco una signora, che per la stagion se ga messo za i sandali.

Per la gioia de Nonna Ivana, anche a Losanna ga cominciado le piadinerie, miga solo a Londra:

[babatriestina]

El Pida- Bar!

mi però go preferido andar a magnarme una crepe salada de gran sarasin alla bretone, con un poco de sidro

Altra visita, a un'oretta de treno, a Martigny, altra fondazion privata e altri quadri fin ottocenteschi:

coi ottimi treni svizzeri ( costa, ma in cambio i te tratta de sior)

. Me fermo qua, go fatto vacanza de internet e anche de macchina fotografica.

[nonna ivana]

Qualcosa l'hai fotografata!
Mi sa che la piadina...prenda piede!!!!
E' più facile e veloce della pizza, è cibo da strada, si mangia con le mani...mi sa che ne devo fare, prossimamente...
Mi hai fatto ricordare le crespelle col grano saraceno...ma con molto formaggio...appena trovo la farina faccio anche la torta, quella famosa nelle Dolomiti!
Pensare che potrei andare da amici e da parenti in Svizzera... e mai che ci spostiamo!
Preferiamo che vengano loro...infatti a giorni arriva una coppia e a luglio altri!

[Nona Picia]

"e po queste xe le tipiche scarpe dele vecette svizzere"

Le xe bruttine, ma le devi esser comode.....

[babatriestina]

"e po queste xe le tipiche scarpe dele vecette svizzere"

Le xe bruttine, ma le devi esser comode.....

indubbiamente, la loro caratteristica xe anche de esser de color ciaro, e le le porta con calze ciare anche quele. Po le ga un vestitin o braghe, spesso un puloverin de maia bianca, una borsa bianca e magari un zainetto drio le spalle. Però le ga sempre bellissimi orologi de polso de qualità!

[Nona Picia]

chissà forsi anche quele zavate costa un sacco de soldi.....

[babatriestina]

chissà forsi anche quele zavate costa un sacco de soldi.....

credo che dipendi dela marca.

[babatriestina]

eco due alla stazion, go sfumado i visi per la privacy

naturalmente, le più giovini xe ben diferenti!

[Nona Picia]

Te sa, credo che con quele scarpe se possi caminar con meno problemi e le vecete ne aprofita. Quasi quasi ciolessi anche mi un per, che le scarpe me fa sempre mal....

[babatriestina]

ma mi go tuto scarpe che no fa mal, tranne quele de sera.. no rivo a riabituarme ai tachi de 8-10 cm..

[nonna ivana]

Io mi sono adeguata ai tempi....scarpe sportive quasi sempre, tanto sono in giro, ma non per cerimonie e per essere pronti alle virate improvvise, che mi succede di fare, quando vedo qualcosa che mi interessa...i tacchi mi causerebbero delle belle cadute... ....
Negli anni Sessanta in CH ho dismesso le scarpe coi tacchi a spillo, la mise elegante....sapete che manco il medico ti visitava se avevi le calze velate, il cappottino, niente in testa d'inverno, là usavano mutandoni, calzettoni e pantaloni, la maglietta della salute di lana d'angora....qualcosa l'ho acqusito anch'io, di quel modo di abbigliarsi...e magari sembro una delle due signore fotografate!!!

[Nona Picia]

Mi giro possibilmente sempre in scarpe sportive e comode, tacchi li go dimenticai da quasi una vita, a parte le cascade che fazzo comunque ogni tanto causa le caviglie deboli, anche per problemi de schiena oltre che de piedi....A proposito, stamatina le go viste de Donda, più orribili de quelle dela foto, però.....

[babatriestina]

De un recente giretto, panorami, visto el bel tempo:
del alto dela cattedral, o del basso de Ouchy, il lago Lemano e i monti di fronte, che in primavera ga ancora neve