Pasta butada

gavè ricette triestine de condivider? volè parlar de roba che se magna e se bevi a Trieste? zerchè una ricetta che gavè dimenticado? e se ve sbrissa una non triestina.. ve perdonemo, se la xe bona!
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Pasta butada

Messaggio da babatriestina »

la fa ancora qualchedun?
per far pasta butada se fa brodo ( vero o "de bechi"), in un pignatin se missia un ovo intiero, un poco de farina che fazi pastela, un pizigo de sal, e se se vol un poco de formaio grattà e noce moscata, e, co el brodo boi, se versa pian pianin nel brodo, lassando cusinar un per de minuti.


refolo

pasta butada

Messaggio da refolo »

SEMPRE

co no go' pastina per brodo, sbatto un do' ovi e farina ecc. Ma essendo de
discendenza Ungherese, e avendo tante amiche della stessa razza, te doveria veder come chei la fa' lore........

Una sveltezza impressionante, piu consistente della miscela nostra, i la meti sul taier e via sti tochetti i finissi nella pignata del brodo.
Purtroppo xe una roba che a mia fia nausea.

a Trieste la ga' domanda' i gnochetti de gries, premetendo che i mii xe piu' boni perche' voi use' tutto sintetico, cioe' le bustine pronte.
Un'amica viennese, el suo brodo consisti piu' de verdure, chei metti anche

peveroni, bon non dubito, ma la pasta buttada me ga' de insavorida.

Maria aka refolo


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Pasta butada

Messaggio da Ciancele »

Saltando de link in link son rivà ala pasta butada. Qua, ma specialmente nel sud, nel Baden-Württemberg, nella Svevia (Schwabenland), xe come contorno i famosi Spätzle. Fati con una pastela come la pasta butada. Adeso xe moderno meter la pastela in una forma coi busi e lasar cascar la pastela inte l’aqua: come circa i passatelli. Saria più giusto ciamarla pasta cascada. I veci inveze meti la pastela su una tavoleta de legno e co’ la lama del cortel i buta bigoli de pastela inte l’aqua e dopo qualche minutin i bigoli xe coti. I disi che un morto se voltaria in tomba a veder che i giovini fa i spätzle co’la forma. Xe vietato, xe contrario ai usi e costumi come taiar patate col cortel. Se usa quasi esclusivamente come contorno de roba rosta inveze dele patate. Insoma col sugo, no nel brodo. Anca carne de porco lesa. Quel che vanza, i famosi vanzumi, vien scaldai, rosolai, in farsora con butiro o margarina. Anca gutt. Naturalmente noi gnochi gavemo anca la pasta butada in brodo, ma più sul tipo dela pasta strazada. Col zalo de ovo o con un ovo intiero. Zuppa alla Pavese?


Torna a “Ricete”