Triestina in Eccellenza

[Nini Naridola]

Beato ti, Macondo! Pecà che in Italia i mostra poco rugby. Mi no go mai visto partide de rugby league, nianche a la television. Però so che anni fa iera sta una proposta de far un torneo nazional de rugby a 13 e po no se ga fato niente. Molti nazionai xe andai a giogar in Francia ed in GB e forsi qualchedun in league. Penso anche mi che el giogo xe più velocizà -anche se manca il ruolo fondamentale dei flankers laterali - perchè, quando l'omo xe placà no se continua con ruck, maule, ecc.
Fra poco - sabato 2 febbraio - comincia el torneo delle 6 nazioni. L'Italia giogherà domenica 3 con la Francia e domenica 10 marzo sarà sul campo de Twickenham. Te va a veder? Dei Harlequins, adesso che scrivo, me vien in mente qualche giogador del passato: Cabannes nazional de Francia, Greenwood e forsi l'irlandese Wood? Qualchedun devi aver giogà anche coi Barbarians perchè me ricordo el color dei calzettoni dei Harlequins.
Vedo che con Vet Ritt semo in tre ad esser apassionai de rugby: forsi xe mejo aprir una sezion (se disi cussì?) nova che parli de balon ovale.
Nini

[macondo]

Se te vol, podemo 'moverse' nela sezion Altri Sport (mi posso farlo ).
Le Sei Nazioni me le vederó in television che le trasmeti in direta. I bilieti i xe abastanza cari e Twickenham xe tropo grande per aprezar el zogo (te devi portarte drio un binocolo o iutarte con i schermi giganti). The Stoop xe piu a misura umana con 15.000 spetatori al masimo. Te confeso che son abastanza novo con el rugby e ancora no capisso tute le regole, ma stago imparando. El capitan dei Harlequins xe anca capitan dela squadra de Inghiltera (altri 2 zogadori xe nazionali).
El ambiente del rugby xe fantastico. Nesuna animositá tra i tifosi aversari. 3 bei pubs dentro del stadio, un chiosco che vendi struze con carne de porco (assai bon) e dopo la partida un par de ore con musica del vivo e fiumi de bira...Mi quando vedo spendo almeno 6 ore assai alegre

Per finir, Harlequins xe primo in clasifica e nei quarti de final nela Copa Heineken, dove partecipa qualche squadra italiana ma senza tropo suceso finora (Treviso, Zebre ecc.)

[Nini Naridola]

Va ben se te se sposti su "altri sport".
Te son novo del rugby: vol dir che no te gà mai zogà o te son ancora tropo giovine! Son d'acordo che sto sport xe unico per l'amalgama che fa squadra e la lealtà verso i aversari. De tuti i proverbi, detti celebri che gira, quel che per conto mio xe el più significativo xe che se disi: noi del Trieste domenica gioghemo COL Feltre; nel calcio se dirìa: la Triestina CONTRO el Feltre. Infati el 3° tempo...
Anche mi, adesso che no vedo più tanto ben, preferiso guardar le partide a la television. Speremo che sto anno le 6 nazioni i le dia in chiaro e no su Sky, altrimenti me tocherà come l'altro anno guardarle sul computer in un sito messican che no me ricordo più el nome ... qualcossa con rojo.
Co son andà in pension nel 2007 i mii colleghi me ga regalà el biglietto per Italia - Nuova Zelanda per i campionati del mondo a Marsiglia, ma devo dir che al Velodrome con 90.000 spettatori go visto abastanza ben ...a parte quei falli che sucedi nelle mischie che certe volte, gnanche de vizin se capissi.
A proposito de spetatori ... la prossima domenica a Prosecco vien a giogar l'Udine e el nostro presidente ga dito (e el fa propaganda su Facebock) che ghe ofri la bira a tutto el pubblico!

[VetRitter]

a Prosecco vien a giogar l'Udine

come xè andada?

ghe ofri la bira a tutto el pubblico!

anche questa...

[babatriestina]

Torviscosa- Triestina 0-4

[Ciancele]

Grazie BabaTriestina per l'information. Stago slucando ala salute del risultato.

