Ne riverà qua le scovaze de Napoli?

[babatriestina]

ieri sule Segnalazioni iera una precisa smentita formal de un dirigente del Acegas.

Se le robe sta cusì (ma posibile che no se sapi de preciso?)

Mi go ormai butado via el giornal sarà stado giovedì, invito se qualchedun lo ga, a ricopiar parola per parola el testo, cussì Rofizal pol gaver la conferma che quel che scrivemo no se gavemo insognado de note. ( no arivo a trovar online le Segnalazioni)

[rofizal]

ma posibile che no se sapi de preciso?

Mi go ormai butado via el giornal sarà stado giovedì, invito se qualchedun lo ga, a ricopiar parola per parola el testo, cussì Rofizal pol gaver la conferma che quel che scrivemo no se gavemo insognado de note. ( no arivo a trovar online le Segnalazioni)

Te me ga stracapido. Come sempre.
No me riferivo al vostro riporto, ma al fato se vien fate o meno ste racolte diferenziade. Un dixi de sì un de no.... me par che no sia robe che pol eser sconte, xe tropo macroscopiche.
Mi poi no zercavo el testo dela segnalazion del Piccolo, ma quel del notiziario che gavevo sentido mi, visto che non me lo ricordo con precision e no volesi sbaiarme. (ma no credo)

[nanaia]

Gavè sentido come funziona a Brescia? Possibile che nissun rivi a far preciso??? Con la termovalorizzazion i ottien un risparmio energetico de paura, senza emission (o quasi) de fumi (i gà mostrado el sbocco delle ciminiere) e i eliminale scovazze: geniale e SEMPLICE
E allora? In 14 anni gavemo avudo governi de più colori che la bandiera italiana e NISSUN ghe gà savesto metter man: e adesso, dovessimo essere solidali?? Con chi?? Coi.....mascalzoni ?
El povero Bertolaso gà sistemà (come se podeva..) i foghi estivi, ma con la camorra..i lo gà "dimissionà". Ma vardè voi se per una maniga de farabutti tutta sta nostra splendida Italia gà de ciapar de incapace e de scovazòn

[carsolin]

Vardè che anca noi gavemo un bon impianto per brusar scovaze. E per eser economico devi brusarghene tante (oltre 200t al giorno).
In più el produci 90GWh al ano, che l'acegas rivendi al gestor dela rete eletrica (come chi che ga un impianto de panei fotovoltaici).

Quindi..... L'acegas ne domanda bori per portar via le scovaze e dopo ne domanda altri bori per la corente che ne ga vendu' e che ga prodoto cole nostre scovaze.

[sono piccolo ma crescero]

No me riferivo al vostro riporto, ma al fato se vien fate o meno ste racolte diferenziade. Un dixi de sì un de no.... me par che no sia robe che pol eser sconte, xe tropo macroscopiche.

Per el vetro mi, e penso come mi tutti, gavemo visto rivar camion de una ditta che no xe l'acegas, che svoda le campane. E mi penso che l'Acegas no gabi nessun interesse a brusar vetro e latine. Quindi penso che in quel setor la racolta funzioni.

La plastica e la carta brusa facilmente e mi me vien el sospeto, e sottolineo sospeto, che più carta e plastica xe nele scovazze normali e meno gasolio ocori zontarghe per far la temperatura alta che i devi far. Forsi magari me sbaglio.

Per la carta, anni fa gavevo visto camion diversi che la ingrumava (me par marcai Vipaper o qualcosa del genere) e quindi quela volta, probabilmente la carta 'ndava da qualche parte diversa. Ogi xe tanto che no vedo chi che svoda quei cassoni. E no go visto mai chi che svoda la plastica. Se fussi i soliti camion o comunque un camion de l'Acegas el sospetto poderia gaver ragion de esister.

Comunque la roba doveria essere in qualche modo controlabile: ghe sarà bilanci, bandi de gara e magari un giornalista, se la gente ga el sospetto, poderia 'ndar a meterghe el naso e veder se xe vero. Forsi basteria cior el motorin e 'ndarghe drio al camion che svoda i cassonetti e veder dove che el va.

