pedoci

[Ciancele]

In tedesco, la dona de casa, la casalinga, vien ciamada Hausfrau. Come neologismo, l’omo de casa xe Hausmann. Xe anca nel Duden. Mi son el Hausmann che domenica/masimo lunedi devi far pedoci gratin. Cozze no lais. El quel xe presemolo, aio, oio, pevere/sal, formaio gratà. El problema xe el gratin: devo preriscaldar el forno? se sì, a quanti gradi? a che distanza dal gratin devo meter i pedoci? per quanto devo gratinar? In Youtube i dizi 7/10 minuti a 200 gradi. Chi me iuta? Un grazie in anticipo ale anime bone. Se no me iuta nisun e a mia molie no ghe piasi, me tocarà far el carachiri e no go gnanca un temperin.

[Nona Picia]

Mi go forno ventilado e de solito meto 180/190° per un massimo de meza ora.Le griglia un poco più alta dela metà de forno, ma no tropo soto la resistenza.....e no meto formaio.....

[mandi_]

Assolutamente no formaio gratà : no sta ben col pesce.Usa pan gratà.

[Ciancele]

Son tanto emosionà che go dimenticà de scriver el pan gratà. Scuseme. Solo i dizi anca un poco de parmigian gratà. Come in tuti i gratin.

[Ciancele]

Pedoci gratin: Ghe la gavemo fata. Un grassie a tute per l’aiuto materiale e morale prestato. No digo che ieri sera xe sta un suceso. Pintosto più cesso che successo, ma, come xe dizi qua, el piato iera ausbaufähig, cioè passibile di miglioramento. Anca migliorando al masimo no riverò mai a quei de Castelregio nel 1968. No li scancelo dala lista. Farò come che dizeva el mio libro de fisica nel 1942: Provando e riprovando. E se no taca dirò che el dotor me li ga proibì perché i ga purina. Un bon lunedì a tuti da Ciancele.