Buon Giorno!

[Ciancele]

Caro Sum Culex, se i gradi che gavemo sora zero li gavesimo soto zero fusimo iazai. Aqua no ne manca parchè stanote xe vignù zo un negon (pioggia torrenziale) che no te conto. E po aqua servi solo a far la bira. Pai spriz bisogna 'ver aqua de Visì (acqua minerale). Se no te pol far meno de aqua fontis, va a Bolunz in Veljka Jama. No la xe meio de una bireta, ma no de butar via.
'deso me calo e vado a far un spareto (Vado a fare un pisolotto). Ciao.

[Ciancele]

Cari amici, un buon fine settimana a tutti. 'deso me domando: Se par tuti, parchè no anca par mi? Vedo dapertuto canoce e canocete, come la fata morgana. Se almeno fusi malà, podaria capir. Ma el mio dotor me ga ciolto come consulente speciale quando ch'el ga visto i risultati del sangue. Ma l'ano (anno!!) xe longo e no se devi perder la speranza. Però chi che vivi sperando .....

[Nona Picia]

Bongiorno caliente! Ciancele, sarà el caldo che te fa veder canice e canocete....

[Nona Picia]

Bongiorno e bona domenica!

[Ciancele]

Bongiorno caliente! Ciancele, sarà el caldo che te fa veder canoce e canocete....

Bongiorno, bongiorno. Difati, par queste latitudini xe una caldana che xe de cior borse de iazo e usarle come calze. I trombini ciolti naturalmente del frizer.
Domenica gavemo fato una picola gita nei boschi de Sigfrido. Gavemo 'pena ordinà el pranzo in ristorante co' xe vignù zo un piovon tipo diluvio universale. Ierimo sentai in giardin, soto l'ombrelo, ma la piova vigniva de treso. I piati i li portava dela cusina traverso el giardin. Par fortuna no gavevimo brodin, ma solo roba suta. Son vecio, ma go riflesi meio dei giovini: Mi go meso la man sul bicer prima del mato dela tavola tacada. Mi go bevù vin puro, lu una bevandela longa.

[Nona Picia]

Bonasera a tuti!

[Ciancele]

Ieri me telefona mio fio e el me domanda se go sentì dele trombe de aria a Jesolo. Lui pronuncia ala americana: Gesolo. Ghe go mandà minace e una trupa dela mafia, ma lui continua a dir Gesolo. L’ano pasà el xe sta là e el voleva tornar zo ‘sto ano e ‘ndar a Bibione, Caorle o Cavalino. Specialmente a Cavalino. El iera disperà. El mondo va ala rovina. El me ga domandà come mai i giornai no scrivi gnente. In ‘sto momento i giornai scrivi solo de politica interna e dela Corea del Nord e l’America. I se ziga de tuto. Can che abaia no morde. Ma se un giorno un se stufa de ‘baiar? Tuti i disi che i xe un poco monisini (picchiati) e che i devi eser cascai de pici. Gaver paura dela Corea me par un poco esagerà. Ve ricordè: Superior stabat lupus? L’America no xe drio el canton. Mi gavevo lodevole in giografia, ma conoso do de lori, nel fratempo morti, che i gaveva clanfa e i ga dichiarà guera a tuto el mondo. Forsi i gaveva un mapamondo de uficio e iera logico che el mondo fusi picolo. Bisognaria saver cosa che gaveva in giografia el corean. Se’l gaveva clanfa anca lu bruta me la vedo. Bisogna sempre darghe la colpa a qualchedun. A chi ghe la demo in ‘sto caso? L’unico che me vien in mente xe Cristombo Calofaro. Ogi de tanti ani fa el iera za in viagio par scoverzer l’America. Me par che el tre de agosto fusi stado un venerdi. De Venere e de Marte no si sposa e no se parte. Se inveze de partir verso ocidente el fusi ‘ndà verso oriente, a Muia a ciapar menole? Fusimo meio o pezo? Par che la Cina no voli guera e che volaria adiritura conquistar la Corea par gaver pase. Se xe guera la Cina no sa a chi vender i sui telefonini. E po anca i cinesi del bordo teresian i moriria. I disi che el corean ga tanti s’ciopi. A tapi? Ma se no i xe a tapi? I disi che el ga gas che spuza. Ben, no fazo par vantarme, ma anca noi gavemo qualche volta qualche nera. Mi la go fisa con la giografia. L’America ga più de oto milioni de chilometri quadrati. De quanta gente se gavaria bisogno par ocupar l’America? La Corea no ga tanta gente e i dovaria ‘ndar a cior i disocupai de tuto el meno. ‘deso andemo verso l’inverno e farà un poco de zima (freddo). Speremo che el fredo ghe iazi un poco anca el pamet (cervello). Un che conoso el ga comincià la guera in setembre, pien autuno, e el la ga persa. La guera de magio xe stada inveze vinta. Speremo che i speti che vegni primavera e l’aqua de magio fazi ben. Po chi sa chi che gavarà un ocio st’altro ano (chi sarà ancora in vita l’anno prossimo). Me go lasà ‘ndar un poco OT. Scuseme. In internet iera video sul dopo tromba. Veramente bruto. I ga dito che ghe volarà almeno venti ani par refarse. Ma anca qua xe bruto tempo e tanta aqua.

