Cuciniamo? Oggi in Tavola!!!!!

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

mia mama se xe per quel iera convinta che le ciare a neve vien suso anche batendole solo che con un piron. Basta gaver pazienza e energia. Mi impasto tanta orba cola machina, perché la vien più lissa che a man. Anche i crostoli.
Molti dopra la planetaria ( che saria la impastatrice eletrica, ma mi no go e no pesno de cior, no merita, Inveze la atlas coi rulli xe veramente ecezional per mi.. anche par far le lasagne del pasticcio


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Mi credo che, come al solito, el problema xe un altro. Ogi xe tuto erletico (elettrico). Co’le man se dà forsi ancora pache sula naschie (schiena) o se meti i diti in tal naso. Tuto el resto xe a machina. Anca mi, ai primi tempi, sbatevo la neve col piron. Dopo che la putela ga crompà el mixer, sbato a machina. El zalo de ovo mi lo sbato ancora col cuciar de legno. Erletico o a gas, se fa prima a cusinar. Sensa bazilar de impizar el carbon. Quando che in primavera, mio papà vigniva a casa coi scombri freschi, mama cioleva però la gradela (graticola) e la fazeva i scombri sul carbon. Go leto che la fiorentina fata sul carbon ga un gusto più bon de quela sul gril erletico. Parchè xe el carbon che ghe dà quel gusto bon. Come el parsuto sugà in camin xe più bon de quel sugà in camere dove che circola sempre la stesa aria. In camin se brusa carta, legni, carbon e tuto ghe dà un gusto diferente, che misià xe el nostro parsuto domaćo. La mia Atlas ga più de quaranta ani. E la funziona ancora. Xe logico che cola machina se fa prima, ma par do porzioni no merita tirar fora la machineta. La mia putela disi che anca lavar le machinete costa tempo. Ogi gavemo magnà vanzumi (assaggini?) e go fato patate frite. A fogo baso, squasi meza ora, ma valeva. De qualche setimana in qua, se cusino mi, gnente o poche robe a fiama alta. E son più contento del magnar.
A furia de parlar de magnar me xe vignù sede. Ciao.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

La putela xe via. Terminus technicus in italiano: È fuori sede. Iera sera me go fato un per de alete, de diese deca l’una. No galeti spisime (denutriti). Col pinot bianco. Una delicazitudine (delicatezza). E, naturalmente, patate pirè (purea di patate). Ho dovuto assentarmi (eufemismo) e le patate se ga stracusinà. No le se ga squaià ma squasi. Le go mastruzade col piron, zontà butiro e pana de 35% (no late). Cola torna che la voli (voglia) o no farò el pirè de novo cusì.
Ogi xe Pentecoste (noi diseimo piade inte le coste) e go un galeto de mezo chilo. Lo farò in forno e se funzia tornarò a far co’ la torna a casa. Una specie de cocoven (coq au vin) ala Ciancele. Se vien fora un schifez go ovi e una piza in friser. :cheezy_298:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

vecia discusion a casa mia sul pirè. Mi lo voio passado col strucapatate, altri lo mastruza solo che col piron..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: dom 31 mag 2020, 8:34 vecia discusion a casa mia sul pirè. Mi lo voio passado col strucapatate, altri lo mastruza solo che col piron..
No par far el dificile, ma me par che netar un piron, magari sule braghe, e lavar un strucapatate xe granda diferenza.
Ma mi go imparà co' iero nela cusina militar inglese in piaza Oberdan: smashed potatoes.


Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: Cuciniamo? Oggi in Tavola!!!!!

Messaggio da sono piccolo ma crescero »

babatriestina ha scritto: dom 31 mag 2020, 8:34 vecia discusion a casa mia sul pirè. Mi lo voio passado col strucapatate, altri lo mastruza solo che col piron..
A mi le me piasi cote co la scorza, ma no stracote, strucade col strucapatate in modo che se ghe senti un poca de struttura co se le magna; salade giuste e con un poco de buro mantecado dentro e sbatude a man.

No me piasi come che le vien coi frullatori perché xe una cremeta tropo moleca.


