Frutta fritta

gavè ricette triestine de condivider? volè parlar de roba che se magna e se bevi a Trieste? zerchè una ricetta che gavè dimenticado? e se ve sbrissa una non triestina.. ve perdonemo, se la xe bona!
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Frutta fritta

Messaggio da LELA »

Gò deciso de meter 'stà rizeta, parché diversi tipi de fruta estiva se presta par prepararla, anca se el frito no' xe tanto de moda, ve asicuro che la fruta fata cusì la xe 'sai bona.

Tanti fruti i se presta par la fritura, che la sìa dolze opur salada. Le più doprade xe armelini, zariese, fragole, persighi, fighi, peri, pomi, ananas e anca le castagne.

Igredienti:

Par la pastela:

15 deca de fior de farina,
un cuciar de zucaro,
un pizighin de sal,
un roso de ovo,
un cuciar de trapa,
un cuciar de oio extravergine de oliva.


Par la pastela lievitada:

15 deca de fior de farina,
un bicer de late,
meza bustina de lievito par dolzi,
un roso de ovo,
un cuciar de trapa (a piazer)
un cuciar de oio extravergine de oliva,
sal.


Par frizer: oio extravergine de oliva.

Par la pastela normal, metè la farina in t'una terina con un fià de aqua, po' zontè el zucaro e el pizighin de sal; 'deso metè el cuciar de trapa e 'ndè 'vanti a misiar con un cuciar de legno, ala fine butè drento el roso de ovo e el cuciar de oio e finì de impastar. La pastela la doverà eser morbida.
Par la pastela lievitada, prima de tuto và siolto el lievito in t'el late (meio se el xe intiepidì), po' zontè la farina, el roso de ovo, l'oio e la trapa, misiè tuto ben ben e doprela subito.
Xe sotointeso che i vari fruti i và pulidi, liberade dei osi e taiade a fete opur a metà se i xe tropo grandi; pasè i fruti in che tipo de pastela che preferì, feli sgociolar e frizele in t'el oio 'sai caldo, ma no' de boio. 'Na volta che i xe ben dorai, dopo gaverle sgogiolade pozeli su foi de carta asorbente par sugarli ben ben e servili ancora caldi eventualmente spolverizai de zucaro o de sal.
Par quel che riguarda le castagne, naturalmente le va prima spelade e po' fate lesar in te l'aqua o in t'el late, come che preferì.

Me dirè che 'sta rizeta i la conosi tuti, ma gò voludo meterla isteso.

Ciau, sempre con tantisima simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Frutta fritta

Messaggio da babatriestina »

No go mai pensado de frizer le castagne in pastela!!! :shock: :shock: :shock: :shock:
che po adesso se le trova surgelade za spelade..


"mi credo che i scrivi sta roba per insempiar la gente" ( La Cittadella)
VetRitter
Citadin
Citadin
Messaggi: 1165
Iscritto il: mar 13 ott 2009, 16:25
Località: Piacenza (provincia)

Re: Frutta fritta

Messaggio da VetRitter »

trapa frita, provo subito..
se lo vien a saver mia moje la me magna..
grazie saluti


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Frutta fritta

Messaggio da Nona Picia »

Bona idea rispolverar sta riceta!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Re: Frutta fritta

Messaggio da LELA »

Grazie, tropo boni tuti quanti.

Sempre con tantisima simpatia, Lela.


Il vero "giusto" è colui che si sente sempre per metà colpevole dei misfatti altrui!
Avatar utente
LELA
citadin
citadin
Messaggi: 817
Iscritto il: mar 3 mar 2009, 18:32
Località: Sondrio (SO)

Re: Frutta fritta

Messaggio da LELA »

Me stavo desmentegando, babaTS prova a far cusì le castagne, po' se saveremo dir (mi le fazo co' la pastela lievitada e le spolver co'l sal fin: poco parò.

Ciau, sempre con tantisima simpatia, Lela.


Il vero "giusto" è colui che si sente sempre per metà colpevole dei misfatti altrui!

Torna a “Ricete”