ELUCUBRAZIONI DE UN POVARO VECIO VECETO

El SOLO e UNICO logo indove che se pol ciacolar de tuto cuel che pasa per la testa :-) ... a proprio ris'cio e pericolo ;-D
Regole del forum
Collegamenti al regolamento del forum in varie lingue ed alle norme sulla privacy in italiano.
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

Mi son sta sempre da la prima ora per darghe a tuti i italiani la mascherina obligatoria, per qualsiasi forma influenzale e anche per sto virus. Ma po', no xe .....organizazion e coscienza. Sul vocabolario xe scritta la parola obligatorio, ma farla rispetar xe un altro par de manighe. Per cui stago a casa anche mi, e me movo per andar a fare la spesa do volte a la setimana. Nel mio rion ghe xe solo una boteguza, per cui devo cior l'auto. Ogni provedimento che riguarda el modo de viver porta a dei cambiamenti , xe come el giogo, qualchidun guadagna e qualchidun ghe perdi. L'importante xe che ogni bel giogo stufa, e sto qua no xe un bel giogo afato. No volesi che qualchidun ciapasi gusto a tinirne boni è cuci anche per altre robe.


Avatar utente
sono piccolo ma crescero
cavalier del forum
cavalier del forum
Messaggi: 8683
Iscritto il: ven 11 mag 2007, 14:08
Località: Trieste

Re: ELUCUBRAZIONI DE UN POVARO VECIO VECETO

Messaggio da sono piccolo ma crescero »

Comunque disemo le robe ciare: la mascherina, quela che i ciama "chirurgica", servi perché che la tua spudacia no vadi in giro, no per no ciapar i virus che gira co le spudace dei altri. Mi go un per che gavevo comprà co gratavo i muri e me le meto co vado dentro in botega e pena che vegno fora me la cavo: ciò no iera mai aria cusì neta in ste strade!


Allora s’accorse che le parole fanno un effetto in bocca, e un altro negli orecchi; e prese un po’ più d’abitudine d’ascoltar di dentro le sue, prima di proferirle. (A. Manzoni, I promessi sposi, cap. XXXVIII)
Piereto
eximio
eximio
Messaggi: 2935
Iscritto il: ven 24 set 2010, 19:38

Re: ELUCUBRAZIONI DE UN POVARO VECIO VECETO

Messaggio da Piereto »

La mia spudacia no devi far raza co la tua spudacia. Ergo mascherine che tuti devi meter, chi che se ritien sano o che sa de eser mala'.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Tempora currunt, direbbe il professore di latino che non ho mai avuto. El latin me lo ga insegnà Bruna, la mula de un dela clapa de mio fradel. Nel ’44 la ga fato la matura a l’Oberdan e mi l’esame di amision ala seconda superiore. Semo pasai tuti do. I disegni ghe ga fato la mula Edera, dela clapa, che la fazeva disegno e architetura a Ca’ Foscari. In disegno mi devo eser pasà par via del bombardamento. I me devi gaver dà quatro per incoragiamento, trasformado in tun sie tirando via voti de tedesco a matematica.
1945: fine dela guera. El 25 de april son sta ciamà cola cartolina rosa. La matina son ‘ndà là e no iera nisun. Ierimo in tre muli. Tre, solo pal tersilio, ma no briscola o tresete.
Veramente la guera iera za persa e i sperava forsi che mi fazo come una specie de Dick Fulmine o Superman. Iero solo. Né amici, né nemici. I amici, i gnochi, i se ga forsi fidà de mi e i xe restai in caserma. I gavarà dito: Gavemo Ciancele. I nemici, inglesi o partigiani, sconti, cagai de paura. Savemo tuti come che la xe ‘ndada.
Xe pasai 75 ani e son ‘ncora qua a contarvela. La prosima volta, otantesimo ano, no so. Vedaremo. Go promeso a tanti che li invito co fazo zento che no poso mancar. I saria disperai e i me mandaria tanti colpi. Guanto duro.


Avatar utente
Bilbo
Site Admin
Messaggi: 2279
Iscritto il: dom 25 dic 2005, 20:51
Località: Trieste

Re: ELUCUBRAZIONI DE UN POVARO VECIO VECETO

Messaggio da Bilbo »

Piereto ha scritto: mar 24 mar 2020, 15:06 La mia spudacia no devi far raza co la tua spudacia. Ergo mascherine che tuti devi meter, chi che se ritien sano o che sa de eser mala'.

