... a proprio ris'cio e pericolo ;-D
El mio contrato scadi tra meno de un mese, e dopo? I me ga za dito che entro la fine dell'anno tutti i clienti TIN pasa ad Alice!
Cosa poso far? (alice no, solo se no rivo a trovar niente, za adeso che me xe pasada la posta sul loro server no rivo a leger quel che i me meti in spam = anche un saco de roba che me servi, problemi de server i dixi)
Go provado con Fastweb, xe un anno che i me manda pseudo-rapresentanti o i me telefona. Ma anche là la serietà me par no i sapi ben cosa che sia. Mati che no i sa cosa i pol ofrir, condizioni smentide el giorno dopo la firma de un contrato (che però diventa operativo solo dopo l'arivo del tecnico per l'instalazion), condizioni oferte telefonicamente e poi cambiade co riva l'oferta scrita.... Insoma roba de mati. Me par evidente che i usa concesionari che poco i capisi ma i cerca comunque in tuti i modi de ciapar clienti.
Chi altri xe de seri in rede? Forsi lo go za domandado tempo fa, ma le risposte no iera sai ciare. So che Franco usa quela società minore, ma lui ga esigenze de server (quindi particolari) che bele le xe, ma anche le costa. Mi me interesasi saver che tipo de colegamento gavè, se gavè mai avudo interuzioni, problemi, quanto el costa, come xe l'asistenza (certi la ga adiritura a pagamento), che velocità ga, insoma, se se sodisfati o meno. Devi eser un colegamnto de tipo flat (cioè 24 su 24, 365 giorni a l'anni) no quei a tempo che no soporto.
Se qualchedun me dà qualche informazion utile ghe sarò grato. E podesi eser utile anche a altri.
).
