Problemi in internet ADSL e telefonia

[Nona Picia]

Qualchedun me sa dir se le schede telefoniche, indipendentemente dal credito, ga una scadenza? Ogi , senza nissun preaviso, la Wind ghe ga disativà la scheda a sum culex, perchè el iera de qualche giorno oltre la presunta scadenza. E no ga nianche servì comprar una scheda nova, perchè no ghe aceta nisun numero trane quel dela Wind (159).
hi me pol iutar?

[Lugara]

Te me lassi interdeta.... Iero convinta che la scadenza dele schede telefoniche fossi stada abolida insieme ai costi de ricarica...
Boh

[AdlerTS]

Bona fortuna ... co go avudo problemi con lori xe stado impossibile parlar con qualchidun per aver una man

[sum culex]

Go ciamà el 159. Prima i me ga dito che i sta fazendo agiornamenti e che no i pol controlar: la ciami dolo le cinque, intanto la cioghi una ricarica. La go ciolta (25 €), go fato el 4242 come indicado e la risposta xè stada: questo servizio non è abilitato per il numero da lei indicato(el numero del mio telefonin). Go riciamà ale sei. La signorina che me ga risposto, per altro gentilissima, la ga controlado e la ga dito che visto che no go fato nissuna ricarica nei ultimi 11 (o 12?) mesi sta matina ale cinque me xè stada anulada la scheda. Devo andar in un centro Wind a cior un'altra sccheda (10 euro) cambiando numero de telefono perchè el numero che gavevo no esisti più. Posso ricuperar el saldo residuo nela vecia scheda e trasferirlo sula scheda nova: costo altri 5 euro.
No fazo nissun comento per no esser volgare.
Sicome che ghe go dito che no i me ga mandà nissun messagio de scadenza , me xè sta dito che i me ga mandà el messagio adiritura due volte, ma insieme a certe oferte. Come el iera fato? Per esempio: una nuova offerta Wind 'noi due' ecc. A mi l'oferta no me interessava e no go leto el seguito che secondo lori indicava la scadenza! Ache questo xè col truco!!!!
Questa xè la storia, brava Wind!! Me vien voia de campiar gestor, ma dela ricarica che go comprà cossa fazo? Me la meto su ........
ciao
sum culex

[Larry]

Ben ti stai, tutti, con quei telefonini. Ti tocchi sempre ricaricar le batterie, ti tocca sempre pagare un 'smart card', ti tocchi sempre pagare una cifra enorme per parlare con qualchedun. Io, invece, no go un telefonino. Mi go vissu piu di ottant anni usando sempre il telefono normale, pagando la fattura ogni mese, o magari usando una cartatelefonica, o un gettone, e mi ga servi sempre ottimamente. Io non mi disturbo l'altra gente per strada o nel bus o treno. Sono libero, non devo star attento per un pezzo di musica, o un tremolo nella scarzela, posso vivere come voglio io. Se qualcuno vol telefonarmi le hanno il mio numero di telefono di casa. E se non c'e` nessun che mi chiami, va benissimo. La mia pase non vien disturba!!!!!
Buttali via quei maledetti telefonini. Risparmieresti tanti schei, saresti tutti meno stressati, ma il mondo continuera girare lo stesso.
Larry - bona notte tutti.

[AdlerTS]

Questa xè la storia, brava Wind!! Me vien voia de campiar gestor

...che infatti xe quel che go fato mi. El paron xe egizian, figurite se ghe interessa delle noie che pol aver un triestin

[Nona Picia]

.Alora ecco cossa che gavemo savù: elcredito non scadi la sim inveze SI' . Com dir:bechi e content
Come volevasi dire, no camnbia proprio niente . La nova sim costa 10 euro
el recupero del credito 5 euro più racomandata con ricevuta di ritorno = 15 euro + spese, credito residuo forsi 12 euro + 7 euro circa de bonus precedente sempre se i ne lo vol dar.........
E naturalmente numero novo.....

[Lugara]

La Sim scadi?
Questa non la savevo proprio.
E quanto saria la sua durata, tanto per saver?
Mi go TIM e dato che al mio numero (lo go de circa un anno) ghe tegno molto me secheria che i me freghi anche a mi...
Certo che i xe veramente bastardi!

[Lugara]

Risparmieresti tanti schei, saresti tutti meno stressati, ma il mondo continuera girare lo stesso.
Larry - bona notte tutti.

Caro Larry, te dirò, mi go fato tuo stesso discorso fin al 2000, anno in cui la machina me se gaveva inesorabilmente fermado in strada per Opicina, de note e in pien inverno con tanto de piova iazada e bora forte
Se non se fussi fermado un pietoso automobilista che iera fornido de celulare saria andada 'bastanza in panico, credime, e quela volta me son resa conto che el celulare pol esser un asso nela maniga.
De alora tegno sempre con mi el celulare, sopratuto quando viagio, e le uniche telefonade che fazo xe a mia mama, mia sorela e al mio moroso perchè me preocupa perder el contato con lori.
Sicuro no lo dopro per far babezi credime! ma sopratuto ogni volta che voio star in pase (e son sicura che i mii xe a posto e senza problemi) lo distudo senza indugio

[babatriestina]