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

sono piccolo ma crescero ha scritto: dom 31 mag 2020, 15:14
babatriestina ha scritto: dom 31 mag 2020, 8:34 vecia discusion a casa mia sul pirè. Mi lo voio passado col strucapatate, altri lo mastruza solo che col piron.
A mi le me piasi cote co la scorza, ma no stracote, strucade col strucapatate in modo che se ghe senti un poca de struttura co se le magna; salade giuste e con un poco de buro mantecado dentro e sbatude a man.

No me piasi come che le vien coi frullatori perché xe una cremeta tropo moleca.
Gusti xe gusti, diseva quel mato. Quel de Marsilia (savon, no mato) ga anca più strutura. El pirè xe par gente che no ga denti o no vol mastigar. Co’ te meti butiro, late o pana e noce moscata gratada, poco se senti el gusto dela patata. Anca con lardo squaià e frize se senti poco. Ma el pirè ciapa meio el sugo, parchè pirè e sugo fa una emulsion che par certi magnari xe ‘sai bon, che cola pasta o coi risi no xe posibile.
Ieri el galeto no iera mal, ma no lo fazo più cusì. La prosima volta lo laso intiero o lo verzo a libro, ma no in forno, sul grill, come el polo ala diavola. Mio zenero ga un grill grando, par do o tre galeti. El ga za dito che poso vignir quando che voio.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Oggi go voludo copiar quel che i me ga dado de magnar a Ponza Pasta con cernia e pomodorini.
Go trovado filetti de cernai surgelai, no iera nostrani, anzi indopacifici, ma per far sugo de pasta andava ben
Un a padella con un per de cuciari d eoio e un spigo de aio po cavado, intanto ce se cusinava la pasta , una decina de pomodorini ciliegini taiadi in due fin che deventa teneri, po i filetti de cernia che iera ancora un poco congelai, fazendoli un poco spapolar col piron.. co i me ga parso cotti go zontando un poco de pevere e un pizigo de peveronzin in polvere, e fato saltar la pasta. Un poco de persemolo fresco.. fato svelto, come in ristorante! mi no me ocori andar nei locali dela movida..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

'sti pomodorini i xe dapertuto. Pezo del parsemolo (prezzemolo). Do giorni fa go fato pomidori carnosi coi spagheti e basilico, ma no i me ga piaso. El basilico iera quasi sfiorì, de butar via, e i pomidori no i saveva de gnente. A diese chilometri, de martedi e venerdi xe mercato e xe una baba che fa solo pomidori. Vedarò de ela. Quela de far saltar in padela xe haute cuisine, ma par mi servi veramente. Copio.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Ieri ierimo a far la spesa. Par via dela nostra velocità iposonica semo tornai a casa ale zinque. La putela iera stremada e la me ga dito de far qualchecosa de bon e ala svelta. Qualchecosa de bon e ala svelta? Mia mama gavaria dito: Faghe un oveto frito. Go taià una zivola e go meso drento un ovo. Una bela roseta e un bicer de nero. Par mi do ovi e do biceri. Ve conto de questo parchè vedè che con poco se pol far tanto contenta la gente.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Spieghime quela dela zivola col ovo dentro. Crudo o cotto?
Mi sti giorni magno roba de inverno:
ieri involtini de verza e carne masinada. Vanzerà surgelato per altre due volte
Ogi sguazetoi de videl con risi e matavilz. Anche qua vanzerà se surgela e xe bon per altre volte.

Co no go voia de cusinar, oltre che verzer el freezer e impizar el microonde, sciopeta de pana con persuto cotto ( de bustina se no go de meio, taiado sul momento se go voia de andar del porziter. Con senape o meio cren, anche quel o fresco o de vasetto. Vegniva dela Germania in supermercato ma adesso no se trova più dei vasetti de crem dolce con panna, me piaseva assai..

la setimana scorsa go trovado un bel toco de carne : carne in tecia con pirè..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: sab 12 dic 2020, 12:06 Spieghime quela dela zivola col ovo dentro. Crudo o cotto?
Mi sti giorni magno roba de inverno:
ieri involtini de verza e carne masinada. Vanzerà surgelato per altre due volte
Ogi sguazetoi de videl con risi e matavilz. Anche qua vanzerà se surgela e xe bon per altre volte.

