Copa del mondo 2006

Per cuei che ghe piasi l'Union, el Ponziana e tuti i altri ...
Regole del forum
Collegamenti al regolamento del forum in varie lingue ed alle norme sulla privacy in italiano.
Capuzi garbi

Messaggio da Capuzi garbi »

babatriestina ha scritto:.......
comunque, oggi per el forum.. xe derby :-D :-D :-D !
No gavessi mai credu`de veder, durante la mia vita, l'Australia zogar contro l'Italia in una partida cussi` inportante. E visto el tenor de qualita` dele partide zogade fin a adeso, no saria sicuro al 100% che l'Italia vinzi.

Quel che mi go paura, xe che i zogadori italiani sia tanto pieni de boria, tanto pieni de "ti no te sa chi che son" che i ciapi l'Australia de soto man e dopo...credo che tuti se ricordi dela partida zogada contro la Corea de Nord: I ciamava i zogadori coreani "ridolini". Ma sti ridolini gaveva fini` per eliminarne.

Comunque domani matina, fra poco de zinque ore, no faro` un tifo particolar per nissuna dele due squadre: Spero de veder una bela partida, onesta e netta, e durante el zogo, vedendo come che la va, finiro` per tifar per una.

Teoricamente l'Italia dovessi vinzer, e anche senza tropi patemi, ma no se sa mai: Ripeto. La bala xe tonda, e no se sa` de che parte che la pol saltar. Forsi bisognassi dir forza Istralia


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Alora disemo Vinca il migliore! :-D


Capuzi garbi

Messaggio da Capuzi garbi »

Italia-Australia 0-0

Fine del primo tempo in parita`. Senza dubio l'Italia supeior soto ogni aspeto del zogo, meno che quel agonistico. L'Australia fa quel che i sa far mejo, e questo xe el corer, corer, corer.

La squadra europea ga crea` una meza dozina de occasioni, ma per sfortuna, poca precision nel tiro o bravura del portier australian, el risultato no ga cambia`.

Comunque una bela partida, aperta e zogada in bona armonia sportiva. Solo due cartoline giale.

Due zogadori a mio parer importanti: Per l'Italia Luca Toni, ariete dela Fiorentina (ex Palermo) che tien sempre la difesa autraliana sul chi vive (e che'l segnera nel secondo tempo). Per l'Australia Mark Viduka, zogador dal fisico posente come un caro armato senza proietili, e altretanto agile e elegante: Per conto mio, anche se'l xe el capitano dela nazional verde-oro, i dovessi rimpiazarlo e meter qualchidun in campo che se movi de piu`.

Per ultimo...tifo per l'Italia, continuando la mia abitudine de no tinir per la squadra de dove che stago de casa: Infati co jero a Trieste no fazevo mai el tifo per i Azuri.....Mah, stago portando el mio antinazionalismo ai estremi.... :lol: :lol: :lol:

El secondo tempo sta per cominciar...


Capuzi garbi

Messaggio da Capuzi garbi »

Italia-Australia 1-0 (Totti su rigor al 93')

Son senza parole.

Ga merita` l'Italia de vinzer? Jera rigor? Gavessi l'Australia merita` qualcossa de piu? Chi gavessi vinto se la partida fossi rivada ai suplementari. Quanto ga pesa` sul'Australia l'asenza de Harry Kewell? Ga fato ben Lippi a tirar fora Toni?

Fra 50 ani nisun se ricordera` de sti episodi: Al momento, probabilmente in Italia, certamente in Australia sta partida sara` discussa per giorni e giorni.

Per conto mio l'Italia ga merita` de vinzer, se no altro per aver crea` tute ste oportunita` durante i 90 minuti de zogo. Ma xe anche vero che no i ga mostra` un bel zogo fluido: D'altrocanto a stessa roba se pol dir dele altre squadre che fin'ora se ga qualifica` per i quarti de final.

Alora, brava Australia che ga mostra` al mondo che finalmente anche nel balon i val qualcossa, e avanti Italia che zoghera` la prosima partida contro la vinzente fra la Svizera e l'Ucraina


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Te parlo sempre da persona che non segui el calcio, go visto solo al TG un servizio in merito.

Non entro nel merito quindi dei valori in campo, ragiono sul contorno. Ieri dopo el rigor migliaia de persone se ga riversado in strada a festegiar, clacson zighi e urli. Vinzer su rigor non me par tuta sta festa :roll: anche perché sulla carta l'Italia xe considerada più forte che non i australiani.

Go inoltre rischiado che me disfi l'auto un mona de benzinaio, solo perché son andado a far benzina in pien orario de partida: el iera talmente incavolado che el ga tacà a smacar e per fortuna el suo titolare lo ga ripreso e ghe ga dito "resta a casa un'altra volta, date malà piuttosto".
La mia colpa iera quela de non esser coi 40 milioni de italiani che paralizza una nazion per un'ora intiera :? .


refolo

coppa mondial 2006

Messaggio da refolo »

Go prega' che vinzi l'Italia?
I Australiani non sa'perder, ultimamente sto ""SOCCER"" aka Football
xe sulla bocca de tutti, prima iera TABOO! co son rivada mi' in Australia.

son sempre stada criticada. I Australiani se stadi sempre contro de sti gioghi che lori non saveva una pipa. Mi guardavo i muletti che giogava,
i Bullies li pestava.

