vece savonette

[babatriestina]

Za che de solito semo sempre abastanza seri, per una volta provo a veder se se ottien più risposte con un sondaggio OT leggero e un poco demenziale: cossa fe cole vece savonette una volta che le xe tropo pice per doprarle ( magari se pol discuter quanto consumade le devi esser per esser considerade inutilizzabili), xe un sondaggio un poco.. istrian

[macondo]

Uso sempre savon liquido sia per le man che per la docia.

[babatriestina]

ben, mi che go ascendenze istriane e furlane , co me vanza i fondi de savonetta li squaio in aqua e fazzo savon liquido.

Co iero picia una prozia li doprava per far bolle de savon per farme zogar, ma xe un lavor longo, bisogna ssai lassar smoiar..

qualchedun ga mai fato bolle de savon a partir del savon vero e no dei tubetti de plastica che se compra adesso?

[sum culex]

Mi dopro le savonete. Riciclaggio: co le xè diventade assai pice, ciogo fora una savoneta nova la bagno e bagno anche el resto dela savoneta vecia; le taco insieme (le se taca con quel poco de savon bagnà su tute due) e le dopro cussì riunide insieme: la savoneta vecia se consuma del tuto e no va specado gnente. Son un poco come Monk, se gavè visto quei telefilm.
ciao
sum culex

[rofizal]

Mi dopro le savonete. Riciclaggio: co le xè diventade assai pice, ciogo fora una savoneta nova la bagno e bagno anche el resto dela savoneta vecia; le taco insieme (le se taca con quel poco de savon bagnà su tute due) e le dopro cussì riunide insieme: la savoneta vecia se consuma del tuto e no va specado gnente.

Mi go risposto che le buto in scovazon, ma in realtà me par che femo cusì. come descrito sora.
Però usemo poco savon, solo per el viso, tuto el resto xe savon liquido.

[AdlerTS]

Dipendi dalla giornada, o in scovaze o tacada insieme alla nova

[granzo]

Per lo piu` uxo savon liquido, ma me piaxi anche le savonete e cusi` ghe ne go tante che dopro contemporaneamente (diverse profumazioni...) percio` prima che 'rivo al punto de riciclarle pasa ani... Uxo anche mi el sistema de tacarle insieme perche` me par el piu` rapido. Una volta pero` gavevo salva' tanti vanzumi, gavevo lasa' un poco in smoio, dopo gavevo formado una baleta e la gavevo lasada sugar ...multicolor e multiprofumo .
Per quanto riguarda le bole de savon go prova' tante volte ma co' la savoneta no xe mai vignu' niente de bon...piutosto co'l detersivo per i piati .

[dcobau]

qualchedun ga mai fato bolle de savon a partir del savon vero e no dei tubetti de plastica che se compra adesso?

siiii, e el tubeto per far le bolle se fazeva con la carta de giornal. robe sai care e sofisticate.......

saluti

Dave

[Nona Picia]

Mi go votà savon liquido, ma go anche le savonette . Preferisso per lavarme el liquido anche per la doccia, però ogni tanto no me dispiasi una bona savonetta.
Anche mi e mio fradel tentavimo de far le bolle come disi Dave, ma no ne xe quasi mai riuscì.
Ciao ciao

[babatriestina]

Un altro uso alternativo, che però go fato solo una o due volte, xe de meterle in acqa a boir con una strazza del tipo panno magico vecia, che cussì le se rinnova, almeno cussì i disi lori.

[babatriestina]

caveme una curiosità. sto sondaggio xe stado visto 79 volte, gavemo oltre 50 iscritti, e ghe xe solo che 8 voti!
solo lettori occasionali? o xe tanti forumisti timidi? ( o no ghe ne frega gnente dele savonette ?)

[pastafasoi]

mi per la verità uso savon liquido ,sia per le man che per la doccia, perchè trovo che le savonete secca 'ssai la pelle, però me go porta a casa da la Grecia, savon all'olio d'oliva, e trovo ch'el lassa la pelle morbida. Comunque ottimo consiglio de babatriestina de farle squaiar e far savon liquido.

[sum culex]

Mi go votà savon liquido, ma go anche le savonette . Preferisso per lavarme el liquido anche per la doccia, però ogni tanto no me dispiasi una bona savonetta.
Anche mi e mio fradel tentavimo de far le bolle come disi Dave, ma no ne xe quasi mai riuscì.
Ciao ciao

"preferisso per lavarme el liquido"
cossa: te gavevi mal de panza?

