Cuciniamo? Oggi in Tavola!!!!!

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

so i guanti che te disi ma no me trovo ben istesso. Le sarese costa sempre e ma fruti che costi al chilo meno de 3-4 euro no xe de nissun tipo. E gnanca in Spagna go visto. Forsi in grecia che i ga prezi bassi. In germanio dove che viaggiavo go trovato tanti mercatini in piazza, ma me pareva convenuienti sopratuto fruti de bosco. sarese belissime e bonissime go magnado a Lubecca


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: lun 16 lug 2018, 10:37 so i guanti che te disi ma no me trovo ben istesso. Le sarese costa sempre e ma fruti che costi al chilo meno de 3-4 euro no xe de nissun tipo. E gnanca in Spagna go visto. Forsi in grecia che i ga prezi bassi. In germanio dove che viaggiavo go trovato tanti mercatini in piazza, ma me pareva convenienti sopratuto fruti de bosco. sarese belissime e bonissime go magnado a Lubecca.
Le sariese qua le vien de la Turchia e Spagna. Prezo meno de sie euro. Ma paese che vai fruti che trovi. Sul lago de Costanza te ga pomi, nela Lüneburger Heide (brughiera?) se trova i mirtilli, che la gente va ingrumar a chili. E le fragole, che se pol anca ingrumar del campo e costa circa la metà de qual che se paga in negozio. Fragole de bosco anca, ma bisogna saver dove. In negozio no se trova. Me ricordo che mia mama le cioleva qualche volta in Ponterosso. Nela Lüneburger Heide xe anca gregi de pecore speciali coi corni (Heidschnucken) e se magna 'sai castrà. Lubecca xe famosa pal Marzipan (marzapane?). Ma mi go magnà sul careto un sanduic de carne rosta. Spetacolosa.
Baba, cambiemo discorso che vien slorda (fame). ;--D


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

La setimana pasada, venerdi matina, iero in Francia, in un supermercato. I vendeva la coda de rospo (gnoco: Seeteufel, francese: lotte) a 17 euro el chilo. Qua a partir de 30. Anca par 29, ma xe codisine de rospeti. La mia gaveva un chilo e mezo. A casa go fato quatro bele fete per la grilia e la coda pal forno col vin bianco. I gaveva anca fileti de trilia a 20 euro. No triliete spisimete (piccine, piccine, picciò), bele. Do fileti una porzion. Go za scrito una volta che un mucio de gnochi vien de un ragio de 50/60 chilometri. I crompa e i torna a casa. Tuto in una matina. Se trova roba che in Germania no se vedi, ma anca francesi i va, par esempio, a Karlsruhe e dintorni a crompar roba. Roba che in Francia no se trova.
Pasà el confin e rivai in Germania, iera el careto che vendeva patate, fighi, ovi. Gavemo crompà patate, par tuto l’inverno, tre fighi a testa e diese ovi. I ovi costava 38 cent. L’un. Ghe go dito che de noi de sabo (sabato) al mercato i costa 29 cent. I me ga dito che i sui ovi xe de galine razolanti. Ghe go domandà se i devi corerghe drio a ogni galina par fregarghe (raccogliere) l’ovo e che par quel costa tanto. I me ga vardà de bruto. I me ga dito che me acorzerò dela diferenza a marenda (colazione). Sì, me go inacorto. In tal prezo.
Sabato sera go magnà pedoci. Mia fia ga dito che devo vignir a farli. Stavolta no mezo chilo in tre ma mezo chilo par testa. Anca col vin bianco. Se gavè sentì un ruton (ruttino) vol dir che i iera boni.
Sani (Cordiali saluti).


