Buon Giorno!

[oli1939]

Bongiorno con qualche foto del roseto de S.Giovanni 2018...

[Ciancele]

Cara Oli39, no voio farte coragio, ma solo cavarte zerti dubi. Ogi iero del dotor par sentir cosa che xe co' l'esame del sangue. Ghe go dito: Sior dotor, la vardi questo, la vardi quel. El mato me fa: Senti, Cici, cosa te vol. A una zerta età no se ga più valori massimi. Te devi eser contento che stamatina te te ga sveià, te te ga alzà, ghe go dà ragion. te ga fato marenda e te son vignù de mi in gripiza (con l'auto). Insoma no i te ga portà in barela. E te torni a casa e no in ospedal. Te magni e te bevi e no sta dirme che te fa dieta. Oli mia, cos' te vol che te digo. Se gavemo batù una man sula spala (anca el mato fa setanta), se gavemo basà e son 'ndà via. Za el fato che co' me sveio no xe nisun che me porta el papagal, che me misura la febre e me fa un clistero xe, pal momento, la roba più bela de mondo. Me la godo. Stasera magnarò sparisi in salata e bevarò un bicer de bianco. E po? E po viva là e po bon. Sani.

[oli1939]

e avanti cussi'...go visto anni fa durante una gita a Monfalcon periferia..sotto una
pergola, senta' con un bicer de rosso in man, un picio veceto, contadin, felice del suo stato. El me xe resta' in mente cussi' seren che me ga commosso.
In ultimo, anche noi come novelli Candide, dovemo apprezzar quel che gavemo...inveze de rimpianger quel che xe passa' dovemo pensar a viver giorno per giorno nel nostro orticello.
...e un bel sorriso resta sempre.

[Ciancele]

Un bongiorno a tuti. Febo mi bacia. Solo Febo parchè col barbon che go e co' la mia cavelada tuti scampa co' i me vedi. Ale sete iero za sentà in terazin cola ciudola in man. La giornada pol cominciar. Son pronto. Par chi che xe o credi de eser zo de bala (depresso) un consiglio: Ch'el vadi intun ospedal, specialmente reparto geratria o cardiologia. Co'l vien fora el fa salti de cavron (di gioia). Mi son sta ieri, in visita. E 'deso go el dubio atroce: Cosa bevo? De novo un cafè? O un otavo par romper l'aria? Marenda? Un oveto col spek? Vedè che dura che xe la vita de un povaro vecio veceto.

[Piereto]

Che morbin che te gà Ciancele !! Morbin triestin a francoforte.
Noi qua semo tristi inveze perche xe la solita fiaba del tran de opcina che el xe nato disgrazià, e el gà incontrà la burocrazia taliana e el se gà fermà. Anche mi nel mio picio go de butar zo un muro de confin che el xe co le crepe. progeto del lavor, occupazion de suolo altrui, progetto in c.a. paesagistica, permesso del comun, adirittura indagine geologica, cantier direttore dei lavori, e no xe che go de scavar el canal de Suez, Oggi un qualsiasi funzionario publico nol se fida de nissun e prima de dir de si, el tempo passa. Speraimo almeno per la barcolana de far un giro col tram, inveze anche sto anno niente.

[Ciancele]

Piereto mio, te sa che mi odio dar torto ala gente. Ma ‘sta volta devo dirte che te te ga sbalià. Quel che ti te ciami morbin xe umor nero, black humour, contro malani, rabia e teceta (ecc.). Gavemo za visto tante volte che tuto el mondo xe paese. Nel mio caso go fato domanda de ‘ver el permeso de postegiar la machina sul posto dei disabili. No darme ragion parchè mi son tuo amico. Spasionatamente. La domanda dela putela la xe stada acetada in parte. Par farme un favor i ghe ga dà el 30% de disabile. Par el permeso ghe vol el cento per cento. ‘pena che el comitato olimpico legi la decision de ‘sto uficio par la putela i la ciol subito par le prosime olimpiadi. E se la disi che la xe vecia, che la camina col baston e col rolator, che no la ciapa fià, i ghe dirà de sicuro che no la conti bale, che falsa modestia no conta, che la vegni subito. Mal che la vadi i la andarà ale olimpiadi dei disabili. Ala mia domanda no i ga ‘ncora risposto. Son curioso. Te savarò dir.

