CORSO DI CUCINA

[Ciancele]

Prijatelji in prijateljice, doman dovaria far de novo le alici distese. Go za scrito che l’altra volta no le iera superbe. Ma provando e riprovando ... Legio che xe meio magnarle subito. Ma l’altra volta le go tignude in oio e magnade dopo diversi giorni. In nisuna riceta go leto se o che se pol conservarle in frigo in oio. Se pol?

[babatriestina]

se ben coverte de oio e ben serade, imagino de sì... come quel de scatola.
Ma mi le go magnade fresche con Macondo a Londra...

[Ciancele]

Danilo43, zercando in youtube una riceta de fileto de porco con pevere rosa o verde son rivà al fegato ala veneziana. Spiegà in venezian. E go capì tuto. Son poliglota? Son poliglota! E el iera fato come che mia mama lo fazeva a mio papà. El (el fegato!) doveva eser cusì bon che dopo dela gratitudine el (mio papà!) lavava la cusina. Qua i lo fa taiado a fete, inveze mi go sempre visto taià a striche. Ghe lo farò ala putela. La me disi che devo ‘ver do anime: una che ghe piasi el fegato e una che no ghe piasi. Me piasi el fegato in luganighe ma no frito. La stesa roba se coi cucumeri (cetrioli) = cucumis, cucumber, concombre, Gurken.
Un che ga visto el filmeto in youtube ga scrito che la sua morte xe co’la polenta. Viva la polenta.
Danilo43, se ti, che siedi alla fonte, te dovesi far qualche corezion, te baso. No, te fazo basar.

[macondo]

Pecá che a Londra el fegato de vedel costa 40 euro al kilo. E xe ciodi trovarlo...Un mio amico se lo meti in scarsela e quando el va a la cassa el paga mezo kilo de patate Speremo che no i lo ciapi.

[danilo43]

Nisuna corezion Ciancele. El fegato a la veneziana: figà in idioma autoctono (me racomando l'acento) va taià a striche. W la polenta, zala e brustolada ! ma qua de noi i preferisi quela bianca e tenera, come per dir fiapa. Gavemo sai afinità: anche mi no me piasi i cetrioli freschi in insalata. ma son mato per i Gurken soto asedo.
Gurken e savor xe le uniche robe indove che soporto l'odor (spuza) de l'asedo, in insalata meto limon. E ieri sera dopo zena, colto da fame improvvisa go fato una pasegiata in frigo, go trova aciughe (sconte) e me son fato una spanzada. Coi crostini col buro, ala facia del colesterolo. Go bevù tuta la note. Saluti dal profondo sud (i ne disi i teroni del nord). Viva!

[Ciancele]

Nisuna corezion Ciancele. El fegato a la veneziana: figà in idioma autoctono (me racomando l'acento) va taià a striche. W la polenta, zala e brustolada ! ma qua de noi i preferisi quela bianca e tenera, come per dir fiapa. Gavemo sai afinità: anche mi no me piasi i cetrioli freschi in insalata. ma son mato per i Gurken soto asedo.
Gurken e savor xe le uniche robe indove che soporto l'odor (spuza) de l'asedo, in insalata meto limon. E ieri sera dopo zena, colto da fame improvvisa go fato una pasegiata in frigo, go trova aciughe (sconte) e me son fato una spanzada. Coi crostini col buro, ala facia del colesterolo. Go bevù tuta la note. Saluti dal profondo sud (i ne disi i teroni del nord). Viva!

Grazie pa'la conferma. Mi go sempre visto taiar a striche e continuarò a taiar cusì.
Ipercolesterolemia xe una parolaza come el GAU (par talian: MCA = Maximum Credible Accident = incidente della massima gravità ipotizzabile). Mal fa co' no xe, se diseva ai mii tempi. Mi go l'oso rabioso del parsuto (resti del prosciutto crudo con osso) e, guai un mal de note, sardonzini in savor. Se vien el GAU, el famoso mal de note, son ben tapà (preparato).
Speto la putela e magnemo vanzumi. Sani!

[Ciancele]

Pecá che a Londra el fegato de vedel costa 40 euro al kilo. E xe ciodi trovarlo...Un mio amico se lo meti in scarsela e quando el va a la cassa el paga mezo kilo de patate Speremo che no i lo ciapi.

