Cuciniamo? Oggi in Tavola!!!!!

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2934
Iscritto il: ven 24 set 2010, 19:38

Re: Cuciniamo? Oggi in Tavola!!!!!

Messaggio da Piereto »

No steme ricordar domenica 11 perchè gavevo anche prenotà in bisiacheria per andar in ristorante a gustarme petto de oca col suo sugo e coi gnocchi de patate, e po... l'auto ga fato i capricci e go dovesto disdir :evil: Speremo sarà per un altro anno
Dalle nostre parti se magna sai raramente oca.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Sono belo come Paride, sono forte come Anibale. Cusì cantaimo una volta. Mi son forte come Achile. Vardando in pignata go visto giusto: schinco de vedel. Con un bel sugheto. El resto del sugheto lo magnarò con qualche specie de pasta. El schinco iera metà, do picole porzioni, ma suficienti par noi povari veci veceti. Come antipasto do picoli osi cola midola, che me ga portà ieri mia fia. La xe vignuda col can e 'sto mato el me squasi morsigava parchè ghe magnavo i sui osi. Se gavemo meso dacordo: mi la midola e lu i osi. Ma cusì suti? Vita de can. :cheezy_298:
L'altra metà del schinco la voio far mi, coi bisi.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Mi go trovado giovedi del macelaio cinghial, za in tochi e marinado. nel dubio lo go marinado ancora una notte in vin rosso
Cusinado un per de ore, po lo go magnado con patate lesse a quarti. Ga vanzado, go zontado panzetta, ancora oio, acqua e dado per brodo ( per rifar le sugo) e gnocchi de patate- pronti perché sabato iero sola, Stasera cossa magnerò? ancor avanzumi de cinghial e patate...


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: dom 18 nov 2018, 18:50 Mi go trovado giovedi del macelaio cinghial, za in tochi e marinado. nel dubio lo go marinado ancora una notte in vin rosso
Cusinado un per de ore, po lo go magnado con patate lesse a quarti. Ga vanzado, go zontado panzetta, ancora oio, acqua e dado per brodo ( per rifar le sugo) e gnocchi de patate- pronti perché sabato iero sola, Stasera cossa magnerò? ancor avanzumi de cinghial e patate...
Paese che vai, usanze che trovi. Noi qua la carne la crompemo del becher. ;--D

El mio problema xe che son un povaro vecio veceto. Magno poco parchè no go fame. Solo sede. El dotor disi che devo bever do litri al giorno. Adeso savè par cosa che mi son sempre in bala. Tuti me invita a pranzo, ma cola condizion che le mie bevande le pago mi. Ieri sera go magnà un poco de ua, de fighi sechi e de biscoti salai. E do mandarini. Stasera forsi una feta de pan e buro. Dopo ciogo le pirole e tra pirole e aqua xe un pasto. Basta salute.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

qua becheri come una volta no xe più, macelai e rosticerie.. te risci de trovar un pek che se presenta come Baker


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: dom 18 nov 2018, 21:06 qua becheri come una volta no xe più, macelai e rosticerie.. te risci de trovar un pek che se presenta come Baker.
Bongiorno, bongiorno. Te ga ragion. No se va più del barbier ma a una seduta de keralogia. El porziter xe el provider de una boutique de luganighe. No son più datilografo, ma tecnico IT.


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

in effetti go visto che anche lu dentro se dà del bechèr Come Josefine..

ben bon complice el tempo go ingrumado rizete nele pagine wiki https://www.atrieste.eu/Wiki/doku.php?id=ricette:indice cussì le gavemo un poco rodinade, e po.. me piaseria sbarcar su facebook con ste pagine, visto che anch ei forumisti a volte ne legi là..


