Cuciniamo? Oggi in Tavola!!!!!

[babatriestina]

eco, del mio giro in Bretagna, el Pouilly fumé e la sole meunière che go magnado vizin.. el tuto con un belissimo tramonto come che xe là.. 5 anni fa...

[Ciancele]

el bicer de Chablis in ristorante me ga costado 9 euro, ma xe per una volta al anno! el Pouilly fumé lo conosso ben, l'ultima volta lo go ordinado in Bretagna, ma ierimo in tre e gavevimo de sdebitarse con una siora che ne offriva ospitalità: lo go suggerido mi! el Sancerre costava sui 5 euro al bicer in bistrot. El Pouilly fumé iera sula carta dei vini, ma no sfuso! o la botiglia intiera o gnente.. e iero de sola. Coi nipoti , mi un bicer de vin, la mula acqua e el mulo birra: sta gioventù moderna.. dei cugini, che me conossi, in Normandia i me ga offerto sidro rosé che no gavevo mai provado..
ai castei dela Loira difatti bevevo rosé de Chinon.. go fato tre viste ai castei dela Loira: la prima a 15 anni coi genitori tornando de Bretagna, go visitado un per de castei ( Langeais e Chenonceaux me par) e me xe vegnuda la voia, po nei anni 70 iera de quele parti le nozze dei cugini ( quei che adesso sta in Normandia) e là con mama semo restade anche noi quindese giorni visitando de tre a quattro castei al giorno. Fin che go fato indigestion.. e son tornada una decina de anni fa, con viaggio organizzado, per riveder un poco.

..... o la botiglia intiera o gnente ..... O Roma o morte. Mi gavaria ciolto Roma, sensa problemi.
In Francia, ma anca in Italia, i vini boni, ma boni, i xe solo in botilia. E i costa. Sfusi te ga roba de spaceto. Ma in Austria, anca in un albergo bon, i gaveva solo vini (neri) boni e te li podevi cior a biceri. Iera anca el somelier e lu me ga dito: Noi gavemo solo questi e sicome che i xe boni o un o l'altro la botilia i la svoda. 'lora no problems. Mi, anzi noi, la botilia la gavemo difati .... e la seconda anca.
Te go dito tante volte che mi preferiso 'ndar par conto mio. I castei uno al giorno, come su riceta. La matina vedeimo un poco, po el pranzo in riva al fiume, e dopo magnà la seconda metà. 'la sera in albergo un bon cogo, tavola con tre tovaie e zinque biceri (aqua, vin bianco, nero, analcolici, superalcolici, spumante) e tanti pironi, cortei, cuciari e cuciarini. Insoma bel. E bon!! Par questo gnente indigestion, e bel. Ierimo anca a Blois, Versailles e a Fontainebleau, come d'Artagnan. Po nel Bois de Boulogne contro le guardie del cardinal. Scherzi a parte, xe sta un bel giro. Nei viagi organizai te toca corer e se no te son in forma te resti indrio. 2 minuti e 35 secondi qua, 3 minuti 10 secondi e 3 decimi là. No xe par mi. A mi me piasi vardar, leger e capir. Son contento che te gabi piasso.

[babatriestina]

el Chablis i me lo ga versado dela botiglia..
per mi xe al contrario in un certo senso de quel che te disi, perchè in viagio organizzado se vedi secondo mi molto meno che de soli: quela volta con mama gavevimo ciolto macchina a nolo, guidavo mi, e fra visite più o meno grandi de castei dela Loira ghe ne go visitadi 26!! fino fora pei oci, disemo pur, verso la fin... e po te conterò con calma dela creperie..

[Ciancele]

El Chablis i me lo ga versado dela botiglia..
Per mi xe al contrario in un certo senso de quel che te disi, perchè in viagio organizzado se vedi secondo mi molto meno che de soli: quela volta con mama gavevimo ciolto macchina a nolo, guidavo mi, e fra visite più o meno grandi de castei dela Loira ghe ne go visitadi 26!! fino fora pei oci, disemo pur, verso la fin... e po te conterò con calma dela creperie ..