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia »

Eh sì, te ga comprà e magnà sai ben! :D


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Coda de rospo: qua te la trovi del 32 euro al chilo a circa 18.. però te devi veder el origine. se xe del Atlantico ( meio, roba de noi) o del Pacifico o Ocenao indian e quel costa meno. In pescheria vizin de mi i xe siorazi e " o la la compra tuta o no vendemo meno de un toco intiero". Ai supermercati che ga reparto pescehria no i fa storie o i le ga pice, bon prezo e i te l e neta sul momento.
In germania go visto ssai bei fruti de bosco, lamponi che qua xe misereti e costa cari. però gavemo i fighi blu de Muja, in piazza ( Mercato coperto) E sti giorni no ga piovudo ma xe assia porcini dela Slovenia, in piazza e me ga portado un amica dela Slovenia. Ogi risoto.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Baba mia, anca in Francia i xe siorazi. Volevo quatro fete e i me ga dito o tuto o gnente. Dopo un barufon co'la vecia (una discussione con la gntile consorte) go ciolto el pese intiero, perchè la baba me ga dito che lo podevon congelar in frizer (freezer). Te ga ragion, nei supermercati i te vendi anca una feta.
In Germania cresi ben ribes, frambua (lamponi), fragole, susini, pomi, mirtili, uva spina (che go magnà par la prima volta in Istria, tantisimi ani fa, squasi putel.). Stamatina son 'ndà cola putela al mercato coperto. Go crompá fungheti e torteloni. Go speso un patrimonio, ma iera tuto comestibile. A bon prezo te trovi i porcini coltivai, ma i ga poco gusto. I fungheti li go pagai 38 euro el chilo. I torteloni, con spinaze e formaio, a 12 euro el chilo. Al supermercato i costa meno dela metà, ma la pasta se spapola e el de dentro xe 'ncora duro. Dopo go visto parsuto Parma o San Daniele a squasi 50 euro el chilo. Nei supermercati meno dela metà. Ma el val anca meno dela metà. E costolete de manzo dai 20 ai 50 euro, entrecote a poco meno de 40. Sabato vado de mio fio e par che el voli far BBQ. Ghe domandarò se devo portar carne. Lu el sta in tuna picola cità e no'l ga la sielta che go mi. El supermercato talian, quel dela mortadela, ga anca carne. De Bergamo. A 25,50 le t-bone steaks. Insoma se te vol roba decente te devi girar e qualche volta xe più conveniente spender de più. In un paeseto a circa 60 chilometri de qua xe una fatoria che vendi patate, zivole, salami (insaccato) e carne. Co' ne ciapa fazemo una picola gita, ma la carne iera veramente bona. E no ocori magnar tre chili, ma anca una bistechina de un poco più de diese deca (un etto) za te sodisfa.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Fioi, dopo lunga e penosa malatia go fato la coda de rospo al forno con patate e vin bianco. Ala putela ghe ga piaso e cusì go un problema de meno. Go paura che el problema son mi: autocritica severissima. Me gavevo sperà che sia più bon, ma el merluzo me piasi qualche volta de più. Quel che no go capì xe come far le patate. Nei video i meti le patate crude in forno a 170 gradi par 20 minuti e le vien fora bele, con una crostisina che fa apetito. Mi le go scotade (sbollentate) e dopo meza ora de forno a 200 gradi insieme col pese le iera più palide de mi. Le go tirade fora e mese in farsora. Le ga ciapà un poco de color. El bon xe che le gaveva gusto de salsa de pese con vin bianco. Per cusinar go ciolto un pinot bianco, bevù gavemo Riesling dela Mosela. El 27 go invità mia fia (e clapa) a magnar pedoci. Li voio far in parte col vin bianco insieme con caparozoli e in parte gratin. Se fazo ve conto, nela speranza che me dovè lodar e no dirme m...artire, dei pedoci gratin. Stasera do panini con salame francese. No fato de noi, ma crompà de noi. Non è il peggior dei mali. :arf2_140:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Semo là e là... mi gavevo letto una rizeta che me pareva bela, ma la go leta in furia: sardoni e patate ( e in mezzo -- formaio! ) una specie de parmigiana in bianco de sardoni. Alici, ghe diseva la siora che no xe triestina.
Mi senza pensar go messo a strati sardoni netai e verti a libro (senza spina) e fetine d e patate crude taiade a circa un millimetro, in mezo fetine de mozarella, sal pevere e un per de cuciari de oio e go messo in forno a 200. Dopo meza ora le patate iera ancora crude e i sardoni molava acqua. Dopo altri diese minuti go ritirado e go passado in microonde. ben po la siora dela rizeta ma ga dito che le patate va lessade prima, in micoronde! e dopo taiade a fette!