Per i tapi dele botiglie, anche a mi i me ga contà che la roba xe vera e a casa mia se meti i tapi in un sacheto a parte (anche el vetro, la plastica e la carta, in altri scovazoni: in cusina no xe più posto per sentarse ); speremo ben.

Comunque femo trope scovazze. Me ricordo che co iero picio e in casa ierimo in 9, a casa gavevimo una cassetta de legno per le scovazze che sarà stada (vado a memoria) 40x30x30 cm, e i scovazini passava una volta al giorno. Oggi semo in tre e go ogni giorno un sacco immenso de buttar via, più la plastica, la carta e el vetro.

[rofizal]

Per el vetro mi, e penso come mi tutti, gavemo visto rivar camion de una ditta che no xe l'acegas, che svoda le campane.

Vero, vero, anche se xe un poco che no lo sento, ma forsi el vien in ore diverse.

Per l'aumento de scovaze porteria alcuni motivi:

- i sachetini de plastica che ga sostituido le famose borse dela spesa, molto utili ma se ghe ne vedi in giro svolar per tuti i cantoni

- l'eliminazion dei resti del vetro: una volta se usava molto botiglie de vetro che gaveva anche cauzion, poi se le restituiva e in pratica ghe iera poche scovaze (quele che se spacava?)

- l'uso difuso de acqua minerale in botiglie d plastica, una volta chi beveva acqua minerale?

- i prodoti in confezion, in pasato quasi tuto vigniva vendudo sfuso, ogi no più

- beni mobili (dal pc ala carega, pasando pei vestiti) che ogi nisun ripara più: i se spaca sai facilmente (dove esisti più el pasagio de beni da una generazion a l'altra?), i pasa de moda, nisun li ripara più, se qualchedun li ripara el lavoro costa quasi più del prodoto novo

- l'indubio magior benessere, che ga portado al magior possesso de beni; questo d'altra parte xe el consumismo e tuta la nostra società se basa su questo, se lo eliminasimo saria milioni de disocupai; xe purtropo un circolo vizioso, quel dela sovraproduzion (o produzion de robe inutili), ma come uscirghe?

[babatriestina]

El sior del Acegas diseva che certi giorni i cassonetti dela raccolta diferenziada vien ingrumai dai stessi carri dele scovazze, che per quel giorno i ingruma solo la diferenziada. e che i ghe meterà un cartelin de sora per speigar co i xe in giro per quel lavor.
Co iero picia mi, quante scovazze se brusava in stua! che iera a carbon, e nissun parlava de inquinamento, alora.
Ma spiegheme:inceneritor e termovalorizzator xe istesso o no?
perchè a mi me paressi che podessi anahce no esser el stesso, perchè no sempre co se brusa scovazze se riva a ricavar energia, e cussì gaveva spiegado qualchedun, ma me par che sti giornalisti adesso ciama termovalorizzator ogni inceneritor, che cussì par più bel, come che i socvazzini xe operatori ecologici, etc... a mi me paressi che i termovalorizzatori fussi un sotoinsieme dei inceneritori..

[rofizal]

Ma spiegheme:inceneritor e termovalorizzator xe istesso o no?

Mah... mi no son esperto, cusì go vardà Wikipedia, go batudo "termovalorizzatore" e... xe vignuda fora la voxe "inceneritore"!!!

[rofizal]

Forsi xe utile anche riportar quel che dixi Wikipedia (xe un opinion de chi ga scrito, però...):

Il termine termovalorizzatore, seppur di uso comune, è talvolta criticato in quanto sarebbe fuorviante. Infatti, secondo le più moderne teorie sulla corretta gestione dei rifiuti gli unici modi per "valorizzare" un rifiuto dovrebbero essere il riuso ed il riciclo, mentre l'incenerimento (anche se con recupero energetico) costituirebbe semplice smaltimento e sarebbe dunque da preferirsi alla sola discarica controllata. Si fa notare che il termine non viene inoltre mai utilizzato nelle normative europea e italiana di riferimento, nelle quali si parla solo di "inceneritori".