Anca qua te trovi solo el schinco de vedel. Taià a fete xe l'osobuco. Se te vardi el peto de vedel xe triste. Te trovi anca costolete, ma tisiche (molto piccole e con poca carne). Go za scrito una volta che per cior roba de vedel me toca 'ndar de qualche turco o nordafrican (tunisin o algerin). Xe un e se parlemo mezo francese e mezo spagnolo. Credo ch'el sia marochin. El ga anca bele costolete de manzo, roba de un chilo e mezo. Auguri pa'l tuo amico. Bon uichen.

[babatriestina]

qua ale Coop ( quele che xe a riscio del fallimento) trovo spesso magnifici tochi de vedel per far rosto e meno bei, taiai a tochi, per far sguazeto. Go visto anca ombolo de vedel ma no go capido che senso gabi pagar tanto..

[macondo]

El amico che te disevo me ga fato un gulas col cervo. Che bon. Lo ga comprado e pagado (spero) in LIDL. Congelado, naturalmente. El ga fato un stagnaco de polenta per acompagnar. E dopo se gavemo scolado una fiasca de Pelinkovec carsolin, fato in casa (col frascheto de pelin ne la fiasca).

Ciancele. Me go tratado (treated) con un bel persuto intero spagnol de 7 chili co l'osso. Ormai stago rivando al osso Cossa podessi far de bon con el? Mi pensavo un chilo de fasoi in tecia o forsi una jota. Ti cossa te ga fatto de bon?

[babatriestina]

sì, ss gtrova sugelado, mi trovo de Picard, selvaggina surgelada. cervo, capriol... go afto un per de volte.
Ogi go fato strucolo de puina. Cola pasta tirada de strucolo vanzada de l'altra volta e surgelada. Scongelada tuta la notte, po la go un poco manipolada cole man umide, po messa come che i disi soto una piadina calda ( per initiepidirla, imagino e po go tirado, un poco colr odolo epo molto a man. Ripien d epuina ( buro, puina, un ovo, zuchero a ocio e zibibe..) forno a 170 una ventina de minuti.. gavemo netado! dopo una de sardoni impanadi.. la mia amica ghe speta controli medici, e la ga dito ch e intanto la se godi el pre-Nadal..

[Ciancele]

Forsi dovaria meter soto ogi in tavola. Ma no xe ogi ma doman: Manzo vergine (sic!). No so cosa che xe e cusì go crompà un toco. Doman magno e ve so dir. O forsi salvo par dopo le feste, parchè vedo de trovar manzo non vergine. Par via dela diferenza. Cosa me consiliè? Gavè za magnà?

[babatriestina]

scopro per la prima volta...

[Ciancele]

qua ale Coop ( quele che xe a riscio del fallimento) trovo spesso magnifici tochi de vedel per far rosto e meno bei, taiai a tochi, per far sguazeto. Go visto anca ombolo de vedel ma no go capido che senso gabi pagar tanto..

Baba, Baba, me dispiasi par ti. Tanti (quasi quaranta) ani fa, stagion dei sparisi bianchi, go crompà fileto de vedel e lo go fato impanà. Zontando i sparisi. El fileto el costa ogi sui 40 euro al chilo. E quela volta più o meno altretanto. Ma credime che valeva la pena.

[Ciancele]

El amico che te disevo me ga fato un gulas col cervo. Che bon. Lo ga comprado e pagado (spero) in LIDL. Congelado, naturalmente. El ga fato un stagnaco de polenta per acompagnar. E dopo se gavemo scolado una fiasca de Pelinkovec carsolin, fato in casa (col frascheto de pelin ne la fiasca).

Ciancele. Me go tratado (treated) con un bel persuto intero spagnol de 7 chili co l'osso. Ormai stago rivando al osso Cossa podessi far de bon con el? Mi pensavo un chilo de fasoi in tecia o forsi una jota. Ti cossa te ga fatto de bon?

Macondo, la tua domanda me meravilia. La morte de l'oso xe in minestra de fasoi. Mi lo fazo sempre coi fasoi. Le crodighe le go fato in sugheto, una specia de sguazeto, co'la polenta.
Ma Pelinkovec? Me par che sia una specie de distilato, insoma più de 10 gradi. Se xe quel, el fa concorenza a l'alcol metilico (spirito de brusar). In Francia se beveva 'sai. In Germania el iera proibì. Mio papà ingrumava pelin in primavera e el cusinava tè. No voio coreger, solo spiegar. Se lo ga crompado, lo ga anca pagà. Se no lo ga pagà, no lo ga crompà, ma ciolto. Ai mii tempi se domandava: Cosa che te ga costà 'sta roba? Risposta: Zinque minuti de pipiu (paura).