Disemo che se sa de eser malà no ga de moverse de casa.....


Bye '73 de Roby.-
Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

Ma quei dell'Emilia Romagna ga dito ciaro e tondo che i ga proibido el atività fisica no perché servi, ma ripeto el loro parole "volevamo dare il senso di un regime molto stringente“."
regime, ah?
e me sa cha i ga fato altro cussì, vedi mascherina al averto.
Mia cugina a Vienna intanto passeggia pei parchi e va in machina nei dintorni. Lori pol.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Non tutti i mali vengono per nuocere. De lunedi in qua dovemo anca noi portar la mascara in boteghe, tran e teceta. Solo nel no serà podemo ‘ndar senza. Ieri la putela e mi ierimo in do negozi, cola mascara in scarsela. I ne ga dito che sensa mascara no i ne servi. Sicome che no voleimo crompar gnente, parchè no ne ga piaso gnente, né i prezi né la roba, gavemo dito che ‘ndemo in auto a cior la mascara e semo ‘ndai via. Cola mascara gavesimo dovù trovar una scusa.
I comincia a dar colpa dela situazion al governo. Pol darse che i gabi ragion. Ma el problema xe, come el solito, un altro. Pol darse che sia vero che in altri casi mori de più gente che par via del covid, ma se el governo no fa gnente, i ghe dà la colpa che no’l ga fato gnente. Se el fa sbalià, colpa che el ga fato sbalià. Se el fa giusto, saria la prima volta. Par che in magio i verzi de novo le scole, ma solo per quei de l’ultimo ano, che devi far esami finali. Ma tuti ga paura che vegni una seconda ondada, ‘sai pezo dela prima. E che anca che la prima no sia finida. Ogni giorno mori un mucio de gente. Un fato xe che in tuto el mondo xe pien de disocupai e tuti vol soldi del governo. E po la paura del dei after. Se podaria morir e gaver cusì un pensier de meno, ma a tuti ghe seca.
Una bona e una cativa notizia par quei che pasa o volaria pasar le ferie in Germania. La notizia bona xe che par che i voli verzer alberghi e ristoranti. Adeso i ristoranti e pizerie vendi solo magnar de portar via. La cativa xe che un mucio de gente, che ‘ndava a l’estero, ‘sto ano resta qua e cusì sarà dapertuto batù.
Ogni giorno xe una nova. In television xe solo corona e co’ corona xe finì, mi me indormenzo. Sul giornal i parla ben de corona e i meti che con corona xe meno inbriaghi, ma che serai in casa i se tunchia pal nervoso. Una nova industria: produzione casalinga di maschere. Mia fia ga cusì maschere par tuta la clapa de suoceri e consuoceri e la putelina granda ga fato la logistica. Sicome che la ga el patentin, la girava in machina a consegnar.
Par imbroiar i veci gente telefona disendo de eser el nipote e de gaver bisogno de soldi. Po i disi che no i pol ‘ndar fora de casa e che i manda un amico a ciorli. Adeso ‘sti nipoti i xe malai de corona e i ga bisogno de soldi par le sponte. Che no esisti ancora. O i vien disendo de dover disinfetar la casa o i vien a ofrir de cior soldi in banca. E i veci ghe conta cosa che i ga e i ghe lasa copiar i lumari dei estrati conto. Corona aguza l’ingegno. :doh_143:


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

Qua la museriola in certe regioni come la nostra xe obligatorio portarla anche per strada. E cussì te li vedi ch eogni tanto i la sbassa per fumar.. po i ga permesso de vender de magnar " per asporto". prima se podeva ordinar, ma portar a cas apodeva solo loiri coi fattoirni. I bar ga comnciado a vender cafè in bicerin de carta, maxe per asporto. Quindi no te lo pol bever in bar. ma ganca cora del bar, che sari assembramento tuti davanti a bever... ma no te pol gnanca bever caminado, perché te se dovessi caval l mascherina, e po per apsorto lori cvol dir portar casa. Oviamente a pie. se te ga le bar soto casa, ga senso, se no le se sfredisi intanto ch ete rivi. ma oggi i ga ditoi ciaro e tondo che i sarà severissimi sula mascherina e multazze dapertuto. ( mi me par de gaver visto anche un dei nostri politici con mascherina sbassada, cussì de sbriss).
E po.. l'acqua de mar ga 14 gradi, prima i ga dito che se un ga la casa di fronte dle mar pol far bagno.. poi cavado ellimite i ga dito sì se te ghe rivi a pie o in bici te pol, e qualchedun li ga cilti sul serio! El giorno dopo contrordine compagni! gavemo capido mal, no se pol far bagno per paura che po i se fermi al sol.. multa a un che ga fato bagno a Barcola, Per sta estate i sta pensando a museriola anche la bagno, meno che co se va in acqua, i disi. se no saremo za morti prima..


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Ieri sera, ala solita bambada sul corona, el presidente del consiglio dei ministri dell’Assia ga zercà de spiegar cosa che i ga fato, cosa che i farà e parchè. El ga dito che el se incontra coi altri presidenti e ministri dela sanità. Uno xe de una opinion, un xe de l’altra. Ogni tanto i xe tuti dela stesa opinion. Co’ se trata de zogar scaricabarile. I decidi de far una roba, ma quando che sarà fata ‘sta roba decidi la region. Cusì la colpa de quel che sucedi, o no sucedi, xe dela region. Par mi xe inutile ciaparsela col governo. Tratandose de una malatia contagiosa, tuti dirà che el governo no se ga moso e i domandarà parchè. Par quel el devi moverse, ma come?
I ospedai no i xe pieni, ma i ga leti riservadi par quei che ga el corona. Cusì chi che no ga corona devi spetar. Una conosente xe ‘ndada in ospedal e i ghe ga dito che l’operazion no se pol far. Forsi tra do mesi. E i ghe ga dà un lasiapasare par vignir drento. Chi che la compagna devi spetar fora e no pol vignir a veder come che la sta.
Ogi me xe vignù inamente i veci romani. I diseva: repetita juvant. Anca mi ripeto sempre le stese robe. El governo no sa cosa far e ga paura de far sbalià. Qualunque roba che el fazi. Tuti ghe disi che el sbalia, ma nisun ghe disi cosa che se dovaria far par far giusto. Xe sicuro che anca altre malatie fa morir, e ‘sai più del corona, ma contro cancro e teceta no esisti pirole. O contro colpi o aneurismi. Inveze contro le malatie contagiose se pol far qualche roba, ma se no se fa gnente i ghe manda colpi. Par quel el governo ghe trema de cior qualche decision, parchè el sa che la sarà de sicuro sbaliada.
Mi conto sempre che son san. Son mezo morto, ma san. Son più de qua che de là. (OT: Modo de dir triestin). Malatie se pol guarir, quel che go mi no. Za i veci romani diseva mens sana in corpore sano. Par quel i iera tuti soto i sesantazinque e sani. Iera un imperator, me par Tiberio, che gaveva una clinica par curar difeti ortopedici. Ciompi e zoti i ‘ndava de lu par curarse. El mato ghe dava un sburton e co’ i rivava zo no i zotava più. Un ghe ga dito: Ma i xe morti, e lu ghe ga risposto che no se pol ‘ver tuto. Aut aut, diseva i veci romani. L’unica saria che co’ se riva a l’età dela pension, el diretor dia el solito orloio de oro e la famosa pirola. Mortus est e no più buligaribus. Meno problemi sia de pension, sia de salute e aministrazion. Forsi vegnarà. Par intanto spetemo e brontolemo.