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Qua se disi: Papier ist geduldig = La carta è paziente. Noi disemo forsi: La carta se lasa scriver. Se intendi che el pupolo o quel che xe scrito no corispondi sempre al vero. Par quel mi go sbrovado (sbollentato) le patate diese minuti e go spetà che le se sfredi. Dopo che el tentativo de rostirle col pese xe ‘ndà a sbuso (fallito), go meso le patate in farsora. De mi digo che xe forsi un problema de soramanigo (carenza di attitudine?). Mia mama fazeva le patate col videl rosto e le vigniva ben. Ma ela gaveva imparà a cusinar con coghi veri (Rosticceria Triestina in via Carducci, anni 1930-33?). Mi no. Mi self-made. Par quel la prosima volta le sbrovarò, ma za taiade a tocheti, cubeti o balete, come quele de gelato, ma più picole. Po le butarò in farsora e proprio i ultimi zinque minuti nel pese o carne rosta. Che le ciapi un poco de gusto, ma le xe za cola crostisina. E po vedaremo. Se no funziona no le buto più intal sugo e po bon.
Mi me go crompà un atrezo da cucina per scavar balete in patate, carote. Naturalmente go un mucio de patata de scarto, ma fazo un bel pirè (purea) e go risolto el problema. El pirè lo fazo de solito con le alete de galina roste. Nel pirè meto butiro e pana, ma anca noce moscata gratada. Tanti fa col late, parchè xe meno graso. Ma cola pana ga più gusto.
Una altra posibilità xe de gratar le patate con una grata larga (trucioli di patata?) e farle in farsoreta con poco graso, una specie de fritaia, sensa ovo, come le patate svizere. Sal e pevere. Al lavoro. :clapping_213: :clapping_213:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

San Ciancele vergine e martire. Vergine? di servo encomio. Martire? Sì, parche de ogi in avanti (in poi) dovarò spartir (dividere) le melanzane impanade col putelin, che xe qua in visita par una setimana, vacanza de scola. Ghe ga piaso. Su pare, mio fio, un porco. In Italia, durante le ferie estive, el ga fato bever a un povero putelin apena tredicene un sorbeto de limone. E a 'sto povaro putelin apena tredicene ghe ga piaso!! Ogi el xe 'ndà con su nona in cità, in gelateria, e cosa el ga ordina? No steme far ripeter. Gavè indovinà. Adeso savè con chi che devo divider el mio prosimo sorbeto de limone. :evil:
L'unica roba che no devo ('ncora) spartir xe el Tramino bianco (Gewürztraminer). Ma usque tandem?


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia »

:lol: :lol: :lol: :lol: :lol: :lol:


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Cuciniamo? Oggi in tavola? Me piasaria saver anca mi cosa che rivarà. Ieri matina, al mercato, go crompà un camion de osi. Metà per far brodo e metà con carne, come la zima dela coda de manzo. El brodo se cusina e i osi anca. Pai osi de carne go fato un disfrito de zivola, aio e peperoncino e go meso i osi in forno a rostir a 200 gradi. Po go zontà carota, selino (sedano) e porro (porree?). Go fato svampir (evaporare) un bon sluc (sorso) de vin bianco (Riesling). Dopo go butà i osi rosti drento nela pignata. I se sta cusinando. L’ultima volta son restà contento. Speremo che anca sta volta no i me tradisi.
I osi par brodo xe i osi dele articolazioni del femore, segadi in tocheti. No so come che i se ciama par talian, forsi anca parchè a mi no me par de gaverli visti. Mia mama cioleva sempre osi de vedel, con tanti bei, e boni, nerveti. Par gnoco i se ciama Sandknochen. Tradoto leteralmente saria osi sabia. No sarà miga per caso osi sabiai, cioè trattati a mezzo sabbiatura? ;--D I xe lustri che no ve conto, sensa un nerveto. Un libro disi che xe osi con midola. Se xe vero, la midola i la tirada fora e magnada lori. Speremo che almeno el brodo sia bevibile. La putela voleva meter anca un toco de carne, de coda de manzo. Xe una feta de coda con un oso con midola in mezo e un contorno de carne. La carne dela coda de manzo xe bona per farla in salata, cole zivole. Una specie de osobuco de coda. Go provà a farla rosta, ma no vien ben.
Ve contarò.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia »

Bona domenica Ciancele e bon apetito!


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Nona Picia ha scritto: dom 21 ott 2018, 10:03 Bona domenica Ciancele e bon apetito!
Nona Picia, pol vignir guera. La putela ga meso in frigo un do (circa 2) litri de brodo. I osi li go zuzadi (succhiati). E i osi con un poco de carne (credo che in italiano si dica scarnati od anche decarnati*) i ga dado quatro porzioni singole de sugheto per gnoconi, gnochi de patate o patate piré (purea di patate). Stasera no gavemo tanta fame e la ga preparà matavilz (no me vien par talian, ma gavemo el vocabolarieto) con fasoi bianchi e aio. E noi che figli siamo, b..... Che cosa? O un rosso Bordeaux o un bianco Soave o Riesling. E se no basta go la riserva di fero: vin de pomi. :doh_143:

* Decarnati è forse un francesismo: décharné.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia »

Benon Ciancele! Stasera dieta! Matavilz= Valeriana o valerianella


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

o anche soncino..
mi son reduce de cusina parigina..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: dom 21 ott 2018, 20:22 o anche soncino..
mi son reduce de cusina parigina.
Una specialità de Parigi xe haricots blancs aux crudités. ;--D


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

quei te li lasso...


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Nisun me ga domandà cosa che go, cosa che gavemo, magnà domenica sera. O no ve interesa o gavè paura de morir de invidia. Opto par la seconda posibilità. Sabato go trovà pedoci. No pedoceti, pedoci. Pedocioni. Mia fia li ga magnai qualche setimana fa in Francia. Una parte go fato gratin. Se fazo un esame de cosienza devo dir che la prosima volta i devi vignir meio. Una parte go fato con vin bianco. E po go trovà anca caparozoli grandi. I li ciama veraci. Anca col vin. Me pareva de eser la granda ristorazione, parchè go cusinà par sei de lori. Zinque iera sodisfati. Mia fia ga fato un sorbeto de limon gnente schifoso. Cosa volè che ve digo: I se ga invità el mese prosimo. :twisted:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Amici, eruditemi! San Martino xe pasà, ma qua de San Martino ala prima domenica de avento, ma anca fina a Nadal, se usa magnar oca rosta in forno. Specialmente l'11 novembre tuti, tuti quei che i pol, i va a magnar in tratoria l'oca. Qualche ristorante vendi per asporto un'oca de sie/oto porzioni e una botilia de nero per circa 100/140 euro. Diversi ristoranti i fa l'oca intiera, farcita, ma tanti altri fa solo la zata (gamba) rosta. Par quel i ga fato l'incrocio con un milepiedi. Se usa anca in Italia a far oca? Go visto diverse ricete, ma go sentì poco. Anatra xe picia, do porzioni (le zate) e un toco de peto. Veramente se vedi solo el peto: Entenbrust. El problema xe che in tanti ristoranti i cusina oca o anatra e po do minuti nel grill, ma no ga el gusto del forno. Ancora un per de giorni semo ciapai (molto occupati), ma la putela ga dito che la vol far do zate, zatone?, de oca roste, coi cavoli rosi e patatine. Coscioti surgelai i costa circa 8/10 euro al chilo, carne fresca sui 20/25, del contadin anca 30. L'ultima volta go pagà 20/25 e la carne iera bona. Spetemo.


Torna a “El salotin”