Immaturità

[Ursus Canadiensis]

Come che go dito prima: Chi che xe intolerante dele idee altrui ricori sempre ale minacie.

Quel che te percepisi come retorica, FFDT xe pura e semplice opinion sun un fato che mi considero un gravisimo eror. Che po sia sado el tuo super eroe dal manelo bianco a cometerlo, me taza el cuor. El fato resta quel che el xe, che te piasi o o. Go dito denovo, no te ga bisogno de sconderte drio scuso, "Mi poso implementar questa e quela regole," per sbaterme fora. Falo e dimostra la vera natura dela tua ira.

Arnie

[AdlerTS]

Ma che modi xe questi? Cossa xe sta intoleranza?

E sto tono de inquisizion: go verto, per la prima volta dopo quasi un ano che frequento sto forum, l’Albo pretorio e me xe vigù i brividi.

Zigolo,

go leto el tuo messaggio e volevo rassicurarte che non se tratta de fondamentalismo.
La reazion xe per le espressioni offensive (che gavemo za cavado via), non per el fatto de esser ateo.
Ognidun pol dir quel che vol, basta dirlo senza offender nissun.

[serlilian]

Come go za dito, mi no son credente e questo papa no me piasi, ma i toni e i termini che ga usado arnie, verso de lui, me ga dà assai fastidio. Ogi volevo dir qualcossa sulla condana del aborto anche in caso de stupro, incesto o pericolo per la salute dela dona, ma go preferido lassar star per no scadenar altri interventi con toni esagerati. Mi penso che se pol esprimer la propia opinion e anche criticar, ma senza agredir nissun, senza ofender e senza dir volgarità.

[ffdt]

Ma che modi xe questi? Cossa xe sta intoleranza? [...]

no xe intoleranza, anca se pol efetivamente parer che sia cusi`

cua la storia la nasi ani anorum indrio e la gavemo ripercorsa avanti e indrio trope volte percio` che vali la pena de riportarla de novo anca sto giro, ma me par giusto che te sapi che un forum che ghe somiliava a sto cua el xe stado serado per una situazion nata in sordina (come che ga cominciado a montar el discorso de Arnie) e che no la xe stada fermada in tempo

c'o gavemo verto sto forum se gavemo dado un regolamento fato a posta per evitar che 'l ambiente degeneri e devo dir che 'l ga funzionado: in do soldi poso dir che tuto xe baxado su 'l principio che la liberta` de ognid'un la finisi la` indove che comincia cuela de i altri e che _nisun_ ga dirito de rovinarghe _tuto_ 'l ambiente a _tuti_ i altri in nome de 'l proprio dirito de dir _tuto_ cuel che ghe pasa per la testa

a chiuncue pol scamparghe la fraxe storta e no sara` cuel el problema ma diventa grave cuando che le fraxi storte le se acavala una sora del'altra

in tempi pasadi sior Arnie el ga dimostrado de no voler o de no saver fermarse in tempo e cusi` el xe stado serado fora prima che 'l fazi dani: el xe tornado dentro e gavemo fato finta de gnente fin che i sui post no i ga pasado un limite che gavemo za visto fin a indove che pol menar

me dispaxi se a cualched'un sta scoperta ghe ga fato vignir i brividi ma cua, ripeto, xe storie che le va avanti de 10 o 15 ani (anche se mi no li go percorsi tuti) e la xe sai piu` complicada de cuel che no la par: per chi che ga voia de scavar in te la storia pol bastar zercar i riferimenti a "triestemia" (o "trieste mia") in sto steso forum (cusi` trovere` anche i link a altri blog e forum indove poder eventualmente aprofondir), pe' i altri ve asicuro che xe suficiente continuar come che xe stado fin a adeso

gavemo un poche de vece conoscenze che ciclicamente torna a far onde e che, ogni volta, speremo che i gabi xmeso de far onde ... dito cuesto credo de gaver dito tuto e, se ocori, me ciogo trancuilamente la responsabilita` de i toni duri dopradi sia adeso che in pasa`: c'o ocori ocori e no xe 'l chirurgo pietoxo che salva 'l malado

in fin de i conti basta un pel de rispeto reciproco ma c'o 'l rispeto no 'l xe e c'o se trova el recidivo toca cior decixioni: o cusi` o se finisi mal (e anca cuela xe una decixion)




comuncue gnanca mi no conoso tuti cuei che i partecipa a 'l forum e no me preocupo perche` confido che la magior parte de la gente sia brave persone ... pe' 'l fato che sto logo el sia privato o publico credo che la considerazion la dovesi eser bastanza facile: computer, comunicazioni e corente no i cresi su i alberi cuindi se ghe xe tute ste robe che rendi posibile un logo indove trovarse a ciacolar vol dir che cualched'un ga de tenderle: soli no i se fa ;-D ;-D ;-D ;-D ;-D ;-D ;-D ;-D ;-D


Franco

[babatriestina]

. Mi penso che se pol esprimer la propia opinion e anche criticar, ma senza agredir nissun, senza ofender e senza dir volgarità.

me associo in pien.
Una roba xe dir Mi la penso cussì e no son dacordo con XY per questo motivo e un'altra xe Mi la penso cussì e XY che no xe dacordo con mi xe un deficiente (o meteghe el insulto che volè).