Mi de cellulari capisso poco, lo go ciolto a suo tempo per averlo a Grado che stavo in appartamento senza telefono e iero stufa de far la fila ala cabina telefonica in strada. Lo tegnivo serado e me colegavo, un poco come internet, una volta al giorno. Però la mia scheda de quel telefono, e ierimo nel 1999, xe ancora nel mio ultimo telefonin. Per le ricariche, sì , una volta me xe nato che una ricarica me xe scaduda , ma me nasseva anche cole caret telefoniche, assai de più. Adesso no so, co me scadi la ricarica la ricarigo via internet, cola carta de credito, e no go problemi. Mi no go mai avudo Wind, comunque.
No capisso gnanca mi quei che camina per strada che par che i parli de soli e li trovo pericolosi se i telefona guidando.
Anche in viaggio, me xe più comodo che ciamar del telefono dela camera de albergo, come che fazevo una volta. Spesso, per no disturbar troppo, lasso messaggi, che se i vol i rispondi e se no i me rispondi co i vol, un poco come le e mail.

[Lugara]

Spesso, per no disturbar troppo, lasso messaggi, che se i vol i rispondi e se no i me rispondi co i vol, un poco come le e mail.

Efetivamente i sms xe una gran roba: se pol contatar le persone senza dar fastidio e esser sicuri che, se i ga el celulare spento, una volta riaceso i vederà sicuro el messagio.
Mi no rinunceria al celulare per ste robe qua: i sms e el fato che quando servi se pol entrar in contato con chichessia.
Un'altra roba utilissima del celulare? El tasto per distudarlo!

[macondo]

De (ormai) vecio e (per sta ragion) insempiado, per scriver un sms ghe meto de 10 a 15 minuti (specialmente quando el software te sforza a sceglier le parole )

[Nona Picia]

La Sim scadi?
Questa non la savevo proprio.
E quanto saria la sua durata, tanto per saver?
Mi go TIM e dato che al mio numero (lo go de circa un anno) ghe tegno molto me secheria che i me freghi anche a mi...
Certo che i xe veramente bastardi!

1 anno dalla data della ricarica. Sicome mi dopro poco el cell. e sum ancora meno, no gavemo sosiderà la sotiglieza de Bersanin nel presentar la finta novità e cussì sum culex xe sta fregà.

[Lugara]

Malefici....
Devo star atenta col cell de mia mama alora, anche ela lo dopra pochissimo e la cori el ris'cio de esser fregada proprio come Zoom Zoom.
Certo che i se le studia proprio tute per ciuciar soldi ala gente, eh?

[Lugara]

De (ormai) vecio e (per sta ragion) insempiado, per scriver un sms ghe meto de 10 a 15 minuti (specialmente quando el software te sforza a sceglier le parole )

Me sa che cussì te fa prima a telefonar...
A ogni modo mia mama e mio papà xe uguali a ti: anzi, lori nianca no se ga mai sforzado de compor un sms... figuremose partecipar a un forum su internet (anche perchè i dovessi prima studiar de dove se impizza el pc)
Epur per tute le altre robe i xe maledetamente in gamba... a parte quele tecnologiche naturalmente.

[AdlerTS]

Continuemo a farghe pubblicità alla Wind : li gavevo lori come gestor de telefonia fino a primavera 2007, quando go disdetto el servizio con lettera raccomandata.
A oggi non xe possibile attivar sul mio numero de casa un'altra ADSL perché i signori, pur risultandoghe disattivado el servizio, non ga "pulido" totalmente la linea, rendendo impossibile per altri gestori de renderse attivi.
Logicamente le mie proteste xe come una lotta contro i mulini, mentre viaggio ormai da più de 6 mesi a 56 kb

Grazie mille

[angiolina]

Io ho disdetto Telecom nel 2002 per passare a Fastweb con fibra ottica. Ho conservato il vecchio numero di telefono e il contratto mi sembra buono (70 euro al mese per internet e chiamate verso telefono fisso in tutta Italia).Fino adeso non ho mai avuto problemi e per internet è una manna

[macondo]

De (ormai) vecio e (per sta ragion) insempiado, per scriver un sms ghe meto de 10 a 15 minuti (specialmente quando el software te sforza a sceglier le parole )

Me sa che cussì te fa prima a telefonar...
A ogni modo mia mama e mio papà xe uguali a ti: anzi, lori nianca no se ga mai sforzado de compor un sms...

Go finalmente trovado una soluzion. I sms li mando con skype che posso usar la tastiera. In piú, i costa pochissimo...

[snif]

Io ho disdetto Telecom nel 2002 per passare a Fastweb con fibra ottica. Ho conservato il vecchio numero di telefono e il contratto mi sembra buono (70 euro al mese per internet e chiamate verso telefono fisso in tutta Italia).Fino adeso non ho mai avuto problemi e per internet è una manna

140 al bimestre. Miga pochi, eh!

No go simpatia per Telecom, però.....

19,95 euro al mese - internet 24 su 24( Alice Flat) bim. 39, 90 euro

15 euro al mese- telefono fisso 24 su 24 con chiamate su tutto el territorio nazionale( Teleconomy No Problem) bim. 30 euro

canone( furto telecom) 25 euro a bimestre

Tot. 94, 90 a bimestre

[snif]

e funziona tutto senza problemi, mi creda
(upload e download )

Scrito Dopo- ti, sior ffdt, posso farti dimanda? cvando in tuo forum-baraca si podarà far edit?
ma di cossa ti ga paura? chi ti vol che scanzeli racomandate? Italspurghi?