Avatar utente
Nona Picia
cavalier del forum
cavalier del forum
Messaggi: 10977
Iscritto il: ven 20 gen 2006, 15:08
Località: Trieste - Rozzol

Re: ELUCUBRAZIONI DE UN POVARO VECIO VECETO

Messaggio da Nona Picia »

mi no comento....la situazion xe dificile e complicada de tuti i lai de politici ignoranti che sa tuto e no fa gnente e de veci che no vol meter la mascherina e che ghe manca la pasegiata sportiva....purtropo xe la question lavoro, ben più importante de tuto el resto....
Diria che xe come "il gatto si morde la coda e non sa che la coda è sua"


Ciao ciao
Trova un minuto per pensare, trova un minuto per pregare,
trova un minuto per ridere.
"MADRE TERESA"

"La Mama l’è talmen un tesor de valur che l’ha vorüda anche Noster Signur" .....
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Che diferenza pasa tra l’abate Faria e mi? Nisuna. Tuti do gavemo una cavelada fina partera. La mia la devo al corona. De lunedi i barbieri podarà verzer, ma i disi che ghe vol spetar almeno do setimane per poder farse taiar i cavei, parchè adeso tuti vol, o pol, ‘ndar del barbier e el giorno ga solo ventiquatro ore. Mi go deciso de ‘ndar de mia fia. No la taia cusì ben come la mia barbiera, ma la me costa solo un baso. No, no ste pretender che mi … Ala mia barbiera preferiso darghe soldi.
Par restar in corona, i ga dito che i ga fato una roba e che no sarà più code davanti i ufici. Mi so cosa che i ga fato. I ga serà.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

de noi gnente barbier. Ssai scandal per un per d elori che ga comprado una bira "per asporto" e inveze i sa la ga scolada fora del local. oror! no i ga spetado de beversela a casa, i se ga cavado zo la mascherina e uera 7-8 , assembramento! e tanta gente se podesi li lapidassi augurandoghe de finir tuti intubai.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

babatriestina ha scritto: sab 2 mag 2020, 20:20 de noi gnente barbier. Ssai scandal per un per d elori che ga comprado una bira "per asporto" e inveze i sa la ga scolada fora del local. oror! no i ga spetado de beversela a casa, i se ga cavado zo la mascherina e uera 7-8 , assembramento! e tanta gente se podesi li lapidassi augurandoghe de finir tuti intubai.
Ieri ala television iera una orchestrina e un per de cantanti. Go vu l'impresion che i zoghi ai quatro cantoni, parchè iera un par canton. Gnente asembramenti, inveze de tavolini quadrati par do iera tavoloni retangolari par do: un de qua e un de là sentai o in pie sui lati curti. Probabilmente i tavoloni iera longhi un metro e mezo. Sensa publico.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Stamatina go leto albo signanda lapillo. Son ‘ndà a zercare una piereta bianca, ma sensa suceso. Qua semo in zona vulcanica e go trovà solo ardesia, basalto e gabbro. Insoma solo piere nere. Go cambià in: nigro signanda lapillo. Anca parchè saria più adato. Ogi gavemo el 12 de agosto. Cristombo Calofaro iera za de più de una setimana in mar e stufo de magnar ogni giorno menole. 67 ani fa mi son smontà zo del treno a Francoforte stazione centrale. 67 ani sensa Teran, 67 ani sensa parsuto, 67 ani sensa Bolunz. Rampicade? Solo su pai speci. Usque tandem?


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

67 anni fa Francoforte me par che iera ancora tuta de refar, che cola guera i la gaveva assai butada zo. Mi son stada una volta, anni 80, e go visto... tuto novo! go visitado la casa de Goethe, tuta refada , ma bela... Però el vin del Reno iera bon, per mi meo che el teran... la sola fadiga xe parlar tedesco, con quela gente che disi che le sol xe femina e la luna xe mascio.. logica teutonica che no me va zo.
Però la Germania, che una volta no me piaseva e disevo che se magna mal, sempe più me par caput mundi e el bugnigolo del Europa. De imitar se se pol.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Baba mia, mi no dovaria pianzer el morto. Xe vero che Francoforte iera squasi distruta, ma mi parlavo tedesco, gavevo lavor e gnente paura de perderlo. Una paga che podevo viver. In più, quela volta, iera solo par do ani. Nel 1955 dovevo tornar a Trieste e i gavaria mandà un altro giovine. Gavevo una camereta e go trovà una clapa, i amici de quel che xe vignù a Trieste a imparar talian. Che po xe vignù altrimenti no se podeva saver. Nel 1954 l'italia xe tornada a Trieste e el capo me ga domandà se podevo star un ano de più. E ogni ano iera un ano de più. Nel 1960 me go licenzià più per motivi personali che per soldi. Go l'impresion che qualchedun gavesi vu paura che ghe rubo el posto. E iera ogni giorno condoto in uficio. Nel 54 go conosù la putela e go vu sempre meno interese a tornar in Italia. Anca parchè go vu l'impresion che a Trieste i me gabi dismentigà.
Magnar gnoco: Dipendi, ma un triestin - anca lu mandà in Francia, ma con uficio in Germania - el ga dito che a l'estero el magna solo roba estera. I sui coleghi, tuti con una paga 'sai bona, de sabato e domenica i andava a magnar in un ristorante talian, pagando prezi che solo i americani podeva permeterse. I me ga dito che el xe morto qualche ano fa. Ma sicuramente no parchè el magnava roba gnoca.
Bever gnoco: Se ga solo l'imbarazo dela sielta.
Tuti pianzi, ma dopo poco tempo che i xe in Germania i va in auto. A casa gnanca in bicicleta.
E i gnochi i xe meno duri de quel che se pensa. La familia dela putela, anca i zii, me ga acetà subito. In piena era xenofoba-talianofoba.