[babatriestina]

un contributo alla discussion su La Stampa dal titolo
Harvard da' ragione al Papa

[macondo]

No capiso la conclusion che i riva...Provo a specular. Praticamente i disi che almeno per el 10% dei casi el preservativo no servi a evitar el contagio. Me imagino che i se riferisi a una percentuale de preservativi difetuosi o a un 'uso sbaiado' degli stessi. Credo de afermar che in teoria podessi esser vero anca per la trasmision de altre malatie veneree o per le gravidanze non volude. Pecá che no i se spiega meio.
Mi credo de capir assai ben inveze la logica dela Ciesa. Credo che quel che i sugerisi xe che un magior uso de preservativi porta necesariamente a una magior promiscuitá e de conseguenza magior rischio in termini asoluti. Pol anca esser.
Quel che a mi no me convinzi xe che nei paesi ocidentali dove ghe xe una educazion sesual piú avanzada, esisti campagne publicitarie organizade e sostenude da diverse organizasioni statali per promover el uso dei preservativi e nonostante questo le malatie veneree e le gravidanze minorili le aumenta. Probabilmente questo podessi confermar quel che go dito piú sora. Ma quale xe l'alternativa pratica e realistica? La total astinenza? Podessi magari andar ben per quei che ga za superado i 70

El discorso no cambia per i paesi in via de svilupo dove no xe mai esistida una educazion e/o una informazion sessual. Prima de tutto el uso dei preservativi xe una roba assai esotica che contrasta con un 'machismo' cultural ben radicado. Secondo, esisti una ignoranza total su prevenzion e cure. Gavevo letto piú de una volta che in certe culture i se cura (?) le malatie veneree gavendo sesso con una vergine. O pezo ancora, violentanto una presunta lesbica. E proponer l'astineza saria, mi credo, domandarghe che no i respiri perché l'aria podessi esser contaminada.

[babatriestina]

Prima de tutto el uso dei preservativi xe una roba assai esotica che contrasta con un 'machismo' cultural ben radicado. .

questo me par molto molto verosimile e devo gaverlo za letto in qualche articolo del National Geographic: xe parecchio de cambiar a partir dela mentalità, e no escludessi che sia anche de noi qualcossa de simile...

La total astinenza? Podessi magari andar ben per quei che ga za superado i 70.

forsi la vecia monogamia... anche se Gandhi dopo una zerta età sugeriva una zerta brahmacharya

[macondo]

forsi la vecia monogamia... anche se Gandhi dopo una zerta età sugeriva una zerta brahmacharya

Sicuramente si. El problema xe che in quei paesi in via de svilupo dove el HIV xe endemico se risc'ia che al sposarse i sia za infetadi, vergini o no.

Se Ghandi fussi ancora vivo probabilmente el sugeriria la viagracharya

[OT]What does an English girl use for protection when having sex?
A bus shelter. [/OT]

[Tirabaralla]

OT
Scusate ma...mi son fatta tante (amare) risate leggendo questo thread...
E mi ricordo quando lo stesso personaggio diceva che un forum, pur essendo di pubblico accesso, non era di pubblica proprietà (e magari avesse detto solo questo). Ed era paladino del bene e dell'ordine ( ) insieme ad altri...personaggi.
Certe cose, purtroppo, non cambiano mai, pare.
Che tristezza.
/OT

Non mi esprimo "in topic" perchè rientrare subito con un post polemico mi parrebbe eccessivo.
Baci.

[babatriestina]

MOD
ecco, bravi, lasciate perdere le polemiche e le esternazioni OT e se volete discutere argomentatamente e pacatamente, continuiamo pure.. e ricordeve che i moderatori xe sempre pronti cola manera fra i denti.. /MOD

[Zigolo]

Me dispiasi, ma con questi modi autoritari no continuemo propio per gnente!

[babatriestina]

Me dispiasi, ma con questi modi autoritari no continuemo propio per gnente!

spiacente che tu la veda così, Zigolo: la maggior parte dei forum è moderata, e i creatori di questo forum hanno visto cosa può succedere in assenza di controlli, fino alla chiusura di un forum triestino ( di cui siamo superstiti- ecco il significato dei vari naufrago etc..) e al formarsi di inimicizie che sono tuttora visibili in Rete.

[serlilian]

Mi no iero sul vecio forum, ma go visto de altre parti come che pol andar a finir quando la gente no sa comportarse in modo civile. Dove che digo mi, xe andada a finir con minacce, offese pesanti, querele e processi. Grazie ai moderatori che evita che la situazion degeneri anche qua.

[Nona Picia]

Questo xe sta el primo forum e per lungo tempo l'unico che go frequentà e che frequento sempre, per quel che el conta e soprattutto per la forma in cui lo conta. No me piasi linguaggi scorretti , volgari , allusionistici o che dà soprnnomi non richiesti. Penso che per tuti sia più piacevole legger una discussion anche accesa, ma corretta che no una condida de robe spiacevoli, ciamemole cussì.
E per questo son grata a chi che se rompi la testa a starne drio e magari a darne una picia bachetada sule man ogni tanto!