Mi co me go' fatto cittadina, sull'aplicazion non iera scritto che dovevo votar per l'Australia... nel frattempo con la

nascita de mia fia, e brainwashed da una maestra che le tegniva per un team de Australian Football Game la ga' scelto una sua squadra, e eventualmente mi go' scelto la mia, dai colori che me comodava.

Quei che gioga el so nominated Soccer..... I xe campioni, sia per el Manchester United-Liverpool-Arsenal- ecc. e qualche squadra Italiana.
le partide dovessi esser sistemade, senza interferir sulla nazionalita'.

Mi' go' tegnu' la storia de Nereo Rocco- la Triestina de una volta- el Ac Milan, perche' ghe iera i Maldini (triestini) ecc.
Nessun me dira' cossa far o votar, me ricordo, anche mi' iera giovane.

Ma quel chei disi adesso xe basado sul sistema Italian de DIVE!.....che vol
dir buttarse zo' e pretender.
L'Australian non ga'sto sistema de insegnamento, solo sul AFL....
forsi che fra' un per de anni i diventera' bravi.

Ma come dito sora, tutti i nostri giogadori gioga per le differenti squadre Europee. Solo che un per de Croati! che per non far la Leva Militar....furbi, i pretendi d'esser Australiani.

Maria aka Refolo


Capuzi garbi

Messaggio da Capuzi garbi »

AdlerTS ha scritto: ....Go inoltre rischiado che me disfi l'auto un mona de benzinaio, solo perché son andado a far benzina in pien orario de partida: el iera talmente incavolado che el ga tacà a smacar e per fortuna el suo titolare lo ga ripreso e ghe ga dito "resta a casa un'altra volta, date malà piuttosto".
La mia colpa iera quela de non esser coi 40 milioni de italiani che paralizza una nazion per un'ora intiera :? .
In quanto a questo, credo che tuto el mondo xe paese. Qua in Victoria gavemo un per de eventi sportivi che leteralmente ferma tuto el stato, se no adiritura la nazion completa.

Verso la fine de setembre xe la final del campionato de balon stile australian, e aparte i centomila apasionai (o che xe rivai a ciaparse i biglieti) che va in stadio, xe milioni che varda la partida per television.

Po' in novembre gavemo la corsa de cavai, la Melbourne Cup, che atira partcipanti de tuto el mondo: Per sto evento de un tre, quatro minuti, nel stato de Victoria xe oserva` un giorno de vacanza publica.

Ma tornando un momento col "nostro" balon: L'Australia no xe una potenza mondial in sto sport, e no credo che mai la sara`.

Ma lo steso, durante le partide del'Australia, nele piaze magiori de Sydney e Melboune i gaveva istala` sti grandi schermi. e migliaja de apasionai vardava: Va ben, un dira`: I fazeva ste robe anche in tuto el resto del mondo: Ma noi semo in pien inverno, e le partide comincia ala 1:00, ale 3:00 o ale 5:00 de matina, dipendendo se le jera la prima, la seconda o la terza a eser zogada........Brrrrrrr.......mi son stado a casa a vardarle. Ve ben: Mancava l'atmosfera, ma in cambio jera 'ssai piu` comodo.


refolo

balon mondial

Messaggio da refolo »

Te scherzi??????????
come l'Australia non xe all'altezza dei campionati, se gavemo 4 che gioga per i l'Inghilterra con una cifra astronomica che va' dai 49-62 milioni de dollari?ma noi resta qua' perche' i soldi xe piu' luminosi del sol.

Questa' xe la question che nessun se fa' un idea chei noi pol restar in Australia, qua; non xe soldi, con solo 21.000.000 milioni de persone, con una caretterista del nostro Football Australian, che te pol portar la balla dove che te vol, invece de tirarla col piede.+ E i giogadori i ga' una miserabile paga che varia dai 200-350 milla dollari.

Per tre settimane, non go' fatto altro che legger, chel Soccer, xe un BORING -SPORT, l'Italia xe famosa per i DIVING? (nianche che quel Australian xe meio? HIP AND SHOULDERS!) Qua' noi ga' la piu' pallida idea. Solo i ne ciol in giro per via che semo

Novi Australiani. A parte el razzismo, mi pensavo che Musica e Sport xe senza Confin. A ognuino la propria selezion, mi me piasi tutti i sport ecetto el Cricket!.
Adesso che giogheremo contro (l'Italia-Ukrania) col famoso ex AC.MILAN
Shevchenko.... dovemo guardarse drio le spalle.
El xe el fantotum del game.

Maria aka Refolo


Capuzi garbi

Messaggio da Capuzi garbi »

Italia-Ucraina 3-0 (1-0)

Bela vitoria italiana sull'Ucraina, certamente facilitada dal goal a fredo del mezocampista Zambrotta. Nel secondo tempo Luca Toni arotondava con una dopietta. Prova positiva per la Nazional de Lippi dopo le ciacole dei ultimi risultati.