Mi intendevo che tre o quatro al giorno se tropi. Te devi contar anca la strada. Noi gavemo visità solo i più grandi, i più importanti, co'la calma, sensa corer e par questo gnente indigestion. Gavemo visto anca quel de da Vinci. In tuto forsi diese castei. Noi vardaimo anca el paesagio, la colza in fioritura, tuta giala. Anca mi disevo che in viagi organizadi se vedi de meno, solo che no te ga de farte pensieri "logistici". Mi inveze go dovesto procurar albergo, de magnar, DE BEVER. Par noi e pal can. A Parigi tre de noi andava in cesa e un spetava fora col can. Dopo anca el guardian andava in cesa. E nei castei portaimo el can in brazo quando che i ne lasava. Poco però. E 'lora vedi sopra.
Mi scrivaria creperie con un acento, altrimenti se pol stracapir.

[babatriestina]

mi dei castei iero, come dir, bulimica.. no me bastava mai! e ognidun gaveva la sua storia.. i più grandi xe i più famosi, ma i pici ga spesso qualcossa in più. i mobili de famiglia, ancora abitati in parte..

per la crêperie, l'ultima sera ierimo a Angers.Iera el 1971.. entreno in un ristorante, trovemo un tavolo, se sentemo, iera poca gente, spetemo, spetemo.. dopo un quarto de ora gnanca no i ne ga portado la lista. Se vardemo: qua no xe posto. Andemo fora e vedemo in un vial una serie de tavoli pieni de muleria, come de noi in pizzeria. Xe una crêperie, che no savevimo ben, gavemo imaginado palacinche.. trovemo come in ristorante un menu a prezzo fisso, assai bon prezzo, iera tre crêpes salade e una dolce. Ordinemo, se spetavimo tipo omlet, e inveze le iera quele grandi bretoni de grano sarasin farcide, insoma, bon ala prima, za sazie la seconda, gavemo dovudo saltar la terza per far onor ala quarta dolce che me ricordo ancora che iera con lamponi. Sazie che no te digo, el giorno dopo in treno no gavemo magnado gnente, che se disevimo: pranzo? pensa a quel de ieri e te son ancora sazia! Mai più visto dopo nele crêperie menu cussì completi..
la logistica fazeva mama, adesso no go voia de guidar, no go voia de zercar.. e nei viagi organizzai li molo assai spesso e vado per le mie!

[Ciancele]

Mi dei castei iero, come dir, bulimica.. no me bastava mai! e ognidun gaveva la sua storia.. i più grandi xe i più famosi, ma i pici ga spesso qualcossa in più. i mobili de famiglia, ancora abitati in parte..
No poso che darte ragion. E par questo vado anca mi pa'le mie!

Per la crêperie, l'ultima sera ierimo a Angers.Iera el 1971.. entreno in un ristorante, trovemo un tavolo, se sentemo, iera poca gente, spetemo, spetemo.. dopo un quarto de ora gnanca no i ne ga portado la lista. Se vardemo: qua no xe posto. Andemo fora e vedemo in un vial una serie de tavoli pieni de muleria, come de noi in pizzeria. Xe una crêperie, che no savevimo ben, gavemo imaginado palacinche.. trovemo come in ristorante un menu a prezzo fisso, assai bon prezzo, iera tre crêpes salade e una dolce. Ordinemo, se spetavimo tipo omlet, e inveze le iera quele grandi bretoni de grano sarasin farcide, insoma, bon ala prima, za sazie la seconda, gavemo dovudo saltar la terza per far onor ala quarta dolce che me ricordo ancora che iera con lamponi. Sazie che no te digo, el giorno dopo in treno no gavemo magnado gnente, che se disevimo: pranzo? pensa a quel de ieri e te son ancora sazia! Mai più visto dopo nele crêperie menu cussì completi..
la logistica fazeva mama, adesso no go voia de guidar, no go voia de zercar.. e nei viagi organizzai li molo assai spesso e vado per le mie!

