Zariese soto spirito

[LELA]

Anca 'stà quà xe 'na rizeta conosuda, ma cusì xe come che le preparo mi. Me dirè che oramai xe tardi, ma quà de noi - stranamente - 'stò ano se trova ancora zariese.

Ingredienti:

1 chilo de zariese, meio se durone,
1/2 litro de trapa o de alcool a 90°.

Par aromatizar:

un tochetin de canela,
meza steca de vanilia,
3 ciodi de garofano,
qualche gran de coriandolo,
pochisima nose moscada,
2 biceri de aqua.

Netè prima le zariese con 'na canaza, con le forbici taiè zirca metà gambo e po' metele in t'un vaso de vetro.
A parte, in t'un pignatin fè boir i dò biceri de aqua insieme ai aromi. Pasai zirca 20 minuti studè el fogo, pasè el siropo con un colin e butelo sora de le zariese; fè cusì anca con la trapa o l'alcol e tapè el vaso.
Conservè le zariese in t'un local fresco e scuro e doprele quando che volè.

Ciau, sempre con tantisima simpatia, Lela.

[Nona Picia]

Xe tanti anni che no le fazzo più....