PENSIERINI DI UN OTUAGENARIO

[Ciancele]

Stasera iero sentà in giardin in carega, con l’otavo davanti, e stavo pensando. A l’aradio i parlava de un analfabeta. E me go domandà cosa che podaria voler dir fabeta. Pensando a l’alfabeto, go visto che quel talian ga vintiuna letere e quel tedesco vintisie. E me go domandà quala letera xe la più bela. No so parchè go puntà sula T. E go pensà a parole che inscominzia con la T. La prima che me xe vignuda in testa xe stada trapa. Po Trieste. Tesoro. Tè, con rum, senza rum. Iera el mato al bar e el ghe fa al barista: Giorgio, fammi un tè. El barista (batendo la mano destra su l’avambracio sinistro) ghe fa: Tè. Dopo xe un’altra parola che se forma radopiando la prima metà. No la go trovada in tel vocabolario. Un de origine cabiba dirà Timballo. Tumbaro, ghe dirà un altro. No. T-Bone. Con Tiramisu xe tuti de novo d’acordo. Insoma saltavo de pal in frasca. E quanto meno iera in bicer più in alto saltavo. Setanta ani fa, co’ uno bambava compagno (si esprimeva in tal guisa), el domandava: Son grave? Ai posteri l’ardua sentenza.

[VetRitter]

saltavo de pal in frasca

se riqualifica i locai de lap-dance in osmize... (no la xè mia, la gò leta de qualche parte, scuseme ma me fa rider).
saluti

[Ciancele]

Veramente gavevo pregà de scancelar el mio post. Me vergogno de ‘verlo scrito. Sicome che dopo 24 ore son ‘ncora vivo, nisun me ga copà e el post xe ancora là, lasemolo star. Ma no giudicheme de quel che xe dentro. Volevo solo contar do barzelete sensa dar in tel ocio.

[Nona Picia]

Disemo che te ne volevi ralegrar un pocheto, dai.....

[Elisa]

Stasera iero sentà in giardin in carega, con l’otavo davanti,

....l' otavo de un' ánfora? Comunque, scherzi a parte, non mollare mai quel bell' umore!

[Ciancele]

Cara Elisa, grassie pai aguri. Se disi otavo, ma se parla de un quarto. El famoso bicer col manigo (da 250 cc). A mi che iero picio i me gaveva dà anca un bicerin col manigo (ma da 4 cl). E dopo te disevi: Deme un dito de roba. El dito no in posizion orizontal, ma vertical. Ierimo imbriagoni, ma cusì cocoli! Che ora gavè voi? Poso augurarte una bona giornada? Te la auguro.

[Elisa]

Sìii, grazie, anca a ti! 'na giornada magnifica en quant che ghè sol e tant azzurro! Anca tranquila, 'na zobia normal! Aven apena disnà e l' è le tredese e trentatrè.
Un bel Servus a te!

[Ciancele]

Ogi xe domenica 15 setembre. 80 ani fa, 15 setembre 1933, no iera domenica, iera el mio primo giorno de scola. 80 ani fa iero figlio dela lupa. 80 ani fa savevo far asta e fileto. Voi dire: Che monade, tuti noi savemo far asta e fileto. Sì, adeso, ma no 80 ani fa. Cosa devo far? Far festa o star zito e no contarghe gnente a nisun? In atesa del vostro consiglio fazo la seconda roba. Bona domenica.

[mandi_]

Caro Ciancele
oggi me son trovada a na festa paesana a mangiar e a ciacolar con un signore de 101 anni. Stava mangiando polenta e crauti co la so famiglia, in modo normalissimo, in piazza. Sul serio, mi ha fatto piacere parlare con lui, perchè tante cose che raccontava lui le sapeva perchè le aveva vissute, io perchè le avevo studiate.
Così se te ne voi contar de asta e filetto, son tuta recie. Nel 1933 in Italia iera Mussolini e nel 1938 sempre Mussolini e le leggi razziali

[Robbi]

A l’aradio i parlava de un analfabeta.

te ga scrito aposta cosi vero?

[Ciancele]

Se dovesi scriver par talian, scrivaria: la radio. Come anca: l'esca e no la lesca. Come che go dito, el mio triestin xe vecio. A quei tempi se scriveva cusì. O almeno mi scrivevo.

[Zigolo]

Se dovesi scriver par talian, scrivaria: la radio. Come anca: l'esca e no la lesca. Come che go dito, el mio triestin xe vecio. A quei tempi se scriveva cusì. O almeno mi scrivevo.

Giusto! E come che i ga fato el film La Merica, ti te dovessi far L'Agermania

[mandi_]

E mi go visto me nipotin ieri scriver "l' aradio" su un tema da portar a scola. Come la metem? Cossa ghe digo? Che no se scrive en dialet, se deve sol parlarlo?

