Cuciniamo? Oggi in Tavola!!!!!

[Ciancele]

Per chiudere un indovinelo: La risa la rasa, la cori par la casa, tuti la senti e nisun no la vedi. Cosa xe?

Manca el final: ......ma tuti la nasa!
A sto punto savemo tuti de cossa che se trata.
ciao
sum culex

El problema che qua nei concorsi no se pol meter roba dificile, ma solo roba che tuti podaria indovinar. Come esempio: Un ponte a Trieste. Ponte lurto. Tuti savaria coreger. E 'lora no me go fidà.
PS: No xe fiaba, xe vero. Qua una volta: La sveglia che ti sveglia è la sveglia Cavallar. Te scrivi 'lora: Callavar.

[Ciancele]

Dopo lunga e penosa malatia ieri la putela me ga lasà cusinar. Comunico urbi et orbi quel che go fato. PS/OT: Orbi xe latin, no dialeto!
Un amuse-gueule (stuzzichino?) a base de caramai friti. Do anei giusto par sconsumarli. L’amuse-gueule vien ciamado anca Gruß aus der Küche = Saluto dalla cucina. Saria squisite picoleze che solo coghi de altissimo rango sa far. Za qua se vedi la mia inata modestia.
Dopo caramai in tecia con polenta. Demoghe la colpa ai caramai che no i iera freschi. Cusì gavemo un pensier de meno. El sugheto no iera malvagio e la polenta comestibile. Noi gavemo qua el Vorspeise (che saria prima de magnar, insoma l’antipasto) e el Nachspeise (che saria dopo magnà, insoma el deser [dessert]). El nostro Nachspeise iera fragole con sugo de limon e zucaro, con do balete de gelato vanilia. Diametro? Do metri. Vin: una cuvée de Riesling e Chardonnay. Potabile.
El rutin lo gavemo anca fato, ma ‘pena dopo el rodoleto. Però nobody is perfect. Qualcosa mancava. Qualcosa de austriaco. El solito che ciapa tuto in scherzo el dirà: Illy o Hausbrandt? Lasemolo nel dubio.

[Ciancele]

Aufgeschoben ist nicht aufgehoben, suolsi dir da queste parti. Cioè cosa rimandata non è annullata. Ogi go magnà i pomi in camisa con sucaro e canela. Se scrivo: "Ogi go magnà i pomi, in camisa con sucaro e canela" ga el steso significato?

[Nona Picia]

Aufgeschoben ist nicht aufgehoben, suolsi dir da queste parti. Cioè cosa rimandata non è annullata. Ogi go magnà i pomi in camisa con sucaro e canela. Se scrivo: "Ogi go magnà i pomi, in camisa con sucaro e canela" ga el steso significato?

Diria che una virgola nel posto sbaià fa rider tuti i forumisti triestini

[Ciancele]

Più che Cosa magnemo, diria come la magnemo. Ve conto dela mia aventura, anzi disaventura. Son scampà ala morte. Par gnoco se disi che son saltà zo. De dove? Del vaporeto de Caronte. Prima el gaveva una barca, ma adeso con tanti che mori el ga un vaporeto. A motor eletrico. Par no inquinar l’Acheronte. Se no i pesi mori. E mi ‘n cora un poco e morivo, sofigà, par via de un spin de pese. Nel mio caso iera una trota fumigada e la gaveva più spini dei guati. Za i antichi romani i diseva: Cave guatum. Tuti conosi el deto: Chi lasa la via vechia par la nova. Tuti fora che mi. Tornerò sula via vechia che saria caramai e scampi. I gavarà tuto, ma no spini.

[Ciancele]

Gourmet, autolesionista o roulette russa? Qualsiasi denominazione andrebbe bene. Vostra domanda: Ciancele scrivi par talian. El perdi colpi? De cosa se trata? Gnente. Volevo solo dirve che go magnà de novo pese. Par gnoco el se ciama Schwarzer Heilbutt (Reinhardtius hippoglossoides), par talian halibut. Halibut saria però anca el Weißer Heilbutt (hippoglossus hippoglossus). Dove xe la diferenza? Mi diria solo nel prezo. El hippoglossus costa el dopio de l’hippoglossoides.

[babatriestina]

mi me ricordo solo el oio de fegato de halibut/ippoglosso. Haliborange, sciropeto al gusto de naranza , quasi bon.
Qua no se vedi. Stasera devo decider se 2 minuti in microonde per un filetto de branzin surgelado o 3 minuti per un toco più grosso de merluzzo nordico. Tuta roba senza spini. Poderia meterghe vizin un a patatina lessa.. e a pranzo iera barboni friti!