[Nini Naridola]

Per i apassionai del balon oval dago el risulta de Venjulia - Leonorso Udine : 18-33. I "cugini furlani" ga merità, tuto somà (anche l'arbitro ed un pessimo nostro primo tempo) la vittoria.
Scusè el ritardo - ieri son stà a veder la partida - ma go ancora el computer in dok. (Stago usando quel de ma moglie)

[VetRitter]

Scusè el ritardo

de niente.
grazie

[Nini Naridola]

L'atesissimo derby in zima ala classifica xe stado rinviado per le disastrose condizioni del tempo. Piova, vento e el campo comunal dela Fincantieri Monfalcon ridoto a plotch. La partida ga durà solo diese minuti e po el arbitro ga sospeso. Partida da recuperar infrasetimanalmente entro dieci giorni. Comunque ben duemila spetatori iera presenti ... mi no: i me ga contà.
E za che son (mancavo de un poco de tempo per impraticabilità del campo-computer) no posso no ricordar che xe comincià el torneo de le 6 nazioni de rugby. Doman l'Italia con la Francia al Flaminio; su La 7 alle 18.00.
Intanto a Cardiff l'Irlanda ga rulà el Galles per 30 a 22.

[Nini Naridola]

... e zonto anche el risultato de Inghilterra - Scozia: 38 a 18. El magior divario de punti fra le due squadre nei ultimi 22 anni.
Twickenham in festa! D'altronde i bianchi colla rosa rossa parti favoriti del torneo. Mi, personalmente, me piasi la Scozia per el suo giogo al piede, ma sopratuto el loro Inno che dopo la Marsigliese el me fa più grizoli co i lo canta acompagnai dale cornamuse!

[Nini Naridola]

Sul campo del Tolmezzo la Triestina ha perso per 1 a 0. Tafferugli sugli spalti carnici accesi dai tifosi rossoalabardati.

[Nini Naridola]

Devo fare una rettifica.
La Triestina ha pareggiato a Valmaura con il Pro Tolmezzo 0 a 0.
Il Monfalcone invece ha perso con il San Daniele per 1 a 0.
I tafferugli erano accaduti nella partita del girone dell'andata.

[babatriestina]

grazie per la conferma, pensavo ad una sconfitta all'ultimo minuto

[Nini Naridola]

L'amico informatore, al telefonino, ha fatto un po' di confusione (oppure io ho capito male) sul risultato del Monfalcone e la partita dell'andata di Tolmezzo-Triestina

[Ciancele]

È indubbio che la Triestina ha perso una occasione d'oro per avvicinarsi al Monfalcone. Con una vittoria mercoledì, la Triestina avrebbe potuto addirittura guidare la classifica. O sbaglio? Non mi resta che recitare il mio solito amen: Basta salute!

[Nini Naridola]

Se la vinzeva ieri e vinzendo mercole la saria rivada a pari punti.

[Nini Naridola]

La Triestina, al Rocco, ga batù la capolista Fincantieri Monfalcone per 2 a 0. Goi segnai nei ultimi 10 minuti. A -2 dai bisiachi in classifica.

[Ciancele]

Grazie Nini Naridola. Per plagiar un slogan tedesco dirò: Questa notizia vale bene un grappino. Grappino = rodoleto. Ma me par che la Triestina devi risposar? Monfalcon e Azzanese ga za riposà? Cosa cambiaria? Do ponti de diferenza no xe gnente. Un vinzi e l'altro perdi o paregia e za cambia tuto.

[Nini Naridola]

Vedemo la situazion del giron de ecelenza: dovessi esser la IV o V del giron de ritorno e tute e tre le squadre in testa ga el stesso numero de partide giogade: quindi le doverà far un turno de riposo; al'Union ghe toca proprio l'ultima de campionato ... per cui...i doverà darghe tuto fin quasi ala fine.
Monfalcone punti 47, 21 giocate, 14 vinte, 5 pareggi, 2 perse, 39 gol fati e 19 subiti
Triestina 45 21 13 6 2 36 10
Azzano ICS 43 21 13 4 4 33 16

Una risposta OT: ormai el rodoleto de limpida no se lo senti più e gnanche el rodoleto de crudo (xe de moda el spritz co l'Aperol e el tramezin).
Per i linguisti "marineri": il grappino in italian xe el mezomariner o anche quel'ancoroto per gomoni che ghe somiglia a una pus'cia e se sera come un'ombrela)

Te saludo Ciancele e ... speto el Galles per quel altro balon più ovale ma più bel!

[Ciancele]

Ciao Nini Naridola. Anca OT: Mi son un vecio triestin che diventa sempre più vecio e manca sesanta ani (11 agosto) de Trieste. Mi parlo el triestin vecio, quel de sesanta ani fa, no quel moderno. Co' vegno a Trieste, xe de ani solo per tre o quatro giorni, no' rivo a imparar qualcosa. Par questo no coregio nisun, ma el mio triestin xe diverso, xe più triestin del triestin de adeso. Saluti.