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Ogi col fredo pasticcio de lasagne. fate le lasagne in casa, besciamel in casa, ragù fato ieri in dose abondante.. se sta scaldando in forno


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: mar 20 nov 2018, 12:32 Ogi col fredo pasticcio de lasagne. fate le lasagne in casa, besciamel in casa, ragù fato ieri in dose abondante.. se sta scaldando in forno.
Anch'io ho fatto oggi un pasticcio. Ma non di lasagne. Per penitenza me ga tocà magnar vanzumi: el resto del sugheto de domenica e el resto de un vecio pacheto de fusili. No i me piasi. Me piaseria inveze far la pasta in casa, ma devo far domanda su carta bolata. L'unica roba dove no go mai vanzumi xe el ...? Sì, gavè indovinà. :cheezy_298:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Meto quel che magnarò ogni giorno per i prosimi do mesi: parsuto de Sesana e panzeta de l'Istria. E bever: Aqua. Vite, naturalmente. Stamatina go dovesto 'ndar in comun a far far el certificato che son in vita. I me fa penar, ma spero de farli rabiar ancora per diversi aneti. :clapping_213: Do pasi più avanti xe un negozio che vendi roba slovena e croata e go crompà parsuto de Sezana. I lo vendi a tochi de mezo chilo e no a fetine. Per do mesi ogni giorno pan parsuto e vino. Po go crompà anca 20 deca de panzeta. No so de dove e ve conterò se la me ga piaso. El parsuto no iera la fine del mondo e no se pol gnanca pretender. Ma no'l iera pezo del Parma o San Daniele dei cosideti filialisti. E po par la metà dei soldi. La mula me ga domandà se voio loza e mi par no far veder che no capiso croato ghe go dito de sì. Un litro de trapa. Colpa mia che no capiso. Me sacrificherò. El problema xe che la putela me ga dito: Ciò, mi son tua molie e se dividemo tuto. Cusì se sacrificheremo in do. Mal comune ...


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: Cuciniamo? Oggi in Tavola!!!!!

Messaggio da Nona Picia »

:lol: :lol: :lol: :clapping_213: :clapping_213: :clapping_213:


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Oggi in piazza ( Mercato Coperto) go trovado funghi porcini: risotto! e stasera articiochi anche zxa netai pronti in piazza. E per doman go trovado asià, netado e surgelado, doman al a griglia.
E fruti a biondodio, fra piazza e supermercati in barriera!
NB se no gavè idee, stago agiornando la pagina del ricettario dle forum..

https://www.atrieste.eu/Wiki/doku.php?id=ricette:indice


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: ven 30 nov 2018, 13:27 Oggi in piazza ( Mercato Coperto) go trovado funghi porcini: risotto! e stasera articiochi anche za netai pronti in piazza. E per doman go trovado asià, netado e surgelado, doman ala griglia.
E fruti a biondodio, fra piazza e supermercati in barriera.
Mi no go trovà gnente, nè par ogi nè par doman nè par dopodoman. Vita dura vita patisi. In tun momento de aberazione mentale go crompà torteloni. Tortelon de butar in scovazon. Me go dito m... e go promeso de no comprarli più. Spero che no sarò fedifrago, che mantegnerò la parola. La putela ga rimandà a sabato prosimo zerta roba, parchè la ga dito che bisogna prima consumar quel che gavemo in frigo. La xe recidiva, parchè no xe la prima volta che la rimanda. El problema xe che bisogna 'ndar in cità, al magazin coverto. Là se trova la roba par far coi capuzi, bistechine de un chilo, torteloni con roba diversa, ma a 12 euro al chilo. Fungheti comestibili, no scovaze, ma a 30 euro. Se un autosilo a circa cento metri. Pese bisogna andar a 8/10 chilometri, ma te ga sielta e qualità. A prezi che se pol pagar. A 12 chilometri xe i turchi e xe un negozio che vendi pese e un picolo supermercato. Un poco più in là un croato. A prezi ancora più boni, parchè i xe a prova de turco. Come anca carne de videl, de castrà e alete de galina. I negozi i xe anca 'bastanza neti. No stemo spander.
Baba, cavime una curiosità. Cosa vol dir ala griglia. Par mi la griglia xe carbon, forsi eletrico. Senza busi xe la plancha (piastra) e dopo vien la farsora, che saria la padella. Mi la go fisa col fornelin a gas che se va in tenda e sora te meti una lastra o qualche roba de simile. La putela no me lasa parchè la ga paura che brusi el quartier. Ma tentar non nuoce. Cosa ve par?