[oli1939]

....Basta che la persona stia in pie...niente disabilità de quella che conta per sti servizi....Bon weekend a tutti....

[Ciancele]

....Basta che la persona stia in pie...niente disabilità de quella che conta per sti servizi....Bon weekend a tutti....

Mi stago in pie. I xe in tre che i me guanta. Scherzi a parte. Per modo di dire. Vegno dela spesa. Go trovà un vecio, ani anorum fa vicin de casa. El solito come la sta ecc. Gavemo deciso de moltiplicar la situazion del momento pal coeficiente età. Gavemo visto che alora no la xe cusì nera come che la par. Un bon fine setimana a tuti. E bona moltiplicazion.

[Nona Picia]

Bongiorno a tuti! ogni tanto me fazo veder più seriamente! In questo periodo de problemi per sum, vanza poco tempo e voia de essere più disposti a discussioni serie che a ciacole mooolto generiche....

[sono piccolo ma crescero]

Oggi wikipedia italiana https://it.wikipedia.org non è accessibile per protestare contro le norme che il parlamento europeo sta per promulgare.

Se dicono il vero l'articolo 13 riguarda anche il forum: dovremo controllare preventivamente se le pubblicazioni sul forum sono esenti da diritti d'autore. Se sarà così, sarà un bel guaio.

[Ciancele]

Oggi wikipedia italiana https://it.wikipedia.org non è accessibile per protestare contro le norme che il parlamento europeo sta per promulgare.
Se dicono il vero l'articolo 13 riguarda anche il forum: dovremo controllare preventivamente se le pubblicazioni sul forum sono esenti da diritti d'autore. Se sarà così, sarà un bel guaio.

I miei post sono di sicuro esenti da diritti di autore. Ma esistono altri post, ben più interessanti. E sarebbe un peccato non poterli leggere, in modo speciale se contribuiscono a colmare lacune od a soddisfare domande. Io sono uno di quelli che approfittano di questi post. A giorni sono per almeno una o due ore di seguito in internet. Senza il quale sarei qualche volta a terra.

[Nona Picia]

I miei post e foto sono esenti dai diritti d'autore....
Buongiotno forum

[Piereto]

Ste proposte de regolamentazion de copyright le me par sai gravi perchè tutti saria obligadi prima de leger una articolo che interessa su wikipedia a dover pagar. Anche Wikipedia dovesi pagar per poder publicar e po farse rimborsar da chi che leggi. Saria la fine de internet che el vinisi doprà solo per far acquisti, quindi dovessimo tornar a le enciclopedie cartacee. Per el nostro forum quel che publichemo xe farina del nostro sacco, oppur xe nostre traduzioni e manipolazioni dialettali. Basta no citar la fonte virgolettada soggetta a copirighy e idem per le foto non nostre. Certo publicando sul forum recedemo da ogni nostro diritto de copyright. Comunque stemo a veder cosa che partorissi sta classe leguleia dirigente europea de cui no rivemo a liberarse .

[sono piccolo ma crescero]

No xe proprio cusì facile.

Se quel che go leto xe giusto, e meto un se grande come una casa, ghe xe adiritura el dirito de panorama. In Italia el xe debole, ma de altre parti no: se mi fotografo el mosaico che Rupnik ga fato nela cesa de Santa Teresa o se fotografo la caserma dei vigili urbani o la cesa de monte Grisa, e voio publicar le foto doveria pagar i diriti d'autor ai progetisti. In sto momento, se go capido ben, el dirito xe debole in Italia: se no voio far soldi, se le foto xe ciste o le xe rovinade (per questo ghe metemo el timbro sora) no ocori pagar (e me par che una volta tanto i la ga pensada ben); se voio far soldi, sì. Ma de altre parti i xe più rigidi e par che l'Unione Europea gabi sposado questa rigidità.

Cusì co te fotograferà la nova nave de crociera ormegiada a Trieste, prima de farlo te doverà pagar i diriti de autor.

Ciancele, come xe dele parti tue coi diriti de panorama?

[Ciancele]

No xe proprio cusì facile.