[babatriestina]

qua ale Coop ( quele che xe a riscio del fallimento) trovo spesso magnifici tochi de vedel per far rosto e meno bei, taiai a tochi, per far sguazeto. Go visto anca ombolo de vedel ma no go capido che senso gabi pagar tanto..

Baba, Baba, me dispiasi par ti. Tanti (quasi quaranta) ani fa, stagion dei sparisi bianchi, go crompà fileto de vedel e lo go fato impanà. Zontando i sparisi. El fileto el costa ogi sui 40 euro al chilo. E quela volta più o meno altretanto. Ma credime che valeva la pena.

no rivo a capir ben.. per far videl impanado se dopra fetine, e sutili, e el ombolo al contrario i lo vendi a fette grosse che no se bati.. no go mai pensado de frizer fete de ombolo!

[macondo]

Macondo, la tua domanda me meravilia. La morte de l'oso xe in minestra de fasoi. Mi lo fazo sempre coi fasoi.

Bela idea Ciancele. Go meso a smoio mezo chilo de fasoi....

[Ciancele]

Macondo, la tua domanda me meravilia. La morte de l'oso xe in minestra de fasoi. Mi lo fazo sempre coi fasoi.

Bela idea Ciancele. Go meso a smoio mezo chilo de fasoi....

Macondo, fidite de mi. Go la sageza de l'età.
Te auguro de 'ver pasà bone feste. Nele prosime feste te ghe farà la festa ... a l'oso.

[Ciancele]

qua ale Coop ( quele che xe a riscio del fallimento) trovo spesso magnifici tochi de vedel per far rosto e meno bei, taiai a tochi, per far sguazeto. Go visto anca ombolo de vedel ma no go capido che senso gabi pagar tanto..

Baba, Baba, me dispiasi par ti. Tanti (quasi quaranta) ani fa, stagion dei sparisi bianchi, go crompà fileto de vedel e lo go fato impanà. Zontando i sparisi. El fileto el costa ogi sui 40 euro al chilo. E quela volta più o meno altretanto. Ma credime che valeva la pena.

No rivo a capir ben.. per far videl impanado se dopra fetine, e sutili, e el ombolo al contrario i lo vendi a fette grosse che no se bati.. no go mai pensado de frizer fete de ombolo!

Xe par quel che te digo che te ga perso. Go batù una feta de fileto de videl e la go fata piata. La go batuda con el c...uel del farsora (fondo). E go impanà le fetine. Bon che no te conto! Provare par credere!
Bon fine de l'anno.

[Ciancele]

scopro per la prima volta...

Cara Baba Triestina, te me ga incuriosì e son 'ndà a curiosar in internet. Go trovado no manzo vergine nel senso de vergine. Solo la talpa nasi vergine. O me sbalio? I parla de carne de un bovino che no ga mai fato sporchezi. Un manzo, no toro, un vedel (soto i 18 ani?) o una vaca ancora signorina. I conta che la carne xe particolarmente tenera. In Giapon dovaria eser qualcosa de speciale. Probabimente de speciale sarà solo i prezi. Te li ga visti?
Bon anno e bon brindisi!

[Ciancele]

Fioi, son triste. Son a luto. No so se ciorme la vita, butarme zenere in testa (ma come, col teleriscaldamento?) o fregarmene. Tertium datur, faro 'sta ultima roba. Tuti domandarà cosa che xe suceso. O forsi nisun, ma ve conto listeso. Ogi volevo far cola putelina i tortellini col ripieno tipico Bolognese. Un schifez. Col resto go fato pasta butada. Sì, la go butada. In scovazon. La pasta se rompeva nel tirarla e el ripien iera tropo suto. Nela riceta iera scrito un ovo. Che mi no gavevo. Mi so far de tuto, ma no ovi. Ma mi son testardo, e anca la mia nipotina ga dito: Nono, tentaremo un’altra volta. In 'sta altra volta metarò un ovo nel ripien e no nel pasta che lasarò sugarse una meza ora. La mortadela la ciogarò in fetine e anca el parsuto. La putelina ga provà el ripien col cuciarin e la ga dito che la roba no iera cusì mal come che digo mi. E magnando la ga dito che forsi la presentazion lasaria un poco (tropo) a desiderar, ma no iera de butar via. Insoma, ad novum.
PS: Grato per qualsiasi consiglio.