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Legendo nel nostro vocabolarieto: No gaver gnanca pal cul, me xe vignù inamente Putin e go pensà che anca lu varda i nostri post e, naturalmente, anca el nostro vocabolarieto. Difati tanto interese e paura el mostra quando che la EU ghe fa i oci de cativa. Le sanzioni me ricorda un poco el 18 novembre 1935 quando, dopo che l’Italia ga dichiarà guera ala Bisinia, Ginevra ghe ga dichiarà le sanzioni. Noi no gaveimo gnente prima e no gavemo vu gnente durante e dopo. Pol anca darse che ala Merica ghe premi che sia barufa cola Rusia, cusì i rusi no vendi gnente e se crompa roba mericana. Pol anca darse che la EU ghe gabi dito ala Rusia: Ciò, Rusia, sta scoltar. Noi dovemo brontolar par far veder che semo qua. E Putin disi: E mi devo far qualcosa par far veder che son mi che comando. Ala fine: Bon, ti te fa quel e noi fasemo cusì e tuti xe contenti.
Ma poso anca sbaliar. No son infalibile. :clapping_213:


Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

Par via del Covid mori una zaia de gente, la magior parte veceti (fascia di età da 71 ad 80 anni) o veci veceti (fascia di età da 81 a 90 anni), ma ogni tanto anca quei ‘sai più giovini. I povari veci veceti (fascia di età da 91 a 100 anni) no i vien nominadi. Probabilmente i credi che i sia za morti, ma che no i sa ancora uficialmente. De quel che go capido no se sa se i xe morti de Covid o de qualche altra roba, ma par che de Covid mori ‘sai de meno de quel che dovaria morir. Xe sempre qualchedun che tira el quel indrio, che no’l xe coperativo. I dovaria far autopsie par saver de cosa che i xe veramente morti. E in mancanza de questo no xe ‘ncora tanto ciaro se el Covid xe ‘sai pericoloso. Forsi par quel i negozi che ‘deso i xe serai i volaria verzer. No se sa se verzendo aumenta el numero dei contagiai e anca el numero dei morti. L’importante xe poder verzer e far in modo che vegni drento soldi. No importa a qual costo. Come diseva i antichi romani? Mors tua vita mea.


Avatar utente
babatriestina
senator
senator
Messaggi: 41270
Iscritto il: dom 25 dic 2005, 19:29
Località: Trieste, Borgo Teresiano

Re: ELUCUBRAZIONI DE UN POVARO VECIO VECETO

Messaggio da babatriestina »

Nissun mori più de veciaia.


"mi credo che i scrivi sta roba per insempiar la gente" ( La Cittadella)
Ciancele
notabile
notabile
Messaggi: 4742
Iscritto il: gio 28 lug 2011, 22:30

Re: ELUCUBRAZIONI DE UN POVARO VECIO VECETO

Messaggio da Ciancele »

babatriestina ha scritto: mar 9 feb 2021, 17:59 Nissun mori più de veciaia.
Saria interesante saver a quanti ani vien la veciaia. Giusto par saver come comportarme. :arf2_140:
Se la veciaia xe una malatia, i la ga stricada. Adeso gavemo cambiamenti strutturali dovuti all'età.


Torna a “El salotin”