[babatriestina]

Ogi la baba dela pescheria ma ga oferto filetti de sfoia pena netai. 10 euro, ma fato con burro e salvia iera una squisitezza de ristorante! e no un spin!
Po fighi blu nostrani del Mercato coperto..

[Nona Picia]

Sardele in savor per Sum, olive nere ,uva...
Mi nerveti dureti e mozzarella melanzana gigante apanada uva

[Ciancele]

Ogi la baba dela pescheria ma ga oferto filetti de sfoia pena netai. 10 euro, ma fato con burro e salvia iera una squisitezza de ristorante! e no un spin!
Po fighi blu nostrani del Mercato coperto..

No so che pese che xe la sfoia. Ma go visto el prezo. Per diese euro qua i te dà solo pasere. Cola testa. NB: Pasere ga spini. Fileti de pasera sui 15 euro. Però senza spini. Spini se paga a parte.
Fighi blu nostrani anca qua, dai 30 ai 90 cent al toco. Me coregio: Nostrani solo pai turchi.

[Ciancele]

Sardele in savor per Sum, olive nere ,ua...
Mi nerveti dureti e mozzarella melanzana gigante impanada ua

Nona Picia, ua anca nera o bianca?
Una domanda: nerveti de chi de che cosa? Complemento di specificazione. Se i nerveti xe de osi de vedel, vengo subito de ti. Anca a pie. Cosa vol dir dureti? I xe anca tenereti? Te li fa cola mozarela? O la mozarela xe impanada? Melanzane nane le impano anca mi.
Sardele in savor le xe par mi tropo grandi. Ma sardoni sì. Solo che la putela me fa rimandar de setimana in setimana. Ma mi tegno duro.

[Nona Picia]

Ciancele, nerveti dureti vol dirpoco che devo cusinarli ancora un poco, lamozarela no la go impanada, no me piasi, le sarde no xe po' tanto più grandi dei sardoni, ma più grassette sì

[Ciancele]

Ciancele, nerveti dureti vol dir poco che devo cusinarli ancora un poco, la mozarela no la go impanada, no me piasi, le sarde no xe po' tanto più grandi dei sardoni, ma più grassette sì

Grazie par la meza informazion. L'altra metà: nerveti de cosa? Cosa xe nerveti? Quel dela mozarela iera un scherzo. Formaio se impana anca, ma un altro. Qua le sardele xe sarde, squasi scombri. Almeno do o tre volte più grandi dei sardoni. Bisogna contentarse de quel che se trova.

[Nona Picia]

De vedel... Qua la la mozarela se fa anche impanada ma a mi no me piasi

[babatriestina]

a Parigi i me ga impanado anche un Camembert

[Nona Picia]

Penso che se possi far con diversi formaggi

[Ciancele]

De vedel... Qua la la mozarela se fa anche impanada ma a mi no me piasi

Scusa se te tormento, ma che toco del vedel. Pie?
Qua se fa tanto Camembert impanà. De fora impanà, de dentro bel tenero. Se magna cola marmelata de mirtili e crostini de pan. Lo ciogo co' vado sul Reno. Po un bel bianco, amabile.
Sul confin de Monte Croce Carnico, nel ristorantin, i ga fato un formaio in forno, no impanà. Podeva eser Montasio (o un nome che ghe somiglia). Fora una bela crostisina, come col parmigian, soto la crostisina molo.
La mozarela la uso solo in salata col basilico opur co' fazo caneloni o lasagne al forno. La ga poco gusto proprio. Tante volte inveze del parmigian ciogo un pecorino un poco picante.

[Ciancele]

Chi si contenta gode. E i cocci sono suoi. I cocci, qui in senso lato, sono gli effetti collaterali dei fasoi. Mi me go contentà de poco: do fasoi e do crodighe. No gavevo subiotini e go meso un surogato, ma pasta corta. Go ancora mezo piato in frizer. For rainy days.

[Piereto]

Una domanda a chi che spignata. Gavè mai provà e trovà pasta zara in un market a Trieste ?. Mi no, Xe el secondo pastificio italian per produzion dopo Barilla , e la gà el stabilimneto più grande a Trieste, ma nisba. Un per de ani fa i la vendeva per el LIdl co un altro nome, e se podeva leger che la iera stada fata a Trieste, ma recentemente xe scrito sula confezion solamente prodotto per Lidl.

[babatriestina]

me par che ghe ne gavevimo parlado in un post a proposito d e pasta Zara. Ma mi la trovo senza problemi ale Coop. Personalmente preferisso le Garofalo o la Coop special al bronzo

eco qua https://www.atrieste.eu/Forum3/viewtopic.php?f=11&t=6280