Con la squadra che pareria che finalmente sia in ascendenza, el prosimo incontro ne 'speta i paroni de casa dela Germania che ga supera` l'Argentina ai rigori dopo aver finida la partida ai tempi suplementari sul 1-1. In questa partida l'Italia no ga ciapa` nianche un cartelin gialo e le punizioni decretade contri i Azuri xe stade solo 15.


Capuzi garbi

Messaggio da Capuzi garbi »

Semifinali decise: Germania-Italia e Portogallo-Francia. Le tanto favoride sud americane no xe rivade a pasar el turno.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

insoma, tuto europeo


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Messaggio da Nona Picia »

Più o meno centro Europa contro el sud.
Ciao ciao


Capuzi garbi

Germania-Italia 0-2

Messaggio da Capuzi garbi »

Otima partida dela nazional, che nei ultimi due minuti dei tempi suplementari, dopo che'l tempo regolar jera fini` 0-0, segna due volte e se assicura la finale dela copa mondial contro un'aversario ancora de decider fra Francia e Portogallo.

Primo tempo de prevalente marca italiana. La seconda frazion, comincia ala stesa maniera, ma con la Germania che comincia a masinar de piu`verso la fine del secondo tempo.

Nei primi minuti de zogo dei tempi suplementari, l'Italia ciapa due volte i legni dela porta difesa del otimo Lehmann, ma pareva che la partida dovessi finir a rede inviolade, e za el spetro dei calci de rigor se prospetava, dove che la Germania gavessi sena dubio avu` el favor dei risultadi precedenti, quando che prima Grosso e del Piero dopo segnava i due gol che segnava l'apoteosi dei zogadori Azuri!


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

credo che ieri sera tuta l'Italia se gavessi fermado per la partida, anche mi che de solito no ghe bado ssai, devo dir che le do squadre me ga parso molto forti tute do, e tuti do ga zogado ben, cussì me imaginavo anche mi de finir ai rigori, che saria stado una specie de pari moral, ma come che i ga arivado a far el gol e a radopiar subito, ..un poco de c** e tanto tanto impegno, i azzurri se ga meritado la final! Bravi muli! :-D


giuli
Vilegiante
Vilegiante
Messaggi: 198
Iscritto il: ven 13 gen 2006, 13:48
Località: Trieste

Messaggio da giuli »

Berlino stiamo arrivandooooooo!!! :color7:


http://triestenelcuore.splinder.com
Avatar utente
CERTENOTTITRIESTINE
Naufrago
Naufrago
Messaggi: 25
Iscritto il: sab 24 giu 2006, 15:06
Località: Trieste

ITA-GER -- foto festa on line!

Messaggio da CERTENOTTITRIESTINE »

Ed ecco qui sotto il link come nostro contributo a questa community per condividere insieme le emozioni che i triestini hanno provato, attraverso alcuni nostri scatti fotografici, scusandoci con voi tutti per la qualità non eccezionale di alcune di esse...
E' stata una notte distruttiva pure per noi, credetemi.... :lol:

http://www.certenottitriestine.it/mambo ... _album.php


Avatar utente
AdlerTS
cavalier del forum
cavalier del forum
Messaggi: 9561
Iscritto il: mar 27 dic 2005, 21:35
Località: mail: adlerts[at]email.it

Messaggio da AdlerTS »

Comincio ad aver l'impression che sta muleria festegia tanto per festegiar, che qualsiasi scusa xe bona per far cagnara. :?

L'azienda dei autobus penso ringrazi per la vettura danneggiada gratuitamente dai tifosi come anche le persone che incastrade nel traffico se ga visto gente caminar sul cofano (fonte TG regionale).

(e per par condicio anche el mio amico paron de gelateria in Germania che se ga visto rivar un maton sulla vetrina esterna del local).

FOLLIA !!!!! :evil:


Avatar utente
CERTENOTTITRIESTINE
Naufrago
Naufrago
Messaggi: 25
Iscritto il: sab 24 giu 2006, 15:06
Località: Trieste

Messaggio da CERTENOTTITRIESTINE »

si sa che qualche testa calda c è sempre anche nelle migliori città...

Tra l altro persino uno ubriaco si è arrampicato sul municipio e ci son voluti i vigili del fuoco per farlo scendere.... nelle ultime foto trovate testimonianza di quanto detto :-)


Avatar utente
Tirabaralla
citadin
citadin
Messaggi: 950
Iscritto il: lun 2 gen 2006, 16:49
Località: Firenze

Messaggio da Tirabaralla »

Panem et Circenses.
Da millenni, funziona sempre.


[color=crimson][b][i]...it's not easy to be me...[/b][/i][/color]

[url]http://tirabaralla.splinder.com[/url]
[url]http://polaris7.splinder.com[/url]
[url]http://www.fotolog.com/tirabaralla_0/[/url]
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Messaggio da babatriestina »

Fata la xe!!!
:color7: :color7: :color7: :color7: :color7: :color7: :color7: :color7:
magari ai rigori


Torna a “Balon”