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Griglai in casa per mi xe quele padelle co rilievi a righe che lassa i segnic ome se grigliassi, e xe quel che i ciama alla griglia nei ristoranti che no ga el grill in giardin. La piastra per mi xe lissa e spesso de piera.

Ma per i torteloni, ieri go fato una prova, quei de pesse: go fato la pasta al uovo in casa , la go tirada fina come pe ri corstoli, e per ripien go fato una roba che go trovado sugerida su una rivista de cusina online: due filetti de branzin, quei surgelai che no ga spini, passai un minuto al microonde per cavarghe meio la pele, passai in fersonina antiaderente con oio e scalogno, e po missiai con pan de cassetta smoiado nel late, sla e pevere e persemolo. Con questo go fato i torteloni, xe vegnui boni. Solo come sugo go messo pana liquida che no saveva de gnente. la rizeta diseva verdurien e pomidoro ma mi preferisso sentir el gusto del pesse senza pomidoro. No ocori andar a comprar lontan, i surgelati se trova ormai dapertuto.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Diversi ani fa go fato un corso de cusina de un cogo con una stela. Gavemo fato i torteloni de pese. El pese lo gavemo tazà o masinà, ma più o meno come che te ga fato ti. El sugo iera fondo de pese e un poco de pana. Iera bastanza bon. Mi parlavo dei tortelini o pasta con ripieno che se trova nei supermercati. Gnente xe meo che quela roba. Par quel go dito de andar al magazin coverto, dove che xe una taliana (tagliana!) che de ani fa tortelini e pasta fresca. Tuta un'altra roba. Qua i vendi 'sai la Rana, ma la concorenza no xe comestibile. La pasta diventa mola e el ripien xe sempre un poco garbo. Chi che ga la posibilità de cusinar godi. Mi me sforzo de cusinar, ma credime che qualche volta son meio dei ristoranti. In do o tre robe. Go magnà coscioto de oca fora e in casa, fato dela putela. Una diferenza tra giorno e note. Cosce de oca fresche, de circa mezo chilo, le costa meno de 20 euro al chilo. Do cosce, un chilo, le costa come una in ristorante e sicome che semo in do xe una sesantina de euro cole bevande. A casa xe più bon e costa la metà. Con le bevande che xe meio de quele del ristorante. Tre biceri de vin in do costa come una bona botilia in fiascheteria. El vin xe bon, ga corpo e no ocori bever do biceri. Un bon bicer te sazia. Ierimo in Alsazia e la putela ga ciolto el famoso peto de oca. De famoso iera solo el prezo. Go provà un toco. No go spudà parchè no se devi. Digo sempre che iero in guera e che poso soportar qualsiasi roba. Mi ciogo un antipasto e due dessert. Cusì nisun me frega. :cheezy_298:


Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Ogi provo a far putizza. la fazevo una volta, ma no me dava sodisfazion el risultato. Go provado a cambiar rizeta... la sta lievitando la terza volta.. dopo ve conto


"mi credo che i scrivi sta roba per insempiar la gente" ( La Cittadella)
Avatar utente
babatriestina
senator
senator
Messaggi: 41256
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

me par riuscida.. ve dzaarò la rizeta


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Ogi magnaremo zuf!


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Ogi son 'ndà a cior i risultati de l'esame del sangue. Son un poco anemico. La putela pezo de mi. El dotor ga dito che poso cior una pirola e paga la mutua. Opur ciogo un'altra roba, ma con riceta privata che pago mi. Go ciolto l'altra roba, una bisteca de squasi mezo chilo. E la fazo in farsora con patatine frite (french fries). Vin nero (Merlot) che sbasa la presion. È ipotensivo. Una roseta pal sugheto e gelato. Dopo el gelato vegnarà el momento più bel: eine Trapeten. Oder zwei. Come in quela canzoneta. Lunedì mando la putela a farse controlar l'anemia. ;--D Po vedemo.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Ciancele ha scritto: ven 7 dic 2018, 13:39 Ogi magnaremo zuf!
Mangiammo. Guai chi che parla mal del zuf! :evil: :twisted:


Torna a “El salotin”