UST 1956/57

[palpio]

Go pasa' mesi a verzer vecie scatole da scarpe e finalmente xe vignuda fora sta foto che no rivavo a trovar piu'.
Xe la formazion 1956/57 (se la memoria no me fa scherzi..) che saria giusto 50 anni fa. Fra gli altri xe il grande Rino Ferrario: chi se ricorda?

[macondo]

Bella foto, palpio.

E ben tornado

[Capuzi garbi]

Go pasa' mesi a verzer vecie scatole da scarpe e finalmente xe vignuda fora sta foto che no rivavo a trovar piu'.
Xe la formazion 1956/57 (se la memoria no me fa scherzi..) che saria giusto 50 anni fa. Fra gli altri xe il grande Rino Ferrario: chi se ricorda?

Ga merita` spetar sti mesi per veder sta foto.

Altro che me ricordo Palpio. L'ultima partida dela stagion, quela persa in casa con l'Atalanta, che ne gaveva costa` la retrocesion in B la prima volta, grazie (per modo de dir) al goal de Mion (triestin che zogava per i bergamaschi), jera stada la prima partida dei greghi che gavevo visto.

'Desso che scrivendo questo, senza veder la fotografia, zerco de darghe un nome ai zogadori nela fotografia. Go riconossu` fra i zogadori, Brighenti. Szoke, Renosto, Bandini, Petagna (cap), Belloni, Cazzaniga e ultimo a destra, inginocia` Rinone "mobilia" Ferrario. Altri xe visi che me xe familiari, ma al momento no rivo a ricordarme i nomi. Manca el futuro internazional e grande ala sinistra Gianfranco Petris.

[Capuzi garbi]

Go speso qualche minuto, e credo de aver riconossu` tuta la rosa dela squadra (meno uno).

De sinistra (in piedi): Brighenti, Szoke, Olivieri, Renosto, Bandini, Tulissi e Belloni.

In ginocio, sempre de sinistra: Petagna, ?? buh?, Cazzaniga e Ferrario.

Vedo che te ga i autografi de Olivieri e Bandini: Te li gavevi ciapadi ti?

[Capuzi garbi]

Scrivo a rate: Oservando piu` atentamente la fotografia, go visto che te ga anche i autografi de Brighenti, Cazzaniga, Ferrario e el zogador che no riconosso: chi el xe? Me par che'l ghe asomigli a Ernesto Attili, ma creevo che sto zogador no rivassi ala Triestina fin a l'ano dopo (in B).

[palpio]

Grazie per il "ben tornado", Macondo. Si, Capuzi, i nomi che te disi ti xe tutti giusti. L'anonimo dovesi eser Fontana, almeno cussi' me par.
Gli autografi li go avudi perche' un amico conosseva un de lori e rivava a entrar negli spogliatoi.

[palpio]

Corezion: el zogador fra Bandini e Belloni xe Claut.