Mi co iero picio se fazeva le bole de savon solo col savon solido, me ricordo anche la marca: ADRIA'. El iera in una scatoleta rossa e blu col disegno de una vela. (no esisteva savon liquido nè per le man, nè per i piati o altro).
Per far la soluzion ghe vol bastanza pasienza e tempo. Bisogna doprar bastanza savon: prima se lo grata o se lo fa a scaie perchè che el se squai prima e el liquido devi esse suficientemente concentrà, un poco fiseto (vedi el detersivo liquido pei piati de ogi) e le bole vien bastanza ben. Meio xè doprar el savon per la lissia (per esempèio 'marsiglia') e no quel per le man e el viso.
ciao
sum culex

[babatriestina]

"preferisso per lavarme el liquido"
cossa: te gavevi mal de panza?

Mi co iero picio se fazeva le bole de savon solo col savon solido, me ricordo anche la marca: ADRIA'. El iera in una scatoleta rossa e blu col disegno de una vela.

per la prima osservazion, me convinzo che gaveva ragion i mii professori co i me diseva che va messe le virgole:
basta scriver
preferisso, per lavarme, el liquido
e tuto deventa normale.


Per el savon Adria, go apena fato una foto de una ultima savonetta che go a casa, apena che la porto sul computer te la posto: sti savoni vegniva prodotti a Trieste, dela ditta Pollitzer, e Alfredo Pollitzer iera amico de mio papà e doveva gaverghe regalado un scatolon de savoni. Se trova informazioni sul libro de Zubini su Scorcola, Cologna, perchè i gaveva la villa e, imagino, la fabbrica in Scorcola

[babatriestina]

Eco a voi el Savon Adria ( che podessi andar anche nela sezion industrie )

[babatriestina]

Per el savon Adria,
[...]
: sti savoni vegniva prodotti a Trieste, dela ditta Pollitzer, e Alfredo Pollitzer iera amico de mio papà e

coreggio: el amico de papà iera Andrea Pollitzer, Alfredo iera suo pare fondator dela dita e anche suo fio , fisico, morto giovine in un bruto incidente in un laboratorio de ricerca. Dovessi esser ancora viva la fia Adriana Pollitzer

[Bilbo]

go porta a casa da la Grecia, savon all'olio d'oliva, e trovo ch'el lassa la pelle morbida.

savonete all'olio de oliva le go viste ieri de "Toso".

andè a far un giro, i fa una miriade de savonete e savoni de vari tipi....

mi continuo a dirlo sempre, no voleria mai far un inventario la dentro.....

[Larry]

Sum Culex e Babatriestina -- Amen.
E ti mi ga fatto ricordar che xe passa 6 giorni dall'ultima doccia cussi vaddo farmene una adesso.
Larry

[babatriestina]

Sum Culex e Babatriestina -- Amen.
E ti mi ga fatto ricordar che xe passa 6 giorni dall'ultima doccia cussi vaddo farmene una adesso.
Larry

ben, a ti le savonette prima che le deventi vece ghe vol!

e qua, per far la doccia, basta andar fora de la porta

[Tirabaralla]

Tanto per deliziarvi con qualche stupidaggine appena tornata...

Le saponette le riciclo.
Le metto da parte in un portasapone o in un barattolo quando diventano inutilizzabili, quando ce n'è abbastanza le metto a bagnomaria in un pentolino con l'olio o col latte (+ miele, yogurt o qualche avanzo del genere)...se mi pare che l'odore che viene fuori mescolando non mi piaccia, ci metto qualche goccia di olio essenziale (menta, geranio, lavanda e legno di rosa i + gettonati - la lavanda è abbastanza economica-)...giro parecchio...un po' di grumi rimangono sempre, ma non importa...è tipo caleidoscopio... ^_^...poi lascio freddare un po' e gli dò una forma o a pallina o col mattarello la spiano un po' (sugli utensili mettetici un po' d'olio, che non s'appicichino)... quando è fredda è pronta.

Il sapone liquido lo sconsiglio. E' stra-pieno di tensioattivi! Va bene il bagnoschiuma, è comodo e d'effetto...ma almeno per le parti delicate, meglio la saponetta.