E adesso te me domandi storia e gegrafia:
ben, zerco de riassumer- se no andè su google e wikipedia.
el Uzbekistan xe una dele ex repubbliche del Asia centrale sovietica, completamente separada del mar e circondada de stati che gnanche no toca el mar, in particolar a sud ghe xe Iran, Afghanista e oltre el tagikistan Pakistan. La parte ocidental xe pianeggiante anche ocn deserti e la parte sudorientale ga monti che va verso el Pamir.
Due fiumi la traversa, el Amu Darya e el Syr Daria, che va a finir tuti due nel lago de Aral, che gavemo tuti studiado a scola. adesso, grazie ai canai de irigazion fati dei russi, poca acqua riva al lago che xe ormai ridoto a una spudacia rispeto a quel che iera. I Russi ga puntado sula coltivazion del coton per esportazion. Ma ghe xe anche gas natural e miniere...
Iera Neanderthal, po altri nele caverne, po primi pastori e coltivatori, xe passai i Sciti e
Ciro el Grande ga conquistado la zona per la Persia nel 530 a C.. La religion iera principalmente
zoroastrismo con un poco de buddismo.
Alessando Magno ga conquistado la region ,nota anche coma
Bactriana, ga sposado
Roxane la fia de un satrapo local, ga fondado Alessandria eschata ( ultima) e po ga continuado per le sue, lassando governatori , greci e locali.
Fra regni ellenistici dei
diadochi e po conquiste
sassanidi ( ghe xe monete sassanidi nei musei) i ga tirado avanti fin al
invasion araba nel 649 che ga sovraposto la religion islamica e la cultura arabi persiana. I dipendeva del califfato abbasside de Baghdad, xe de là che xe vegnudo Ibn Sina ossia
Avicenna.
un poche detribù varie e se ga formado dei ricchi regni, in particolar i Samanidi anche grazie ala via dela seta ( via terra) con la Cina. Al epoca xe passado per Samarcanda anche
Omar Khayam, che xe più famoso in Occidente per via dele traduzioni inglesi, che de lori, anche se el se ga presto trasferido a Isfahan.
Nel XIII secolo xe passado
Gengis khan e ga distrutto regni civiltà e città stesse, lassando cumuli de teschi.
Po i se ga ripreso e invece
Tamerlano ( Amir Temur o Timur i Lenk
Timur el zoto) ga ricostruido la zona e ga fato de Samarcanda la sua capital. per un poco i Timuridi ga regnado (XIV e XV secolo) nela zona, poi xe andai a zercar fortun più a est e.. i ga fondado el
impero Moghul in India! lassando perder le terre native
Dopole 1500 se ga formado
khanati e
emirati in zona, e i ga scelto come capital Bukhara, altri piccoli khanati col tempo iera in tante città..
El Emirato de Bukhara ga durado del 1785 al 1920..
e intanto più de un vizin se ga interessado: Nadir Shah dela Persia e Pietro il grande nel 1717 ga fato una prima spedizion contro Khiva, finida mal. i li ga copai tuti.
Ma intanto nel otocento i
Inglesi butava el ocio sula via per el India e i
russi sula via per el mar...e cussì i russi pian pianin ga stabilido protettorati a Taskhent Bukhara e Samarcanda nel ani 60 del otocento e po i ga costruido la ferovia transcaspiana.
Ribalton fra rivoluzion russa e guera civil dopo, fra el 1917 e el 1920 i
sovietici se ga pappado tuta la zona. el ultimo emiro de Bukhara xe scampado in Afghanistan
E po xe la solita storia: sovietizazion, desovietizazion...
xe esposte le foto dei ultimi Emiri de Bukhara:
( nei musei ghe devi esser anche cartine storiche ma no le go fotografade tute)