[Nona Picia]

Anche de mi, co iero picia, ierimo in 7 in famiglia e iera solo una cassetina de legno per le scovazze de darghe al scovazin che vegniva ogni giorno sonando la tromba. Ma de inverno se brusava quasi tuto nela stua e de estate scovaze de fruti e verdura se usava per fa concime in giardin e comunque no se butava cussì tante robe via perchè no iera soldi per comprarle nove e comunque le iera fate meio. No iera la plastica, ma solo vetro e carta e tuto el resto come ga dito rofizal.

[babatriestina]

Anche mi no capisso bene e no son esperta, e me par solo che girarghe intorno cole parole ( mi credo che fra un pochi de anni, ma forsi i fa za, se poderà datar un testo a seconda dele parole doprade), mi disessi, come che diseva el mai troppo rimpianto " cosa dirà la gente?" "
Ma termovalorizzator xe più che inceneritor?

[Nona Picia]

Ma termovalorizzator xe più che inceneritor?

Prova a guardar in internet!

[babatriestina]

Ma termovalorizzator xe più che inceneritor?

Prova a guardar in internet!

"Mi credo che i scrivi ste robe per insempiar la gente"
digo, su internet la carta e el web se lassa scriver

[AdlerTS]

Un inceneritor dovessi brusar e basta, un termovalorizzator dovessi brusar materiali divisi per categoria e ricavarghene energia elettrica.

A proposito, qua i disi che semo messi mal anche noi

http://www.adige.tv/?p=vedi&id=1719

[Nona Picia]

L'ex gazetino giuliano ga dito che la situazion più tragica xe a Udine, perchè no i ga provedù a suficienza per la racolta diferenziata. Anche de noi prima o poi ghe sarà qualche dificolta, ma speremo che i rimedi prima che sucedi.....

[Bilbo]

se gavè leto nele segnalazioni de un per de giorni fa, i parlava proprio dela racolta diferenziada qua ts.

la esisiti sì, ma solo per i racoglitori, che po dopo vien svodadi tutti insieme nel steso camion......

[babatriestina]

la esisiti sì, ma solo per i racoglitori, che po dopo vien svodadi tutti insieme nel steso camion......

ma dopo nele segnalazioni un capo del acegas ga dito che i dopra el stesso camion, ma zerti giorni i lo dopra solo per la diferenziata e i la porta al posto giusto.

[Bilbo]

quel no go visto..... no legio sempre el giornal

[sum culex]

No iera la plastica, ma solo vetro e carta e tuto el resto come ga dito rofizal.

E la carta de giornal, debitamete taiada e impirada su un ciodo, se la doprava in condoto (ghe lasso imaginar ai giovini per cossa, i veci sa sicuro). Pei giovini me spiego meio: al posto dela carta igienica per forbirse el daur al momento oportuno
ciao
sum culex

[duralex]

Belisimo! La Roseta se ga scaiada contro quei giornai (in lingua tedesca, e mi penso al povero Adler) dela Region veneto che i scrivi che non tuta Italia xe come Napoli perchè no i vol che i turisti vadi fora e no i vegni più de noi. Onore al coragio dimostrado da quela dona, ancor più dopo che i ga teremotado meza Campania e i ga trapà la moie de Mastela. Mi no digo ninte, ma me savè spiegar come mai le capita tute in Campania e mai, cossa so mi, in Umbria (per nol star al Nord)? Che la Roseta la gavessi almeno el buon gusto de taser. Xe un moto che disi "Che la dona la tasa, la piasa, la staga in casa" Escluso il secondo, che per ela no xe asolutamente posibile, credo che i lo gabi inventado proprio per babe compagne (e no i xe stadi porchi maschilisti, savè, ma gente de leteratura).