Me nona me diseva: "smorza quel aradio per piazer, che voria dormir"

[Ciancele]

E mi go visto me nipotin ieri scriver "l' aradio" su un tema da portar a scola. Come la metem? Cossa ghe digo? Che no se scrive en dialet, se deve sol parlarlo?"

Dighe che dopo ogni parola el scrivi: foneticamente. Cusì el se salva.

[sono piccolo ma crescero]

Del resto bisognerebbe intendersi su cosa sia lingua corretta. Le lingue le creano i poveri e poi seguitano a rinnovarle all'infinito. I ricchi le cristallizzano per poter sfottere chi non parla come loro. O per bocciarlo.

Voi dite che Pierino del dottore scrive bene. Per forza, parla come voi.

Appartiene alla ditta.

Invece la lingua che parla e scrive Gianni è quella del suo babbo. Quando Gianni era piccino chiamava la radio lalla. E il babbo serio:- Non si dice lalla, si dice aradio.

Ora, se è possibile, è bene che Gianni impari a dire anche radio. La vostra lingua potrebbe fargli comodo. Ma intanto non potete cacciarlo dalla scuola.

"Tutti i cittadini sono uguali senza distinzione di lingua"; . L'ha detto la Costituzione pensando a lui.

Il grassetto è mio.

[babatriestina]

quel povero Pierino, come lo mette alla berlina l'autore del testo! per colpa di suo padre, perchè a scuola prende meritati buoni voti...

[mandi_]

Baba, davvero, te consiglio na visita a Barbiana. Lì tutto parla di Don Milani e tutto esprime il suo grande cuore. Quei bambini volevano studiare, i loro genitori volevano un futuro migliore per loro. Don Milani usava parole forti, ma buone. Non voleva umiliare i bambini, voleva aiutarli. Quelli erano anni dove davvero chi gaveva bori aveva la strada spianata nella scuola.
Adesso facciamo tanta fatica per recuperare il nostro dialetto, ma allora iera parlada comun e strafalcioni a scuola.E risatine de commiserazion...
Adesso per fortuna mi sembra che tutti i bambini, anche quelli stranieri che arrivano,abbiano pari opportunità.
Bambini però, perchè anche adesso certe scuole prestigiose e i master all'estero non tutti se li possono permettere per i figli.
Comunque viva il dialetto, viva l'aradio..

[Ciancele]

Mandi, bona domenica. In latino si dice: Cum grano salis.
PS: Non è farina del mio sacco.

[Ciancele]

Xe domenica dopopranzo, insoma dopo magnà. La vecia (mia moglie) me ga fato un piato de osi. Ve go contà tante volte dei osi che me fazo fastidio mi steso. Go la panza piena, go clincà (bevuto) qualche otavo e stago davanti al rodoleto de limpida (grappino). Vien i pensieri de prima, co’ iero giovine. Se pensa ale babe (donne). Co’ ierimo fioi pensaimo ale babe che incontreremo (NB: eufemismo!). Più tardi a quele che incontremo e, adeso, de veci, a quele che gavemo incontrà. Voi se pici, ma nel 1949/1950 xe vignuda fora una canzoneta: La mia signora di 30 anni fa. Mi dovaria cantar de sesanta ani fa. Quela de 60 ani fa no, ma quela de 59 ani fa la me ga fato el piato de osi. Oh! Gavevo promeso de no parlar più de osi. Scusè.
Ma xe stade babe che ga fato anca storia. Ai tempi de l’atolo de Bikini, i comunisti, scominziando de Jaksetich, i ga zercado de far creder la bomba atomica no xe cusì pericolosa come che se credi e dopo quela de Bikini un poeta innominato ga scrito, riferendose ale bestie che xe morte pa’ la bomba, che “pedoci e pulisi xe morti senza babe bikarize (pidocchi e pulci senza le abitanti di Bikini)” ma anca nostri crepa se no ga drugarize (anche i nostri non sopravvivono se privati delle compagne). (PS: No le compagne dei pulisi, ma quele dei compagni.) Vado sempre fora tema. Scusè. Babe che ga fato storia: Eva, Elena (no la regina, quela de Paride), Cleopatra, Maria Teresa, Marianna (no quela che va in campagna, ma quela francese), Germania (Ghermania, quela del monumento sul Reno, a Rüdesheim), la Loreley (quela del tesoro del Reno), Bavaria (quela dela Oktoberfest). Savè che i ga ‘verto la Oktoberfest? Baba Triestina, te pol vignir a Monaco a veder la gente che se inciuca (ubbriaca) de bira e te pol scasar la testa. Co’ scasavo la testa, un me ga contà dela lege del fil de fero. No se impara mai ‘bastanza!
Co’ se ga parla de babe, ala mia età vien sono e vado a calarme (a letto).
Par do ore gavarè pase de
Ciancele.

[Nona Picia]

E ta ne conterà dela lege del fil de fero?