Co no go voia de cusinar, oltre che verzer el freezer e impizar el microonde, sciopeta de pana con persuto cotto ( de bustina se no go de meio, taiado sul momento se go voia de andar del porziter. Con senape o meio cren, anche quel o fresco o de vasetto. Vegniva dela Germania in supermercato ma adesso no se trova più dei vasetti de crem dolce con panna, me piaseva assai..

la setimana scorsa go trovado un bel toco de carne : carne in tecia con pirè..
Mi spelo la zivola e la taio a fetine che meto in farsora con oio o margherina. Frizo la zivola a fiama basa. Co' la zivola xe cota: bel color e tenera, meto un ovo e strapazo. Sempre fiama basa. Sal e pevere. Pan bianco. Son sicuro che te conosi. Forsi no me son spiegà ben.
S'ciopeta de pan con mortadela, salame, parsuto crudo o coto. Per la mortadela devo far 25 chilometri tra andata e ritorno. El resto xe solo un sogno. El parsuto coto del porziter xe una delizia, e anca quel crudo nele osmize sula strada del vin. Qua, quel che poso comprar in bustina xe meio lasar in bustina e butar via subito tuto. Qualche volta, par farme contento, la putela spendi fino a 5 euro per diese deca. Mi go speso anca de più, ma el parsuto, sia de San Daniele, sia de Parma, francese o spagnol, no sa de gnente. Solo la mortadela val.
Anca noi fazemo involtini de carne o de verza con carne masinada. El negozio al mecato coperto, che vendeva carne de poco par far coi capuzi, ga serà. Adeso xe dificile trovar roba cusì bona. I grandi magazini ga qualcosa, ma no val 'sai. Facilmente se trova le weisswurst, che tanto ghe piasi anca a Adler, de far con la senape dolze. Nei negozi taliani se trova zampone de scaldar e magnar con pirè e cren. Comestibile. Gavemo comprà carne del contadini. La costa de più ma la ga anca più gusto. Gavemo ciolto anca zivola, patate e do costate, ma 70 chilometri andata e altretanti ritorno.
Voia de cusinar gavemo sempre, tuti do. Evitemo solo de 'ndar tropo fora. Nei prosimi giorni devo cior caramai par frizer e sardoni. Li fazo distesi e in savor. Dela fia gavemo ciapà rana pescatrice surgelada. Go una riceta al forno on vin bianco. Baba mia, xe più facile che morimo de Covid che de fame o de sede. ;--D ;--D


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Weisswurst adoro mi, e in Germania magno sempre. Chissà quando che poderò tornar... Qua a volte i le vendi, ma no xe come quele dei Gnochi. Qua le ga el stesso gusto dele luganighe de viena, salvo el color. Che poi quele de Viena, a Viena i le ciama Frankfurter e a Francoforte me par Wienerli. Quele de cragno e el zampon no me piasi, tropo grasso.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

No iera ogi, iera quache giorno fa. Finalmente, dopo lunga e penosa malatia, go fato la rana pescatrice in forno col vino bianco. Con una feta de pan, pal sugheto. La putela ga dito che no iera mal. Qua se usa disi: ausbaufähig, cioè passibile di miglioramento. Se intendi che no iera mal e che se se fa qualche picola modifica vien 'ncora più bon. La prosima volta fazo con patatine. Prima le cusino cola scorza, quela sutil, e po meto in forno con rosmarin. In TV i conta che la scorza dele patate ga tante vitamine.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