Queste crepes le go magnade su l'isola de Usedom in Germania, mar de l'est. Un toco de l'isola xe Polonia. Veramente bone. A Angers son sta nel 1984, noze de argento. Viagio organiza lo go fato a Mallorca. Po la ancora gite organizade e i ne portava dove che bisogna comprar qualcosa e nei locai che i voleva lori. Par quel vado piu che poso indipendente. Finora me xe andada sempre ben.

[babatriestina]

ah no nei viaggi che vado mi no xe negozi per spese dove ch ei vol lori. E per pranzi e zene a volte i ne porta lori ( presempio in Ucraina, fdove che propio no gavessi savudo decider e ordinar mi) ma altre volte xe pati liberi.
Ste crepes adesso se le trova facilmente in francia, in Normandia, in Bretagna, e anche in svizzera francese, ma nei anni 70 per noi ier a novità. Mi de sola viaggio organizzada de parecchi anni. In Asia po India, Cina, Cambigia e loghi simili no me vedevo andar de sola.. e adesso vedo che i viaggi che me interessa xe spesso organizai, lori ne meti in pullman e mi legio libri.. po dipendi anche dele compagnie: xe agenzie dove chei va soloc he per sdrondonarse magnar ( che bel viaggio! gavemo magnado come porchi! o gavemo ciapado sol in spiagia ogni giorno!) e viaggi che te port a in giro, magari con un archeologo vizin.. e el gruppo xe interessado a ste robe; e magari i te pronta permessi o rpenotazioni che no sempre de soli se sa che xe de far. certo, no me iscriverò mai in quei che prevedi principalmente visite alla Swarowski, per dir una.. ovio che no se pol veder tuto quel che se vedessi de soli, ma magari se perdessi più tempo coi trasporti.. e magari in posti poco conossudi no se sa ben cossa che merita de veder. Se te vedi quel che posto de foto- e qua no la fazzo assai longa, te vedi che no me manca de veder roba!

ps no go mai pensado de andar in viaggio organizzado a Mallorca..

[Ciancele]

..... ps no go mai pensado de andar in viaggio organizzado a Mallorca .....

Baba, un pensionà che no iera a Mallorca se devi qua vergognar.

[babatriestina]

..... ps no go mai pensado de andar in viaggio organizzado a Mallorca .....

Baba, un pensionà che no iera a Mallorca se devi qua vergognar.

sarà per quando che sarò vecia...

[Ciancele]

....
Baba, un pensionà che no iera a Mallorca se devi qua vergognar.
sarà per quando che sarò vecia...

Anca mi go una lista de robe che volaria far co' sarò vecio.

[Ciancele]

Stasera in tavola? Pizza, fata dela putela. Se no moro ve conto come che iera.

[babatriestina]

una roba ala svelta: gavevo peveroni, li go taiai in due, netai passadi un minuto in microonde che i se amorbidissi e impgnidi de carne macinata. Quela del supermerket, che xe rossa de fora e grigetta de dentro, ma una volta cotto no se ghe bada. Un poco de sal, pevere, un fil de oio.. e 20 minuti in forno. Vanzerà per doman..
per pice dosi no me meto a cior carne e masinarmela in casa, altro toco che saria de lavar..

[Ciancele]

Dear Macondo, I get younger and younger. Yesterday I was eighteen. Teenager. 1945. Go fato fried sliced white bread (fete de pan bianco frite) con formaio e zivole. Pasto abituale dela domenica in caserma inglese, tipo tapas. Pan frito con sardine soto oio. Then officer's tea (tè bon, pai uficiai) and cream (late condensà). Sicome che no gavevo tè, go bevù bianco e roso, i resti de do botilie. Learning by doing: tornarò a far, speremo che vegni più meio.