[babatriestina]

Doberdan, son qva di novo, diseva un... o i ghe fazeva dir.

ben son qua dopo un giro al fresco. No no i me ga messo in cheba. iero in viaggio de Trieste ala Finlandia. In pullman. Un poco de furia, se se vol veder un poco tuto in menod e due setimane. El caldon ne ga seguido fin in rep ceca ( nela ex cecoslovacchia) po se stava ben per le alte. da Trieste a Stettino diseva quel ( iera Churchil) ben noi ierimo un poco più a est ma un circumcirca cussì. Su per Breslavia, Torun, Danzica, po le republiche baltiche, una traversata in giornata fin Helsinki e zo per Varsavia e Cracovia (dove che no xe che el loro Papa: Giovanni Paolo II de qua e de là..).Tuto ssai bel tanto ricostruido, la storia, i cavalieri teutonici, morir per Danzica, el bunker de Hitler quel nei boschi, un misiot de lettoni lituani estoni tedeschi poco, russi ortpodossi... bona la cusina polacca... dopo ch e i ebrei i li ga fati più o meno tuti fora de quele parti adesso i ex quartieri ebraici xe zona turistica.. mancava Koenigsberg per i ponti e Memel ovio nissuna dele due se ciama più cussi...
e per le alte tanta architetura che par Trieste, el liberty de Riga, case che par el ospedal militar... solo che loro no ga arenaria ma quei loro matoni rossi come nela Germania a nord, roba de gente de pianura senza cave de piera po.. e me go sparagnado el grosso dela canicola!

[Nona Picia]

Beata ti! Per el giro e per el fresco....e speto de veder foto

[babatriestina]

Beata ti! Per el giro e per el fresco....e speto de veder foto

ghe ne go scarigade tremila...

[Nona Picia]

SOLO?????

[Ciancele]

Ben tornada e bongiorno, Baba Triestina. Co' 'ndavo in giro iera sempre un poco de caligo traversar la cortina de fero. Te podevi, ma te gavevi sempre un che te stava a vardar, anca co' te tigniva. Te dovevi eser a destination a una certa ora e guai se te vignivi dopo. Insoma no te podevi gnanca fermarte par vardar una bela roba o par 'ndar in campagneta. Ma tuti iera contenti de quel che i gaveva visto. Co' i ga verto la cortina iero un per de volte sul Baltico e podevo 'ndar a Stetino cola bici. Par chi che ghe interesa l'architetura, le case le xe tanto diverse che de noi. Forsi a Trieste no, ma in alri loghi sì. Quela volta, co' le machine vece a film, ogni foto costava e no se buitava via gnente. Pensa cosa che gavaria costà 3000 foto. Mio fradel fazeva foto e le butava via, ma el ciapava i film a bon prezo e el stampava lu.In bagno, de note co' fa scuro. Fane veder qualcosa.

[Ciancele]

Ogi xe Feragosto e quando viene feragosto mi diverto mezzo mondo a sostar sule finestre sputachiando sule teste. La go imparada de putel a Rimini del mio amico Bigino. Go imparado ancora do o tre robe, ma no steve farmele dir.
Qua sta fazendo sol. Un bon giorno a tuti.

[Nona Picia]

Buongiorno e buon ferragosto a tutti! Oggi sole, giornata adatta a fare qualsiasi cosa per passarla bene !

[Ciancele]

Buongiorno e buon ferragosto a tutti! Oggi sole, giornata adatta a fare qualsiasi cosa per passarla bene !

Io sono in servizio e devo ingrumare pomi.

[Ciancele]

Tuta la matina go ingrumà pomi in giardin. Sol e un caldo che no ve conto. Iero tuto in aqua. Le previsioni ga dito: Do nuvolete non pericolose. Bon, subito dopo magnà (nel primissimo pomeriggio) ‘ste do nuvolete non pericolose se ga scarigà. Lampi, toni, canai imbunidi. Le stazioni dela soteranea piena de aqua. Anca i treni gaveva problemi e ritardi par via dei alberi cascai sule ligne. ‘ncora deso xe nuvolà e schiza. Meno mal che no le iera pericolose.

[Piereto]

Una bela per star allegri, che go trovà nel duomo de Milan, de no creder che xe esistido za quela volta anche un santo ....... con qualche rodela fora posto

Notare il quinto santo .jpg (52.39 KiB) Visto 1518 volte

[babatriestina]

santo omo o dona?

[Nona Picia]

Bongiorno! Certo che quei santi ga nomi particolari...

[sono piccolo ma crescero]

santo omo o dona?

San Mona, Vescovo di Milano, importante al punto da farlo copatrono.

La sua festa ricorre il 12 ottobre.

https://it.wikipedia.org/wiki/Mona_di_Milano

http://www.santiebeati.it/dettaglio/47040