Se quel che go leto xe giusto, e meto un se grande come una casa, ghe xe adiritura el dirito de panorama. In Italia el xe debole, ma de altre parti no: se mi fotografo el mosaico che Rupnik ga fato nela cesa de Santa Teresa o se fotografo la caserma dei vigili urbani o la cesa de monte Grisa, e voio publicar le foto doveria pagar i diriti d'autor ai progetisti. In sto momento, se go capido ben, el dirito xe debole in Italia: se no voio far soldi, se le foto xe ciste o le xe rovinade (per questo ghe metemo el timbro sora) no ocori pagar (e me par che una volta tanto i la ga pensada ben); se voio far soldi, sì. Ma de altre parti i xe più rigidi e par che l'Unione Europea gabi sposado questa rigidità.

Cusì co te fotograferà la nova nave de crociera ormegiada a Trieste, prima de farlo te doverà pagar i diriti de autor.

Ciancele, come xe dele parti tue coi diriti de panorama?

Mi go 'vudo 'sai de far con questi diriti, ma iera plagio e che saria diriti di autore in breveti e disegni ornamentali. Gnente panorami.
Bisognaria che legio tuti i articoli de 'sta lege e che ve fazo la traduzion o che ve digo andove che podè leger qualcosa par talian. Per traduzioni subito xe grave parchè son ciapà per altre robe. Ma ve poso dir, se no go leto sbalià, che se pol fotografar robe fise (monumeti e case) se le foto xe fate de una strada publica. Par esempio, me par che in piaza Scorcola sia una strada privata. 'lora te pol far una foto dela prima casa dala piazeta, ma de l'ultima casa no, parchè te dovaria meter un pie nela via privata. Te pol fotografar la sede dela banca de fora, ma de dentro te devi 'ver el permeso del paron. La nave de crociera no te la pol fotografar parchè el giorno dopo la parti. El molo nudo te pol fotografar parchè el xe fiso. Me farò de novo vivo.

[oli1939]

Alla faccia dell'eliminazion della burocrazia....xe anche le foto nelle citta' dove nelle strade xe tante persone...no se pol piu viver i ne tira via anche el piazer de fotografar....

[Elisa]

"Estate in Trentino
L’estate in Trentino, nel cuore delle Alpi e abbracciato dalle impressionanti cime delle Dolomiti, non ha da offrire soltanto il fresco delle montagne e dei laghi come il Lago di Garda o di Caldonazzo… borghi e città pulsano d’iniziative e manifestazioni sportive e culturali.
Idee vacanza per giugno, luglio e agosto 2018"
“Camminare in mezzo ad incantevoli boschi e salire in vetta alle straordinarie Dolomiti”…

o respirare profondo l’ ossigeno in riposo….

Desidero che non sia interpretato quele fanatismo mio…..ma quasi! Hahaha
Serve da suggerimento: O voi che siete lí cosí vicino e meritate: andate, godete e poi magari raccontate!
https://www.trentino.com/it/top-seasons ... estive.htm

[babatriestina]

el diritto de panorama xe un dei bibiezi pezo ch ei ga inventado. Se fotografo el mar e el molo, forsi l a me va ben. Anche la lanterna ma za forsi la Maritima... xe pasai 60 anni dela morte del architetto? finora nissun ga fato storie e po savemo che le nostre foto jpg e con 800 pixel massimo se pol considerar degradade..

[Ciancele]

Torno sul mio post. Go vardà de novo. La roba xe più complicada de quel che se credi e bisogna leger romanzi. Ieri go scrito de strade private. Una strada privata, ma verta par tuti, no xe più privata in questo senso. Private xe solo quele strade dove che se paga par pasar o che de note i le sera. I ga fato veder una statua intun giardin de un museo in un cercio de fero. Saria proibì fotografarla, ma statue, monumenti in genere, xe mese là che tuti i le vedi, ‘lora le xe patrimonio publico e se pol fotografarle. La faciate dele case se pol fotografar, parchè le xe fise.
Prego de dirme se esisti un interese a una traduzion, parchè xe tante pagine, de articoli de lege, ma in special modo i comenti, quei che conta. che xe interesanti, parchè se vedi come ciapar, interpretar, le legi. Lo fazo volentieri, ma go bisogno de tempo. Tradur solo qualche riga no servi, parchè ogni paese ga proprie legi. In Italia permeso, in altri paesi no. E viceversa.

[oli1939]

Mi penso a chi sara' delegado a corerghe drio a sti testoni de fotografi che scata miliardi de foto in tutta Europa e nel mondo...saria come dir...ara sa se te beco....