[Ciancele]

Una roba ala svelta: gavevo peveroni, li go taiai in due, netai passadi un minuto in microonde che i se amorbidissi e impignidi de carne masinada. Quela del supermerket, che xe rossa de fora e grigeta de dentro, ma una volta cota no se ghe bada. Un poco de sal, pevere, un fil de oio.. e 20 minuti in forno. Vanzerà per doman..
Per pice dosi no me meto a cior carne e masinarmela in casa, altro toco che saria de lavar..

Me ricorda un cogo talian, forsi go za contà, che me diseva che par la piza el ciol roba no de prima qualità. Dopo diversi minuti in forno a alta temperatura, co' la piza vien fora no se vedi la diferenza tra i funghi e salame scarto e funghi e salame de prima prima qualità. Po l'origano copa qualsiasi gusto.

[Ciancele]

Fioi mii, ogi a pranzo go magnà una roba che sicuramente no gavè mai magnà: tris de melanzane. Che saria fete de melanzane impanade su un leto de fete de melanzane impanade con contorno de fete de melanzane impanade.
Adeso ve laso parchè la putela me ciama che la me ga scaldà i osi. No i mii. Sì, i mii, parchè i xe par mi. Come diseva Bocuse? Bon apetit.

[babatriestina]

Boon!
mi de picia no me piaseva verdure, ma co go visto melanzane impanade go domandado ingenuamente Xe videl frito? e mama no volendo dir bugie del tuto ma sperando de farme magnar ga risposto Xe videl frito "spagnol" . Co go finido de magnar, la me ga dito che iera melanzane.
Ma mi ieri e ogi.. sardoni impanadi!! ieri el piato, e ogi i vanzumi..

[Ciancele]

Boon!
Mi de picia no me piaseva verdure, ma co go visto melanzane impanade go domandado ingenuamente Xe videl frito? e mama no volendo dir bugie del tuto ma sperando de farme magnar ga risposto Xe videl frito "spagnol" . Co go finido de magnar, la me ga dito che iera melanzane.
Ma mi ieri e ogi.. sardoni impanadi!! ieri el piato, e ogi i vanzumi..

Ieri i ultimi sardoni in savor e alici distese, ma comprade. Domani sera, se la putela no cambia idea, caramai friti.

[Ciancele]

Stamatina el mato che sta vizin de mi (il mio vicino di casa) me ga agurà bona giornada. Me go dito: El mato perdi colpi, parchè se podeva cantar piova piovisina. Ma se vedi che el gaveva proprietà divinatorie, parchè el tempo ga miliorà. E a mezogiorno la putela ga preparà smerdanzane impanade (melanzane impanate). Veramente le go impanà mi. La putela no ga studià de mia mama, parchè le fete iera tropo grose. Mi le taio più fine. Ma le iera bone losteso. Bevanda: aqua o Lagrein. Tertium non datur. Inveze tertium datur, parchè gavevo ancora un botilia de Riesling. El Lagrein lo bevarò adeso. Dopo magnà (Nel primo pomeriggio) el tempo xe ‘ndà in vaca (si è guastato), ga piovù e adeso el ciel xe nuvolà e tona (si sentono tuoni). Meno mal che in quartier no me piovi, che go de magnar E DE BEVER.
Ve ricordè? Piova piovisina la gata la va in cusina, la va soto el leto e la trova un sorzeto. El sorzeto xe tropo duro e la lo taca sul muro. Dopo ognidun continua a modo suo.
Per chiudere un indovinelo: La risa la rasa, la cori par la casa, tuti la senti e nisun no la vedi. Cosa xe?

[babatriestina]

Per chiudere un indovinelo: La risa la rasa, la cori par la casa, tuti la senti e nisun no la vedi. Cosa xe?

per Cechelin, iera i enigmi de Turandot

[sum culex]

Per chiudere un indovinelo: La risa la rasa, la cori par la casa, tuti la senti e nisun no la vedi. Cosa xe?

Manca el final: ......ma tuti la nasa!
A sto punto saveno tuti de cossa che se trata.
ciao
sum culex