babatriestina ha scritto: sab 12 dic 2020, 13:50 Weisswurst adoro mi, e in Germania magno sempre. Chissà quando che poderò tornar... Qua a volte i le vendi, ma no xe come quele dei Gnochi. Qua le ga el stesso gusto dele luganighe de viena, salvo el color. Che poi quele de Viena, a Viena i le ciama Frankfurter e a Francoforte me par Wienerli. Quele de cragno e el zampon no me piasi, tropo grasso.
Ogni tanto fazemo le weisswurst con i bretzel. I xe meio del pan. Luganighe de cragno no gavemo. Gavemo quele de Viena, ma le ga poco gusto. Co' iero a Monaco magnavo squasi solo luganighe, sempre in pie, in stazion. Le trovavo anca a Francoforte, ma no le gaveva listeso bon gusto. El zampon me piasaria magnarlo de Bepi. Sicome che xe un poco lontauz, me contento de quel "convenience", che saria za coto.
PS: Gavè visto che no go scrito s'ciavo e me dispiasi. S'ciavo xe un agetivo qualificativo che distingui el mio Bepi de un Bepi normale.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Son sicuro che almeno do me invidierà. Stasera magno weisswurt col cren e bretzel. E bira scura forte. Qua me invidierà forsi solo un. E che Corona vadi in quel paese.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Te savessi... trovar no digo bone, ma anche solo luganighe bianche qua... tre supermercati no gaveva, masè ga serqado, sfreddo iera la fila fora, solo due persone pol entrar e savè come che xe le babe " e la me daghi un tchetin de quel, ma taiado a man, e po un tochetin, no, quel altro" un poco de meno.. un per de olive.. insoma dopo 5 minuti de fila fora ala bora go lassado perde, Qualcossa go trovado de Amadei.. ma quele che magnavo in Germania, in Baviera no trovo qua. Globalizazion? lbero mercato? Europa? Schengen? Se magna autarichico , qua, me par


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

El problema xe forsi le disposizioni di lege de ogni paese per alimentari. E anca el prezo. Pensa che qua le Parma o el San Daniele va dai 25 ai 50 euro par chilo. Una marca xe ancora più cara, ma no la compro più, e no par via del prezo. La putela disi inveze che manca l’aria, che saria l’atmosfera del logo e del momento. Mi me rabio sempre parchè parsuto e salame a Trieste me piasi e qua no. El parsuto xe bagnà e senza gusto.
Noi gavemo (anzi gaveimo) una specie de paston ciamado Leberkäse. Fazeimo una feta frita con zivola e patate frite. El iera fato co fegato de porco, carne de porco e de manzo, crodighe e erbe. A noi ne piaseva e fazeimo ogni tanto. Adeso bisogna andar in Baviera se te le vol magnar. Nell’Assia, o almeno a Francoforte, no se trova e i disi che no xe permeso. Se trova solo un’altra roba sensa el fegato.
Ieri go vardà de cosa che i fa le weisswurst. No te digo parchè te me son sinpatica. ;--D


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: Cuciniamo? Oggi in Tavola!!!!!

Messaggio da Ciancele »

Ogi me sento Radames. Quel che ritorna vincitor. Qualchedun domandarà: Cosa te ga vinto? Go vinto la mia paura e dopo lunga e penosa malatia go fato i risi coi caparozoli. Qualchedun domandarà: E come i iera? Cola mia solita modestia (naturalmente falsa!) dirò che mia mama li fazeva meio, ma listeso me go lodà. Chi se loda se imbroda, mi no me go imbrodà, me go inrisà. Qualche amico domandarà: Par condicio? No. Par mi iera la prima volta e i caparozoli iera in vaso. Inoltre el vaseto gaveva solo 130 grami, mia mama cioleva un chilo de caparozoli che dopo spelai i gave almeno 40/50 deca e i iera de sicuro più freschi dei mii. Qualche amico domandarà: Vongole veraci, arselle o telline? No so, le vongole iera cusì pice che no le gaveva ancora nome.
In ogni caso pasibile di miglioramento. Ve contarò.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: Cuciniamo? Oggi in Tavola!!!!!

Messaggio da babatriestina »

Xe anche le vongole surgelade... te ga fato in bianco o in rosso?
legevo su una guida de viaggi - che no podemo far- ocio al pesse de lunedì che no xe mai fresco, perché de domenica no i pesca. La pescheria vizin de mi de lunedì no verzi gnanca. Esisti comunque sempre i surgelati, però, e spesso xe assai boni istesso.


"mi credo che i scrivi sta roba per insempiar la gente" ( La Cittadella)

Torna a “El salotin”